何謂穆斯林共同體

[夕雨時揚]

全體穆斯林共同組成左伊斯蘭社區「烏瑪」，根住烏瑪再向下分有共同語言既「薩本」。
好啦，咁伊斯蘭社會組織仲有冇分層呢？如果根據原教旨，冇。
即係話乜哈里發、蘇丹、國王、埃米爾、帕夏、伯克等等等等都是俗人加上去的頭銜
可能有人會覺得穆斯林=電視上成日見到堆男人包頭巾，揸住支AK向天開槍，要女人著包哂成身布卡，有四個老婆咁，其實呢啲只係少數。而且老實講伊斯蘭國加阿爾蓋達加埋連五萬都唔到，全世界有16億穆斯林，「烏瑪」內有害群之馬，唔代表所有穆斯林都係咁，等於基督教都有3K黨，但唔會戴白色尖帽燒黑人先叫基督徒。
穆斯林共同體以三個同心圓組成

內圈係本教派，即係共享禮拜方式同教條，外圈係其他穆斯林，根住係有經者，因為亞伯拉罕、摩西、耶穌同時亦係伊斯蘭教先知，猶太教徒同基督徒只係未奉先知穆罕默德教導的穆斯林。穆斯林原意係「順從主道既人」即係話呢個共同體係包埋任何亞伯拉罕一神教徒。
薩本理論上已經要係穆斯林社會既最低分層，教派本來都唔應該存在。
但基於教派存在的客觀現實，所以退而求其次，以教派為核心出發，構建出共同體。

[舊使用者]

此回覆已被刪除！

[夕雨時揚]

@虫文门 喺 何謂穆斯林共同體 入面講：

拜星教

要睇教派，放大黎講只要係伊斯蘭教先知創立既，都算。
前排聽馬成德阿訇講，由於先知穆罕默德係差遣到人群中黎，佢係人類最後一個先知冇錯。
但係如果某日天外飛來一架UFO，走落黎一兩個外星人，佢地可能都係真主派來既弟兄姊妹。
而家太空中咁多粒星，話唔定其他星球都有真主授命的先知，傳播真主的旨意。

以上係一種我覺得幾有趣既睇法，希望幫到你

[夕雨時揚]

@四邑漁農牧工商總會 大陸好似唔興叫咩弟兄姊妹，係香港同美國先興，香港清真寺都派飯，不過我唔多食就係，留返比有需要既人啦。好多印尼工人姐姐就靠免費飯慳番飯錢。奧斯曼教長舊年年底公佈左條數，我地仲有24億HKD盈餘，再黎幾千人都夠食既。

[舊使用者]

此回覆已被刪除！

[Wetdiet]

唔好意思，呢排雲南嗰邊比較多事，我叫你哋黎但我自己冇咩上，穆斯林理論上係普世既，無比彼此，不因語言同種族而區隔

[setimuni]

@四邑漁農牧工商總會 大陸弟兄姊妹叫慣朵斯提/多斯提，雷特街森/雷帝森，傑特/傑娜，信士/信女等等，係我地香港穆斯林照譯英文傳統既Brother&Sister，有啲年輕啲既弟兄姊妹會改下音叫巴打/絲打。

[setimuni]

@夕雨時揚 美國好似隨左Bro & Sis 就係叫 Believer or musilm
https://youtu.be/lCGjoCkvn98 (Invidious)

美國有位弟兄既贊歌唱得唔錯。

[setimuni]

@wetdiet 主要係冇人，不如叫多幾個人，浩宗弟兄佢地呢啲放緊暑假既學生上X登水水帖

[舊使用者]

@setimuni 其實一直有人的，但係自己懂得少，唔好意思亂開口，想睇大家講嘢。

[setimuni]

@阿離 其實我地都唔係識好多野，大家多交流，互相學習