九音真經 :lm2xm-sosad: :lm2xm-sosad:
「同行」有本土話法 老友情侶最合「拍」
-
http://www.cantonese.asia/portal.php?mod=view&aid=834
2017-2-24 15:25| 發佈者: highyun| 原作者: 謝主隆
摘要: 香港最高民望嘅行政長官參選人,以「拍住上」爲宣傳語,表明與港人「拍住上」。而另一熱門參選人,則以「同行」爲主題。「同行」與「拍住上」意思相近,但其中一個更有親和力,皆因「同聲同氣」。 ...
香港最高民望嘅行政長官參選人,以「拍住上」爲宣傳語,表明與港人「拍住上」。而另一熱門參選人,則以「同行」爲主題。「同行」與「拍住上」意思相近,但其中一個更有親和力,皆因「同聲同氣」。
「拍住上」即大家同心協力,相互扶持,一齊迎難而上。廣東話裏頭,「拍」未必係手部動作,可以描述兩人或多人之並行或距離緊密狀態,如「一拍行」即兩人肩並肩行,「一拍坐」即兩人坐埋一齊;若然話徒弟技藝不遜於師父,則可講佢「拍得住師父」(追到幾乎並排);佮份做生意嘅,可算係「拍拿」(partner),即「拍檔」;若希望各人相互配合做好某件差事,則會請求各人「拍硬檔」。
至於使用頻率最高者,非「拍拖」莫屬。
或以爲,情侶「拖」下手仔,影下相(拍照),故曰「拍拖」,實質係同「花尾艔」有關。花尾艔係上世紀廣東水路客運全盛時期嘅內河運輸工具,船體碩大,裝修華麗,貌似畫舫。其最大特色係不設動力機艙,全靠前頭嘅火輪拖住,所以船內即無噪音,亦唔震動,深受旅客歡迎。
但由於花尾艔動力靠火輪船提供,兩船之間拖纜長達數丈,當進入內河港口時,河面複雜,船艇眾多,以火輪拖行嘅方式難以操作。因此,火輪會慢慢收纜,改爲拍埋大船旁邊,靠動力既𢶜(推)又拖,令大船埋埠。此時,兩船緊密相偎,一大一細,狀如一對戀人,「拍拖」一詞便由此而生。
附帶提下,根據白宛如《廣州方言詞典》,「拍」寫做「走白」,信不信由你。
-
因爲粵語協會網站年久失修,網站證書提示安全風險,廣告無人清理。
我準備逐步搬運粵協文章,希望更多人可以睇到。
-
@GMod 同類轉載文章請幫手轉文化台
-
@sudo 喺 「同行」有本土話法 老友情侶最合「拍」 入面講:
香港最高民望嘅行政長官參選人,以「拍住上」爲宣傳語,表明與港人「拍住上」。而另一熱門參選人,則以「同行」爲主題。「同行」與「拍住上」意思相近,但其中一個更有親和力,皆因「同聲同氣」。
民望高就要拉你落來
而家乾脆唔畀你揀,好快就會「協商產生」
-
講嘢斷句更搞笑 度gag玩人有新招
文化台 • sudo • • 恆智德 • • 1 3 1014 -
擇偶最忌劏猪凳? 命理玩笑豈當真
文化台 • sudo • • 恆智德 • • 0 3 1439 -
寫字點橫竪鈎折 「十劃」何來有「一撇」?
文化台 • sudo • • 粵語片語料 • • 2 2 1228 -
誰欲埋街食井水? 可憐青樓薄命女
文化台 • sudo • • 舊使用者 • • 2 5 1246 -
舊文+評論重溫:中國大陸的簡體字
文化台 • sudo • 1 1 620 -
何謂「無厘頭」 畧字有因由
文化台 • sudo • • 恆智德 • • 1 8 1250 -
子孫後代隨父姓 緊記「老竇」係雅稱
文化台 • sudo • • 恆智德 • • 0 2 647 -
猜拳遊戲傳古今 口令何故曰「情尋」?
文化台 • sudo • • sudo • • 1 4 782