先po起底
https://lihkg.com/profile/1159
切勿參與69九龍大遊行 搞手假民主 不負責任
https://lih.kg/2189557
1. 搞手渣哥式民主，投票結果唔啱心水就搬龍門
現時搞手喺本星期較早前，喺TG Channel舉行投票以估計參與人數及作是否繼續遊行嘅參考
當時嘅message係咁嘅：
若唔夠20000人投參與，就會考慮取消，而佢哋希望遊行會有50000人參加
而直至星期五晚截票前，表態參與嘅票數一直都係5000幾票左右，遠遠不及訂下嘅20000票門檻，但佢哋都已經急不及待宣布遊行會如期舉行
但我同時亦都發現，佢哋靜靜雞改咗投票門檻票數，其後更將有關提及門檻嘅message刪除
門檻由20000票改為5000票，目標參加人數由50000人改為20000人
因此我有理由相信，搞手一早已經決定遊行無論如何都會舉行，但由於投票結果不似預期，所以渣哥式搬龍門，強行舉行遊行
2. 行動計劃粗疏 搞手不負責任
今個星期較早前，會員 香城杏檀兒登仔 不斷喺時事台開post宣傳今次遊行，但喺星期五晚就向手足致歉，指搞手不負責任，冇釋除其他手足對遊行嘅疑慮
抱歉我一直隱瞞搞手嘅態度同處事方法係有好大問題。搞手嘅態度由第一日已經好傲慢，唔肯接受意見，當你提出一啲質疑，佢哋係唔會正視，而且成個過程十分被動，好多手足喺公海或者其他場合表達嘅不滿同意見，佢哋唔單止隔好長時間先覆，有時仲直接不讀不回，最後解釋竟然係話「我邊有咁多時間」，可想言之係有幾不負責任。
就算最後搞手真係有回應，佢哋都係好hea地帶過，就好似我前幾日講過關於遊行路線同聚人方法等等嘅問題，佢哋最後竟然話因為文宣已經出晒，所以認為更改路線等等係不適宜，搞手為咗唔使咁「麻煩」，去犧牲手足嘅安全，係好唔合理且不負責任。
對唔住各位手足，我承認星期日個遊行存在好嚴重嘅問題，我唔應該魯莽吹雞。
至於遊行行動計劃嘅問題，其他手足都有開post講過，我亦都唔再重覆
96九龍遊行 敵陣分析
我覺得96遊行有20萬人已經偷笑
3. 新手搞手舉辦，猶如細路仔玩泥沙
喺佢哋TG Channel嘅簡介係咁寫嘅：
喺呢班新搞手接辦之前，舊搞手因爭拗而解散，並其後由呢班新搞手攘辦
而新搞手亦喺簡介表示係
基於難得聚到一班手足，唔想浪費呢個機會，先開設新group。對於搞活動方面屬於新手
即係代表今次遊行只係唔想浪費一次「難得聚到一班手足嘅機會」而舉辦，並非以表達訴求或保障手足安全為最高考慮，是為「為遊行而遊行」。再者佢哋更表自己係搞活動係新手，可靠程度更加令人堪憂
總結
基於上述原因，我強烈建議各手足不要參與69九龍大遊行。若手足仍堅持參與，請保持比其他示威活動更高的警剔，注意人身安全，以自身安全為最高考慮，適時退場
