@親衛隊 唔係㗎,我個意思就係 to turn on the computer 咁解,唔係 the computer is on啊:golden-no:
說話生猛若省港 千變萬化巧用「劏」
-
http://www.cantonese.asia/portal.php?mod=view&aid=785
2015-4-30 11:37| 發佈者: highyun摘要: 廣東話之「劏」,原本意思係「宰殺」,以刀割開動物身體。例如東瀛人切腹自殺曰「劏肚」,高聲怪叫曰「劏猪咁聲」,吉人天相渡過危機要「劏雞還神」,歇後語「亞崩劏羊,咩都冇得咩」…… ... ...
早前,《生果日報》兩岸版某則新聞講及天津一宗車禍,標題爲:「天津大霧釀慘劇 旅巴撞限高欄劏頂兩死」。對照配相,車身遭限高欄橫向劏開,「劏頂」兩字相當形象。
廣東話之「劏」,原本意思係「宰殺」,以刀割開動物身體。例如東瀛人切腹自殺曰「劏肚」,高聲怪叫曰「劏猪咁聲」,吉人天相渡過危機要「劏雞還神」,歇後語「亞崩劏羊,咩都冇得咩」……佛山祖廟仲有嚿「劏人石」,傳說好多年前,某惡霸屈個細路偷佢屋企隻鵝食,問曰「你今朝食乜?」細路話「食螺,食螺」,由於佢甩牙,大人聽成「食鵝,食鵝」,於是乎惡霸拉咗佢老竇送官究辦,阿媽唔信自己個仔會偷人嘢,一氣之下,拉個仔去祖廟劏肚以證清白,結果細路肚中只得螺肉,而北帝神像前劏肚嗰嚿石頭就成爲「劏人石」,至今尚有隱隱血漬。此事於金庸先生《飛狐外傳》中亦有說及,成爲鳳天南與鍾四嫂嘅恩怨故事。
佛山祖廟「劏人石」
至今,「劏人」之事已極爲罕見,「劏」亦演變出更多意思,未必係「殺生」。例如低價旅遊團導遊帶遊客去購物點強制購物,嗰啲商店專「劏客」,所謂「劏客」,「好過去搶」也。「攔路打劫」,謂之「劏死牛」,皆因死牛唔識反抗,又夠大隻,任劏唔嬲,被洗劫者有如死牛一般,任人宰割。
廣東話活力非常,隨時世發展,「劏」嘅對象亦由生物轉爲死物。分間樓宇單位,又名「劏房」。香港寸金尺土,乜都要一分爲幾,間開嚟租賣,故此「劏樓」、「劏鋪」應運而生,同「劏房」一樣道理。此外,「劏」嘅物件越嚟越細,汽車拆成部件曰「劏車」,買手提電話上臺(電訊商捆綁銷售), 然後再攞部電話去賣呌「劏機」。
講開「劏」字,尚有大把話題,另案再議,敬請留意。
-
@sudo 喺 說話生猛若省港 千變萬化巧用「劏」 入面講:
佛山祖廟仲有嚿「劏人石」,傳說好多年前,某惡霸屈個細路偷佢屋企隻鵝食,問曰「你今朝食乜?」細路話「食螺,食螺」,由於佢甩牙,大人聽成「食鵝,食鵝」,於是乎惡霸拉咗佢老竇送官究辦,阿媽唔信自己個仔會偷人嘢,一氣之下,拉個仔去祖廟劏肚以證清白,結果細路肚中只得螺肉,而北帝神像前劏肚嗰嚿石頭就成爲「劏人石」,至今尚有隱隱血漬。此事於金庸先生《飛狐外傳》中亦有說及,成爲鳳天南與鍾四嫂嘅恩怨故事。
《讓子彈飛》六子被屈食涼粉畀唔夠錢,劏肚以證清白
https://www.bilibili.com/s/video/BV1oK4y1r7Y5 -
加tag #劏
-
@sudo 喺 說話生猛若省港 千變萬化巧用「劏」 入面講:
廣東話之「劏」,原本意思係「宰殺」,以刀割開動物身體。
呢個字係近代新造,最早寫成「鏜」:
- 遼朝釋行均編的《龍龕手鏡》 ‧金部「鏜」︰「音湯。以鐵貫物。」
https://www.yuetlab.com/word/5b9e838a3a9c4b303533e6b0
不過睇返上古用例,係表示鐘鼓聲,「以鐵貫物」一說到《廣韻》(同《龍龕手鏡》成書年份接近,都係公元一千年左近)先收錄:
https://ctext.org/dictionary.pl?if=gb&char=鏜- 《詩經·擊鼓》:擊鼓其鏜、踊躍用兵。
- 《說文解字·金部》:鏜:鐘鼓之聲。
- 《全唐詩·聖政紀頌》:磊磊其事,鏜鏜其聲。
- 遼朝釋行均編的《龍龕手鏡》 ‧金部「鏜」︰「音湯。以鐵貫物。」
-
「閂門」「熄機」要辨明 「開窗」「着燈」須分清
文化台 • sudo • • 峨嵋山上 • • 2 7 1950 -
錯版流傳勝正版 約定俗成邊個啱?
文化台 • sudo • • 粵語片語料 • • 1 2 1329 -
近義字詞唔好「是但」 做人說話切勿「求其」
文化台 • sudo • • 恆智德 • • 2 5 1571 -
連鎖店寶號 論盡麥當勞
文化台 • sudo • • 舊使用者 • • 0 2 911 -
名人典故入俗語 描寫比對更得意
文化台 • sudo • 0 1 700 -
數學啓蒙九因歌 乘法口訣花臣多
文化台 • sudo • • 港產片語料 • • 0 4 1390 -
端午扒船怕逆風 食糉勿忘樟木櫳
文化台 • sudo • 0 1 621 -
酒醉何以劏白鶴? 源自官話非老作
文化台 • sudo • • 恆智德 • • 0 4 1577 -
京劇粵化「啱河車」 北話南傳「Call Lao Ye」
文化台 • sudo • • 恆智德 • • 3 3 1368 -
舊文+評論重溫:中國大陸的簡體字
文化台 • sudo • 1 1 620