當年制定香港語言學學會粵語拼音方案（LSHK Jyutping）班人係咪受國際（支那）標準漢語拼音方案影響好大？

[親衞隊]

戴定頭盔先：極度業餘愛好者

https://xsden.info/topic/960/粵語拼音方案你哋鍾意邊種

之前都有討論過粵語拼音方案，我最近諗緊拉丁粵文所以想舊事重提。

我會攞「z」、「c」出嚟講，因爲呢種標記方式係一開始係中國製標準先用，唔信可以睇下粵文維基嘅拼音對照表：

https://zh-yue.wikipedia.org/wiki/粵語拼音對照表

會用「z」表示「/dz/」、「/dz₂/」嘅，除咗粵拼，就得中國製嘅「廣州話拼音方案」

https://zh-yue.wikipedia.org/wiki/廣州話拼音方案

廣州話拼音方案又叫做廣州拼音方案[1]，係中華人民共和國廣東省教育部喺1960年公佈嘅粵語拼音方案，用嚟拼寫廣州話嘅語音

[親衞隊]

跟國際標準，睇下馬英九引入漢語拼音之後臺灣啲新地名

[親衞隊]

Google（我係後尾先知）同Gboard都係用耶魯粵拼，所以用嘅人好多。LSHK Jyutping推廣嗰陣都好鍾意同耶魯粵拼對比

如果你試下喺Google search 「耶魯粵拼」，真係介紹耶魯粵拼嘅，得維基嘅兩篇文：
https://zh.wikipedia.org/zh-hant/耶魯拼音
https://zh-yue.wikipedia.org/wiki/耶魯粵語拼音

其餘都係Jyutping陣營嘅網站：
https://www.howtostudycantonese.com/jyut/到底耶魯粵語拼音同粵拼有咩分別/

粵拼同耶魯粵語拼音邊個好用啲啊？

粵拼好用過耶魯粵語拼音九條街。因為粵拼標音嘅方法係用數字，所以只要用普通嘅鍵盤，無論喺電話定電腦都可以輸入倒啲拼音；耶魯粵語拼音係用符號標音嘅，用普通鍵盤根本打唔到，所以非常之唔方便。

作者好明顯撐Jyutping

https://jyutping.org/blog/table/

粵拼與其他粵語拼音方案對照表

---

如果係考慮近年嘅討論，我再試下喺連登搵下相關討論。

耶魯粵拼得一個post：
其實如果香港用埋粵語耶魯拼音都得喎

• 分享自 LIHKG 討論區
  https://lih.kg/adebES

語言學會粵拼就好多個：
召集 ifanboy，推到 iOS 出粵拼輸入法

• 分享自 LIHKG 討論區
  https://lih.kg/2566071

我之前講過，內文推嘅輸入法CantoBoard係用 LSHK Jyutping

[jyutping] 粵拼打字推廣區

• 分享自 LIHKG 討論區
  https://lih.kg/1994007

樓主係推薦Jyutping

---

想比起其它標準，Jyutping係有一班人一直喺度推廣

[親衞隊]

撐粵拼反耶魯派最鍾意講嘅係耶魯（正統）粵拼要寫聲調輸入麻煩，但係明明粵拼問世一年之後跟進推出嘅新版耶魯就係用數字標聲調。

比如下面呢篇勸人轉會去粵拼嘅文
https://www.howtostudycantonese.com/jyut/到底耶魯粵語拼音同粵拼有咩分別/

新版耶魯粵語拼音（1994）同正統耶魯粵語拼音有咩分別呢？

耶魯粵語拼音喺1994年更新咗一次，稱為新版耶魯粵語拼音。呢個版本嘅耶魯粵語拼音冇增加到任何聲母同韻母，只係改咗標聲方法，同粵拼一樣用數字標聲。

佢係有睇到新版耶魯嘅改變，但係喺對比耶魯、粵拼嗰陣係同正統比，如果一直有用開，應該知市面上嘅輸入法用嘅耶魯粵拼係新版爲主

粵拼同耶魯粵語拼音邊個好用啲啊？
喺呢方面粵拼贏耶魯粵語拼音九條街。如果要打拼音出嚟，因為粵拼標音嘅方法係用數字，所以只要用普通嘅鍵盤，無論喺電話定電腦都可以輸入倒啲拼音。另一方面，耶魯粵語拼音係用符號標音嘅。呢啲符號用普通鍵盤根本打唔到，要用專門打拼音嘅鍵盤先打倒，非常之唔方便。

如果要用拼音打中文字，無論喺邊一個平台，支援粵拼嘅輸入法都多過耶魯粵語拼音。

先唔講有幾多人用拼音輸入會連埋聲調，就算連聲調，耶魯粵拼同樣可以用1-6表示。

雖然新版耶魯粵語拼音改善咗本身嘅標聲問題，但因為冇增加到其他粵拼有嘅韻母，所以我哋都係會推薦大家用粵拼。

粵拼同新版耶魯粵語拼音元音嘅比較
粵拼 新版耶魯粵語拼音
aa a
oe eu
oeng eung
oek euk
eoi eui
eon eun
eot eut
eu /
em /
en /
ep /
et /

仲有，成日講嘅粵拼音齊好多。但係睇真啲，粵拼多嘅「eu」、「em」、「en」、「ep」、「et」，除咗「eu」同耶魯粵拼現有嘅有衝突（「eu」改成「eul」咪得），其它音完全可以直接補落耶魯粵拼度

[自動書記]

@親衞隊 有人推粵語拼音係好事，你好小氣

[親衞隊]

@自動書記 關小氣咩事？

[Index]

@親衞隊 Gboard嗰隻係耶魯？印象中粵拼都係近年先開始多人講

[親衞隊]

@index 有咗好耐喇