濫用量詞數例

[恆智德]

此回覆已被刪除！

[恆智德]

@四邑漁農牧工商總會 喺 濫用量詞數例 入面講：

基本上箇係近乎萬能

口語當然點方便點用，我口語都成日加（因爲霎時間恁唔到其他量詞 ）
不過寫落書度，如果想保持簡潔，係咪應該慎用？
再者，如果下下都加「箇」，加唔加又有乜分別？

[Rehk]

@恆智德 加個量詞感覺比較通俗？

[Rehk]

而學術文章對「個」嘅濫用似乎係因為歐化中文

[恆智德]

@Rehk 學術著作應該要簡明扼要？如果成日用口語，畀人感覺係咪唔pro？

[恆智德]

@Rehk 翻譯腔，a 都唔放過，係要逐字對應

[Rehk]

@恆智德 學術界追求正式或者話係格式化嘅文風，而咩係「正式」？一般都認為模仿英文嘅論調會比較「正式」

[恆智德]

@Rehk 「正式」變成格式，寫埋一大堆都唔係畀人睇

[恆智德]

@恆智德 英文早就有呢種情況
余光中：怎樣改進英式中文？──論中文的常態與變態

英文好用抽象名詞，其結果是軟化了動詞，也可以說是架空了動詞。科學、社會科學與公文的用語，大舉侵入了日常生活，逼得許多明確而有力動詞漸漸變質，成為面無表情的片語。下面是幾個常見的例子：

apply pressure: press

give authorization: permit

send a communication: write

take appropriate action: act

在前例之中，簡潔的單音節動詞都變成了含有抽象名詞的片詞，表面上看來，顯得比較堂皇而高級。例如press變成了apply pressure，動作便一分為二，一半馴化為靜止的抽象名詞pressure，一半淡化為廣泛而籠統的動詞apply。巴仁 （Jacques Barzun）與屈林（Lionel Trilling）等學者把這類廣泛的動詞叫做「弱動詞」（weak verb）。他們說：「科學報告不免單調而冷淡，影響之餘，現代的文體喜歡把思路分解成一串靜止的概念，用介詞和通常是被動語氣的弱動詞連接起來。」

[恆智德]

@恆智德 下面呢首詩夠啜核

巴仁等學者感慨現代英文喜歡化簡為繁、化動為靜、化具體為抽象、化直接為迂迴，到了「名詞成災」（noun-plague）的地步。學問分工日細，各種學科的行話術語，尤其是科學與社會科學的「夾槓」，經過本行使用，外行借用，加上「新聞體」（journalese）的傳播，一方面固然使現代英文顯得多彩多姿，另一方面卻也造成混亂，使日常用語斑駁不堪。英國詩人格雷夫斯（Robert Graves, 1895-1986）在短詩《耕田》（Tilth）裏批評這現象說：

Gone are the sad monosyllabic days

When "agricultural labour" still was tilth；

And "00% approbation", praise;

And "pornographic modernism", filth-

And still I stand by tilth and filth and praise.

[Rehk]

@恆智德 兩個方面啦，複雜字詞同學術繁盛係相生嘅，例如各種「主義」

[恆智德]

@Rehk 喺 濫用量詞數例 入面講：

複雜字詞同學術繁盛係相生

如果一味依賴複雜字詞，最終衹會扼殺學術
複雜到一定程度，超出一般人理解，就必須要化繁爲簡（尋找本質），先可以進一步推動學術前進

[恆智德]

@四邑漁農牧工商總會 喺 濫用量詞數例 入面講：

我手寫我口，言文合一

真係我手寫我口就應該以短句爲主，平時講嘢有幾何會串到水蛇春咁長

[恆智德]

@Rehk 喺 濫用量詞數例 入面講：

複雜字詞同學術繁盛係相生嘅，例如各種「主義」

各種「主義」恰恰就要用盡可能簡潔嘅詞語概括本質
比如「資本主義」「共產主義」
之後再展開複雜論述

又或者恰恰相反，經過一大堆論述之後，先發現用上述字眼概括最爲恰當

[玭玻邦]

我傾向於理解「一乜嘢有一乜嘢」成固定句式，所以唔係幾啱用喺呢度作例

[玭玻邦]

「一個羣體」「一個共同體」冇乜問題啊，強調共性啫。

[恆智德]

@玭玻邦 中文唔係習慣講「一羣」？

[恆智德]

@玭玻邦 喺 濫用量詞數例 入面講：

「一個言語/語言共同體」

我意思係可省略「一個」

[玭玻邦]

@恆智德 其實係簡潔重要尐呢？抑或係意思明確重要尐呢？而家又唔係惜字如金嘅年代喇，查實啲使開鍵盤電腦嘅現代人打多尐啲所謂嘅語氣詞、實際上係承擔唨語法含義嘅虛詞、我覺得都唔出奇乜嚌喎。

[玭玻邦]

@恆智德 我意思係唔使省略返個「一個」

[恆智德]

@玭玻邦 一個絕大多數時候都唔使刻意強調
再講，所舉幾例都來自學術著作，係咪有必要加咁多語氣詞？

[玭玻邦]

@恆智德 「一羣人」戥「一個羣體」係有少少分別㗎喇。「一羣人」可以係互相之間冇乜𪐀褦嘅喎。

[玭玻邦]

@恆智德 查實好多「語氣詞」都係有語法含義嘅，係中文語法嘅體現嚟嘅。你可以試睇返趙元任嘅《中國話的文法》、《漢語口語語法》同埋後續學者啲論作試下。

[恆智德]

@玭玻邦 喺 濫用量詞數例 入面講：

《漢語口語語法》

書名都話係口語
不過學術論著最好應該係簡明扼要？有無必要用太多「語氣詞」？

[玭玻邦]

@恆智德 簡明同準確有時係衝突嘅，噉我諗學術論著梗係要準確行先囉。不過你列唨嘅嗰啲例我都唔係覺得個個都咁啱㗎喎，所以其他啲我係覺得你嘅糾正係啱尐嘅

[玭玻邦]

@恆智德 我手寫我口吖嘛

[玭玻邦]

「一種文化」「一段過程」屬於量詞配搭嘅問題，所以係啱過「個」少少；不過「一個過程」都唔係冇人講，譬如「經歷過呢個過程之後，我嘅人生就改變唨」之類……

[恆智德]

@玭玻邦 喺 濫用量詞數例 入面講：

「一個過程」

似集非成是
你會講「一段旅程」定「一個旅程」？
除非係講緊唔同綫程入邊其中一個，a CPU process

[恆智德]

此回覆已被刪除！

[恆智德]

此回覆已被刪除！

[Rehk]

@恆智德 所以應該係個箇？😂

[恆智德]

@Rehk 係，直到民國初年都有人用「個」
以前讀音係go3，而家有啲叔伯都係講「個陣時」

[粵語片語料]

@四邑漁農牧工商總會 喺 濫用量詞數例 入面講：

粵語白話（廣府片）好少濫用箇

其他片唔知，不過廣府片白話啲指示代詞（呢、嗰）都唔可以單獨用，
局住後邊要跟量詞個、樣

北方話有這、那，英文有this, that，都可以單獨用