香港已成棄子，侵重有無後手？

[恆智德]

尋晚睇完《政治咖喱飯》，再挨夜睇埋當撈個發佈會，喺度總結下：

1. 劉細良認爲中國可能已經同華爾街巨頭達成檯底交易：微醫（騰訊控股）最快5月底申請香港上市，預計籌資150億美元；京東同網易6月中二次上市，預計分別集資20億和30億美元，網易招股書寫到明擔心納斯達克除牌。
   其中，摩根大通參與其中兩單承銷，5月初其上海分公司嘅内地合作公司所占49%股份已經轉讓，睇來已經成爲大陸首間外資獨資公募。
   舊年十月中國宣佈外資可以喺大陸成立獨資銀行同分行，睇來華爾街覺得可以抛棄香港，搶灘大陸。

2. 侵宣佈對中國幾招都唔意外：取消中國留學生簽證，審查在美上市中國公司（study the differing practices of Chinese companies listed on the US financial markets, with the goal of protecting American investors），乃至宣告香港一國一制（因此會取消香港特殊關稅地位），似乎都未觸及華爾街核心利益。

3. 侵手上淨得反共牌可以打，一定會去到盡；不過華爾街同歐盟班奶共派肯定一心搵錢，歐盟甚至出埋聲明話制裁中共唔係辦法。
   宣佈取消香港獨立關稅地位，侵而家已經做到足；再下一步就係金融戰乃至貨幣戰，一打就分分鐘天下大亂，侵有無決心同勇氣去到盡？

https://www.youtube.com/watch?v=UBtFtVmG3kE
https://www.youtube.com/watch?v=02d5bL_UBmc

[海印市民]

你話可能打唔中共匪死穴 https://www.xsden.info/post/5058
你覺得死穴係咩

上個月我諗緊寫篇文就係關於呢樣，拖到依家都未開工

[恆智德]

@海印市民 死穴咪外資囉

如果班奶共派寧願丟開香港直接衝入大陸（又或者借喺内地開銀行嘅華爾街巨頭之手），香港變深圳乃至東莞又如何

[海印市民]

[Rehk]

細良😂睇吓就算啦

[Rehk]

@海印市民 其實我覺得所謂真正死穴係海外班皇親國戚，夠流氓嘅其實可以靜靜雞捉晒佢哋，反正佢哋唔見得光。

[Rehk]

@恆智德 你唔好諗到啲巨商咁蠢先得㗎，同中国打咗咁多年交道，雖然人民幣很美味，但中国本質上係唔講道理又冇誠信嘅野蠻人

[親衛隊]

我覺得如果可以完全接受中國玩法嘅奶共商家一早就可以去上海啦，佢哋亦有足夠嘅資源同識門路去疏通政府部門。

但係一般人變會肯玩套，之後可能仲有機會要美國、中國二揀一。

香港唔單止係錢，我覺得通過香港走私技術對中國政府更重要（ 鎖國幾年冇嗮新科技囉）

[恆智德]

@Rekh 唔關蠢叻問題，資本逐利本性使然
殺頭生意有人做，蝕本生意無人做

你話歐盟係咪死蠢？德國佬係咪死蠢？
歐盟發聲明話制裁中國無用；默婆直頭話唔去參加G7，搞到當撈侵要推後會期

美國一旦退出中國市場，淨低塊市場空白就會被其他人搶走
如果歐美唔結盟抗共，共匪最多元氣大傷，有排都未死得住

[恆智德]

@親衛隊 所以而家中共咪開放少少，允許華爾街巨頭向中國開獨資銀行
到時就等呢啲巨頭做中間人吸引外資
即使唔能夠完全取代香港，都可以挨一陣

[Rehk]

@恆智德 個問題係唔知幾時會蝕本甚至比人食咗成個中国業務，因為對方冇誠信，所以同佢做生意嘅風險好大，其實巨商對風險好敏感，而家因為政治因素個風險越嚟越大

[Rehk]

@恆智德 德國同歐盟嘅立場純粹係想維持中国、美國、歐盟嘅勢力平衡，擔心砌低中国會令美國坐大，而非舔共

[恆智德]

@Rekh 德國同華爾街巨頭都唔算巨商，你話我知邊個係巨商
當然，肯定有人會抽水走佬，不過有歐洲同華爾街巨頭撐，中共再衰都可以吊命