支持
點睇中国為提升民族意識,大力推動「文化遺產」?
-
包括但不限於各種古老工藝、技藝、服飾文化。
為大家提供兩個方向:
好:
可以保留文化遺產,傳承傳統文化壞:
所謂「文化遺產」只係被時代淘汰嘅嘢,返古行為不可取,旨在營造虛假嘅「民族意識」 -
你發起討論都應該舉幾個例子啊嘛?
大力推動係點樣大力法呢? -
@恆智德 即係唔同媒體入面都好鼓勵同推動呢啲「文化遺產」內容,政府層面可能就係有啲乜乜「文化節」「文化遺產傳承人」同少少津貼
-
冇人答,咁我自問自答一下。
我覺得有唔少「文化遺產」係有得搞,但係好多時候都搞得好差,令到件事好失敗。
中国唔少「文化遺產」從業者嘅形象係「好辛苦,賺唔到錢,但為咗繼承祖先流傳落嚟嘅,辛苦啲都要」。
其實從業者堅持「古法」冇問題,但之後嘅「價值變現」都跟舊時唔改就一定聽乞米,其實好多都可以轉型做文創產業,令個「文化遺產」有錢賺,先會可持續長遠發展。
舉一個實際例子係「古法造紙」,好辛苦由零開始整幅紙出嚟,之後一大幅賣比啲書法家畫家之類,費時費力又賣唔到高價。但其實可以轉做文創,最簡單就係將一大幅紙裁剪做細張當明信片/信紙賣;長遠應該再做成其他精品產品,例如紙膠帶、紙燈罩,提升個客路同毛利,例如日本都有類似嘅「古法造紙」文創做得好成功。
-
中國文革後已經無乜『文化遺產』。。。
例如:文革時曲阜剷平咗孔子墓,近年又堆返啲小山丘出唻變返景點。
今天啲所謂『文化遺產』,有好多都被經過刪改。
我自己覺得『推動文化遺產』本來就係一個偽名題。 -
@BBQ 雖然你提出嘅都好有討論價值,但我呢個話題講嘅「文化遺產」唔係建築之類真係有舊野果種「遺產嘢」,係講工藝之類果種「文化嘢」
-
@Rekh 工藝類。。。我成日都上淘寶搵下有咩工藝類『文化遺產』,之但係真係無乜好野。。。
絲啊,香雲紗啊,苗銀啊,紫砂啊,端硯啊,蘇杭刺綉啊,翡翠啊哩啲我全部都有興趣(翡翠有交過唔少學費)。只可以講大多數都商業味濃,搵錢致上,離營造『民族意識』好遠。
如果你係講漢服文化嘅,我覺得大多數人純粹覺得靚,打咭為主。
-
@BBQ 點講好呢,刺繡相聲之類廣為人知嘅的確一直都有,但中国近年推動啲少人知嘅工藝技藝,大概係想「提升民族自信」「中國文化好偉大」去培養啲人「以國家民族為榮」,作為一種與「硬性宣傳」例如黨八股對應嘅「軟性宣傳」,「漢服」近年興起絕對同呢種政策有關
-
@BBQ 講開又講,淘寶有啲幾得意嘅「文化遺產」diy體驗包,你唔杯葛淘寶嘅話可以買嚟玩吓,如果我唔係堅持唔會再幫襯淘寶應該都會想玩吓
-
如果用淘寶舉例,咁就講唔清所謂 大力推廣文化遺產 係政府行爲定商業行爲
-
@恆智德 淘寶唔係重點,都話講開又講
主要係各大媒體,至於媒體係商業定政治行為就見仁見智
-
點解成日有人話「女皇」係錯,寫「女王」先啱?
文化台 • 薯衛兵 • 1 1 17016 -
平行世界系列(一):港式北歐地名
文化台 • 薯衛兵 • • 舊使用者 • • 3 2 2050 -
影片係咪好少有粵文字幕?
文化台 • 薯衛兵 • • 舊使用者 • • 1 2 1811 -
[粵文羅馬字]既然用漢字書寫粵文咁成熟,點解要考慮其它書寫方式?
文化台 • 薯衛兵 • • 薯衛兵 • • 2 28 25029 -
我一路有個觀點 如果英國佬當初割舟山 噉今日就算一模一樣係一國兩制 都應該安樂得多 香港係秉承粵人搞搞震基因
文化台 • 海印市民 • • 薯衛兵 • • 0 31 3933 -
粵文死攬住漢字唔知為乜
文化台 • 惠福路人 • • 薯皮 • • 1 26 4008