我一路有個觀點 如果英國佬當初割舟山 噉今日就算一模一樣係一國兩制 都應該安樂得多 香港係秉承粵人搞搞震基因

[海印市民]

事先講明，你當我打飛機啦。

我感覺，芸芸中國人之中，廣東人算零舍中意「搞事」，或者換句話講，冇咁中意循規蹈矩，或者再換個講法，冇咁多觀念上嘅束縛。

加上香港同中國政局（北方人主宰）嘅衝突，其實隱隱間同廣東同北佬嘅衝突係一個道理，都係地域上嘅排斥同唔信任。

畀著當初割舟山……有d難想像上海佬/浙江佬點樣勇武抗爭。

講到上海，諗起90年前淞滬抗戰，十九路軍冚唪冷廣東人……
諗下民國嗰陣，粵軍桂軍都唔係太差，但係幾時有聽過蘇軍浙軍？

所以我始終認為，廣東人中意埋自己堆，團結對外嘅性格，可以利用變成對抗大中華大一統思想嘅一種工具。

[Rehk]

清末民初時期，上海一帶嘅人係全中國最有錢/知識嘅上流階層，條命咁矜貴鬼同你搵命搏😅

[恆智德]

https://youtu.be/6ugrRZWg95k?t=3146 (Invidious)

上海阿伯有類似睇法，認爲江浙人惜命，唔似兩廣人搏命

[恆智德]

@恆智德 介紹下個主講人 (Wikiless)

袁弓夷，香港美國電子工業實業家，在香港、美國創設9家企業，創辦香港國葉控股有限公司，歷任董事、執行董事、總裁、董事長，亦任香港雲工科技有限公司董事長。

生於上海，1953年隨家人移居香港。祖籍浙江寧波鄞縣，是為宋望族西門袁氏直系之後，父袁勃為香港照相業大王，族伯袁希洛為孫中山就任中華民國大總統時的授印代表，族叔袁希濤曾為中華民國教育總長。

子袁彌昌爲前新民黨政策總裁，女袁彌明為前港姐及人民力量前主席。

真係大支嘢

[親衛隊]

我覺得會唔會同自東晉衣冠南渡開始，江浙人就算係「核心中國人」有關？粵人除咗正常人都會去追求嘅民主、自由，仲多咗一種「民族主義」。

而且睇返歷史，粵地發達靠嘅喺西方影響力東進（古代海上絲綢之路、近代租界、割地），而唔係當時個中國政權有幾勁

[海印市民]

@恆智德 在 我一路有個觀點 如果英國佬當初割舟山 噉今日就算一模一樣係一國兩制 都應該安樂得多 香港係秉承粵人搞搞震基因 裡說：

https://youtu.be/6ugrRZWg95k?t=3146 (Invidious)

上海阿伯有類似睇法，認爲江浙人惜命，唔似兩廣人搏命

52:15開始先係戲肉
前邊聽晒d美國嘢先聽到呢度
早兩日喺連登我都睇到想聽嘅不過擰轉身閂咗個tab又唔記得

歸納幾樣，幾認同。

• 袁弓夷先生話，江浙人細膽；廣東湖南江西呢d打得，搞革命；北方人多親建制，少獨立嘅立場。
• 另外袁彌明講起討厭、抗拒聽共產黨內幕。（同我上另一個論壇、睇youtube一樣，見到d人中意分析共產黨鬥爭、「宮廷聽床學」就冇興趣，因為唔關我事。「北方政治愛好者樂此不疲的支那政治，粵語人普遍不感興趣。在我眼中，支共高幹的故事和外國政治人物的故事沒啥分別，都和我關係不大。」）
• 袁彌明又講到，就算香港人唔中意去理呢d共產黨內幕，但係都要去理解中國人嘅思維，否則抗爭運動就好似爭減d嘢。
• 袁老先生話，唔係共產黨，而係中國人幾千年嘅陰濕。

我嘅睇法就係噉，相信各位好多都係噉諗，中共國嘅問題唔係齋係中共嘅問題，而係中國人嘅問題。而喺另外一個論壇，你可以睇到北方人好多都淨係諗住倒共就得嘎啦，民主中國就天下太平嘎啦。

[海印市民]

@親衛隊 在 我一路有個觀點 如果英國佬當初割舟山 噉今日就算一模一樣係一國兩制 都應該安樂得多 香港係秉承粵人搞搞震基因 裡說：

我覺得會唔會同自東晉衣冠南渡開始，江浙人就算係「核心中國人」有關？粵人除咗正常人都會去追求嘅民主、自由，仲多咗一種「民族主義」。

而且睇返歷史，粵地發達靠嘅喺西方影響力東進（古代海上絲綢之路、近代租界、割地），而唔係當時個中國政權有幾勁

吳越做題家

[恆智德]

