各位粵人點睇劉仲敬？

[惠福路人]

Historian, ex-medical examiner, author of Canons and Chronicles: China's Historical Construction | 《經與史》作者，曾刀下閱屍、現筆下論史

（第d人寫嘅介紹我都唔擺啦，費事有任何偏頗。呢幅相同簡介都係佢自己個twitter嘅。）

[親衛隊]

😂我想講以前係因爲睇樣冇留意佢嘅主張

認真答，如果有更加好的理由同歷史傳統就冇必要做姨學信徒。我覺得劉仲敬理念嘅受眾係嗰啲傳統上唔存在分離主義思想嘅地區嘅人。另一方面，佢嘅一啲主張如果認真信嘅話會俾人話種族主義（樣都唔做下邊有人幫得落手）。

簡單啲講，未聽過支持台獨、藏獨嘅人要去用諸夏理論。

[惠福路人]

我其實可能比植物壇多數人都早聽過劉仲敬，因為我係比較耐嘅豆瓣用戶。成十年前嗰陣佢豆瓣叫「數卷殘編」。我記得嗰陣條友先啱啱讀緊定唔知讀完四川大學碩士，都未去武漢大學讀博士。嗰時佢寫D民國嘢多。

佢d文將d古今中外嘅趣聞軼事串燒，係幾得意嘅。

對於佢後來嘅主張，我都冇點留意。總嘅來講，由豆瓣嗰陣到而家我都唔多睇佢d嘢嘅，因為我本身都唔係好中意睇中國人寫嘢，嫌多數人無聊同冇料。網度見人轉載就可能laap3下，但係條友d文太長，涉及嘅歷史知識太多，睇得好辛苦。同埋我睇任何人寫嘢都係抱住懷疑嘅眼光去睇，變咗我成日要睇埋wikipedia、網上其他人寫嘅嘢，去對比佢引用嘅史實係咪真係咪啱，真係睇得好辛苦。

關於獨立主張，我自己本人嘅諗法呢，係完全冇受佢影響嘅。我自己係親眼睇住佔領中環成場運動走向失敗，每日睇新聞、鍵戰，加埋一d其他個人際遇，而產生出獨立、自治嘅思想。後來聽講呢個人嘅主張都係噉，我覺得係大家都睇穿咗，中國呢個大一統國家，近二百年嘅西化自由化現代化嘅掙扎，問題就係出喺大一統、大中華、尊卑有別階級分明呢d嘢。

一句講晒，我覺得睇佢d文好難，所以好少睇；對於佢嘅主張，我覺得ok，可以斟酌。

[舊使用者]

無可否認佢嘅某幾個主張/論點係好獨到嘅

[Drdoom]

劉本身用華文寫中國分裂嘅書而且出版，算係喺學術界留下足跡。喺中國有獨立思潮嘅地方既然已經產生思潮，又有地利，就無需劉嘅學說做基礎。諸夏信徒都係外人，佢哋加入呢啲要求獨立嘅地方團體，代表佢哋作出行動。若能投機成功，一可分享成就，二可推動冇獨意願嘅地區作出新嘅思考。每次諸夏遊行中都有大粵民國旗幟，我心裡確實有被代表嘅不舒服感覺。但佢哋有本事喺條街到揮舞我同粵嚟粵掂設計嘅旗幟，反而我就喺千里之外返工搵錢。證明佢哋有勇氣行出嚟，所以得到成就亦係應該嘅。

話說劉創建大蜀民國，不知道巴蜀同盟會和其巴蜀共和國嘅人而家係咩心情。

[RAM友]

@親衛隊 其實香港一開始咪又係要發明民族？諸夏論就係叫其他地區一齊行呢條路，所以部分港獨台獨都buy，因為就算獨立最後唔成功，起碼種左種子改變啲人既思考模式，唔再盲從政權。而地方獨立思潮絕對係對中央權威既挑戰，越多人buy中央勢力就越弱，對各地既干預威脅就越吃力。最驚就係個個聽教聽話不特止，仲要做戰狼幫政權威逼打壓其他地方。香港以前唔理圖博，唔理台灣，唔理東突，到最後用自己既鮮血證明左獨善其身只會渣都冇得淨。
六國破滅，非兵不利，戰不善，弊在賂秦。

[親衛隊]

我哋而家應該點睇劉仲敬？感覺對於大中華派同獨派，對佢嘅語錄係各取所需。

[舊使用者]

佢提出咗問題，但冇提出真正的出路。