［拋磚引玉］Youtube推廣粵語頻道整理（11/8更新）

唔知呢度有幾多牆內人鐘意上youtube睇粵語影片呢？在下有睇開幾個頻道，想同各位分享下。大家得閒可以上去交流支持下

1. 殿下在香港 — 香港在世界

   香港人頻道。解說鐘意引經據典，但舉例貼地，表現親切，有時會用其他語言比較相似性。本身語言能力好強，好似會定期挑戰學一種新外語，短時間內上手。

   推薦：中至高階學習者，母語人士可以聽佢說文解字嗰part。

2. 秋山燿平

   日本人頻道。識講十種語言，最新學左粵語吸引香港粉絲，係近月紅人。初期有口音成日講到好似粗口好搞笑，而家連出名廣告詞都熟埋，目前教壞老婆中

   推薦：母語使用者，中至高階學習者可以聽前期練習影片。

3. 笑談廣州話

   廣州人頻道。其實冇睇開，純粹喺秋山訪問中知道有呢個頻道，歡迎各位補充 目測以輕鬆娛樂方式推廣粵語，例如急口令、rap、翻唱等等。唔知係咪牆外back up，有機會希望多多支持佢喺牆內既頻道。

   推薦：任何程度。

4. JinRaiXin 迅雷進

   馬來西亞人頻道（一樣喺秋山訪問中認識，冇留意開佢啲片）。多數影片主題係男仔遊戲，都有啲會專門討論返粵語。

   推薦：毒撚母語使用者

5. 喇啡哩 / 文化語言頻道

   廣西人頻道。識七至八種語言，多數係東亞語言。另外佢會將南寧白話同廣東話分開計，所以佢當八種。佢比較多由日常生活記錄同推廣，暫時係最少人知既頻道，未知牆內有冇同樣經營頻道推廣粵語。

   推薦：任何程度、對牆內外粵語交流有興趣者。

6. 你好嘢video (credit to @恆智德 )

   廣州人頻道。不時做街訪。

   推薦：母語者？

7. 點點dimdim

   目測香港人。粵語+國語導師（好似仲識台語），有fb ig亦都有微博。會出片專門講九聲六調，大約一半影片係吃喝玩樂既娛樂野。估計不談政治，應該最啱牆內口味。

   推薦：任何程度。

8. リンモクLingmuk [世界一可哀想な留学生 Youtuber]

   想做香港人既日本人頻道。主要出在港vlog同比較港日差異，喺秋山訪問裏面有分享學廣東話既經歷。

   推薦：母語使用者，對香港有興趣又識粵語既人。

另外，牆內好似都有人開始做返粵語推廣反攻北方，大家覺得效果如何？粵語氣氛有冇起色呀？

@RAM友 @Admin 可唔可以幫我睇睇排版出左咩問題？點解有啲顯示到有啲唔見左個名既？

睇嚟排版出左啲問題。
2係秋山燿平，4係JinRaiXin 迅雷進，直接搜尋都搵到。

@XsDenGuard 2同4個名變左youtube片但播唔到

@XsDenGuard 我全部都放channel link，所以先奇怪。

@XsDenGuard 果然使得

@RAM友 同場加映：

1. Edwin H.

   香港人頻道。講最新科技界潮流，其中以抵死盞鬼既誠實豆沙包系列最受歡迎。之前有段華為CEO空耳片唔記得落名，結果俾偷片狗喺牆內瘋傳

2. Jer仔

   香港人頻道。講野絕不文雅，會怒屌小粉紅。最大特色係無論講咩都好似押到韻，而且好有節奏感

3. 果籽

   蘋果日報youtube版副刊。美食、健康、旅遊、寵物，乜都有。主力發掘輕鬆話題，有個「廢青不廢」系列同深度遊系列，後者風評唔錯。最近動畫部好似high大左 一定有字幕。

   推薦：任何程度。

@恆智德 已收入主樓，歡迎指正 / 過更多料

張list會持續更新，暫時想集中對粵語比較有研究既youtuber，都有啲非港人channel比大家多個同異地粵語朋友交流既渠道。
遲啲可能會開專post收集我欣賞既歌影視頻道，或者會分開抗爭歌同舊時流行飲歌做唔同post。@恆智德 有咩意見