@海印市民 明明貼埋時間落條link度，點知重係從頭開始播
@Admin 出來睇下？

[恆智德]

@海印市民 準確來講係中國文化嘅問題，打到一個獨裁政權又到第二個上，秦以後周而復始

[XDen]

@恆智德 睇咗下plugin自帶嘅youtube regEx，冇咁醒目認到&t

[海印市民]

@恆智德 在 我一路有個觀點 如果英國佬當初割舟山 噉今日就算一模一樣係一國兩制 都應該安樂得多 香港係秉承粵人搞搞震基因 裡說：

@海印市民 準確來講係中國文化嘅問題，打到一個獨裁政權又到第二個上，秦以後周而復始

冇錯。我啱啱想寫幾句說話講。
一切要追溯到商鞅呢個冚家鏟。

吳、越喺春秋戰國時期幾惡死，可以打柒楚國。
楚國都唔差。
佢哋都唔係中原人，唔係華夏族來，而係所謂蠻族來。

最衰都係中原文化，真係毒瘤來。
由商鞅開始搞嘅秦政，法家呢d思想，韓非子、李斯都係呢一路。
二千幾年以來就係噉不斷屠宰周邊地區擴張，蠶食當地文化，成個社會就腐爛變成儒家中華文化。
講句唔好聽，如果唔係西方文藝復興+航海大時代+工業革命發展得快，東亞演化多一千年，分分鐘韓國越南日本都變埋中國。

江浙點解會變成今日噉嘅細膽、親建制、事事迎合秦制、唔夠獨立嘅思想呢？明明二千幾年前嘅人，吳越爭霸嗰陣，一路到三國嘅東吳，呢段時間都係幾勇猛。諗來諗去，我覺得原因就係一來中原移民，二來接受咗中原文化。

睇返今時今日嘅浙江，向全世界去做生意嘅，係窮山惡水嘅浙南溫州人。浙北杭州、嘉興、湖州呢班人，係似江蘇多d。如果撇除呢班人，浙江人其實應該同福建人更相似。中國東南沿海嘅廣東福建浙江都係，中意同外國貿易賺錢，就勝過讀書科舉出仕。唔係今日嘅事，而係應該唐宋開始已經係噉。浙江可以同日本貿易。福建廣東同東南亞、印度、阿拉伯貿易。

講咁多，講下對於中國政治，我覺得應該採取咩態度。
我哋嘅理想係自治，人哋唔好干涉我哋，我哋亦唔去干涉人哋。
但係現實上，我哋必須去干預北方政治。我哋去干預，唔係去統治佢哋，而係要拉一派打一派，以華制華。
我有一個幾耐下嘅睇法，就係我睇咗宋亡於蒙古、明亡於清、國共內戰國民黨輸嘅歷史，諗到嘅。
就係南方各地唔去干預北方，一旦北方d冚家鏟整合成一班人（而且係好容易），就滾雪球噉落來，南方冇一忽可以自己頂住成個華北嘅軍事力量。

• 宋朝係噉。北宋本來好地地，因為北方有遼同金互相掣肘。同金人夾份滅咗遼，就整死自己，喪失淮河以南。蒙古、金、西夏互相制約就好地地，西夏俾蒙古滅，再滅埋金，南宋就卒之頂唔住北方。
• 明朝又係噉。入關之前大戰幾十年。1644年清兵入關。知唔知揚州十日幾時發生？係1645年，即係入關一年之後，清兵就已經打到長江。屌那媽長江以北d冚家鏟係完全冇抵抗能力嘅。一年時間由山海關打到長江。
  廣東當年係點呢？1649年清兵先攻廣州（即係廣東以北長江以南都抵抗咗4年），清兵圍廣州十個月先破城。十個月吖！1650年廣州城破，但係廣東等地抵抗未停個喎。南明最終滅亡係1662年，永曆帝死於雲南。離清兵入關過咗18年。北方最早投降嗰d，仔都大啦。
• 國共內戰又係噉。南方各省除咗江西蘇區、海南島多共產黨游擊隊，應該冇邊個省係中意共產黨嘅。之但係1946至1948年喺長江以北嘅地方激戰，到1948年底遼瀋戰役開始，國民黨就骨牌噉冧。幾個月後徐蚌會戰（淮海戰役）、平津戰役。1949年4月底共軍過長江，23號佔領南京，5月22號佔領南昌，26號佔領上海。華北一失守，長江以南嘅就冇辦法打，唯有投降。

鑊鑊長江以北都係席捲，跟住就變身侵略部隊打落來。
滅南宋嘅元將係漢人，滅南明嘅清將亦係漢人，滅國民政府嘅蘇俄契仔咪又係漢人。

[恆智德]

其實睇返成段中國歷史，似乎江浙人最中意作反

劉邦同項羽都係江蘇人，一個徐州，一個宿遷

孫權係浙江人

宋江方臘都向江淮作亂

元末泰州張士誠據高郵，安徽朱元璋據南京，手下盡是江浙名士

晚清有光復會，主要由江浙人組成，包括秋瑾、徐錫麟、蔡元培、章太炎、陶成章

兩廣似乎要到近代先有人起事，從洪秀全開始，到康梁，再到孫文

[Rehk]

@恆智德 江浙人最中意作反 江浙有錢、非權力核心，作反要錢，分享唔到權力想作反

[恆智德]

@Rekh 請問上邊列出來邊個符合你所講？逐個分析下？

[chiang]

粵語區本來就應該自立成為一個國家, period.

[恆智德]

@Rekh 就算真係如你所講，分享唔到權力想作反，伊個咪正正係作反嘅本義？
唔順就反檯，重要博埋老命，唔知重有邊個地區嘅人好似江浙地區作反咁頻密？

[Rehk]

@恆智德 江南經濟在秦漢以及六朝時期取得很大發展，此後在全國經濟中擔當越來越重要的角色，至中唐時，經濟重心由中原南移，到了北宋中期，江南經濟已經成為全國經濟最重要的核心地位。江南地區雨量充沛,氣候較熱,土地肥沃,具有發展農業的優越條件。

[Rehk]

@恆智德 劉邦同項羽唔清楚，孫權就肯定係因為江東富裕而積累到本錢

[Rehk]

@恆智德 同意「分享唔到權力想作反，正正係作反嘅本義」，江浙勢力由三國東吳之後就一直分享唔到政治權力，相反中原、北方勢力一直掌握。
「唔順就反檯，重要博埋老命，唔知重有邊個地區嘅人好似江浙地區作反咁頻密？」事實上係因為其他地區冇江浙勢力咁大嘅本錢，江浙勢力雖然冇政治權力，但掌握全國經濟命脈，非常有錢，有錢之後先可以招兵買馬，抗衡中央，如晚清革命成功前，東南各省督撫已有脫離清庭割據自治現象。

[Rehk]

@恆智德 你都識講「兩廣似乎要到近代先有人起事」，正正係因為兩廣係海上貿易興起後先有錢，而江浙就好早之前已經有錢。

[恆智德]

@Rekh 所以問題個根本唔在於比較江浙同粵邊個有反叛基因，而係探討點解江浙人民國之後失去抗爭意志

當年中共打到來，上海班資本家一係走路，一係三反五反被迫跳樓
不過當時國民黨全黨走路，連杜月笙都走埋，抗日嗰陣都全靠外國庇佑先幸免於難，中共又搞計劃經濟，本身都無籌碼同人捻

[恆智德]

@Rekh 用錢恐怕分析唔到兩廣幾次起事：太平天國喺廣西成立，當時廣西係赤貧之地，遍地流寇；康梁唔知幕後有乜人撐；至於孫文，基本上從華僑籌款，當時革命黨係非主流，中國好少人支持

[Rehk]

@恆智德 睇番中國歷代起義/革命，你會發現大致有三種：1.「活不下去」起義（如陳勝吳廣揭竿起義、皇朝末年民不聊生之民變）2. 「流氓」起義（由不務正業者領導，如劉邦、李自成、洪秀全）3.「貴族豪強」起義（由有勢力者領導，如周文王、項羽、李淵）

而大家都知，多數成功嘅例子都係2同3。

[Rehk]

@恆智德 所以某程度上孫文係屬於「不務正業者」

[Rehk]

@恆智德 而「江浙同粵邊個有反叛基因」我覺得所謂「反叛基因」係偽命題，有冇條件搞起義/革命先係重點。

而「探討點解江浙人民國之後失去抗爭意志」方面，你都識講「當時國民黨全黨走路，連杜月笙都走埋」，江浙得番班唔敢搞起義/革命嘅有錢佬同知識分子，冇出現任何一個「不務正業者」「有勢力者」去做領導，而「活不下去者」一係投靠中共一係被輕易剿滅。

[舊使用者]

此回覆已被刪除！

[親衞隊]

@虫文门 喺 我一路有個觀點 如果英國佬當初割舟山 噉今日就算一模一樣係一國兩制 都應該安樂得多 香港係秉承粵人搞搞震基因 入面講：

福建科举成绩全国第一

邊度搵統計數字？

[舊使用者]

此回覆已被刪除！

[親衞隊]

搵到明朝嘅

https://archive.is/41ywq ( 原址: http://hksh.site/ng/mingjinshi1.htm )

明代進士的地理分佈(節錄）
華東師範大學古籍研究所 吳宣德

睇入面嘅統計，南直隸、浙江、江西都多過福建

[親衞隊]

https://kknews.cc/history/8z3zzmn.html

明清時期全國進士、狀元的地理分佈表

呢度寫嘅明清福建都唔係第一

[舊使用者]

此回覆已被刪除！