建立粵人民族，脫離支那，迫在眉睫！點解噉講？

[cansinlej]

早兩日當勞侵twitter嘈「Chinese virus」，好多人都話驚掀起排華、排亞裔。我有一點淺見，拖咗好耐，依家必須寫低。

我寫過一篇文叫《粵國構想》。我想補充嗰篇文漏講嘅一個粵獨嘅理由。

我哋要構建粵人身份認同，响海外構建Cantonese community，要同Chinese切割，好緊要嘅一個原因係，支那政府大把政策，粵人未必贊成（起碼我本人十分之反對）。但係呢d政策嘅repercussion，如果粵人唔同支人切割，噉粵人都要一齊孭鑊，抵你死。

1 北韓政策
支那遣返脫北者，極為唔人道。粵人堅決反對。
支那政府輸血畀北韓金家皇朝，造成幾千萬人近百年嘅悲劇。粵人堅決反對。
支那政府輸畀北韓嘅血，冚唪冷都係支人血汗。粵人受害尤深。

2 新疆政策
支那迫害穆斯林。粵人要反對。
前幾日我先喺連登睇到一篇舊聞：ISIS維吾爾族武裝分子威脅攻擊中國 聲言要「血流成河」。
粵人唔同支人切割，就咪怨他日穆斯林向支人報復，波及粵人。

---

雖然發明民族，唔等於實穩走得甩雞，可以免於厄運。畢竟連日韓都受支人連累，何況本來就係支人嘅粵人呢。但係依家開始構建民族認同，點都好過乜都唔做，聽孭支人惡行嘅鑊、齊齊受罪掛？

不過老實講，我呢個諗法比較渺茫。香港人肯定能夠建立香港族Hong Kongers。粵人Cantonese咁戇鳩鳩咁閪支就算罷啦。

---

其實唔單只粵人應該構建自己嘅身份認同，支那各族都應該。發明民族，擊破支那文化支那民族支那國家大一統觀念，就係向自由民主邁進一大步啦。

---

附註：本文於2020年3月19日原載於 https://web.archive.org/web/20200319141400/https://pincong.rocks/article/16381 。

本著作係採用創用 CC 姓名標示-非商業性-禁止改作 4.0 國際 授權條款授權。

[cansinlej]

本著作係採用創用 CC 姓名標示-非商業性-禁止改作 4.0 國際 授權條款授權。
This work is licensed under a Creative Commons Attribution-NonCommercial-NoDerivatives 4.0 International License.

[親衛隊]

之前就有拜讀樓主文章，最近轉咗場嚟xsden？

[Drdoom]

希望先生能夠將之前寫嘅文章轉 post 嚟呢度，睇下呢度可唔可以聚到人氣，建立一個 web Cantonese community。

回應孭鑊，就要有旁觀者之愧疚，我生喺被中國殖民嘅粵地，生落嚟就有旁觀者原罪，畢生要為祖輩冇阻止中華帝國擴張，禍害四方而懺悔。唯有奉獻於粵地獨立，瓦解帝國先可以洗脫罪孽。

1. 有中國一日，呢個單一民族嘅朝鮮半島就無法統一為一個國家。帝國想將其分為三份，朝鮮殖民區，朝鮮勞動省，朝鮮經濟特別行省。所謂不能接受美國大兵出現喺鴨綠江邊係鳩噏，朝鮮自古被中華帝國欺凌，只係帝國積弱，暫時讓半邊畀美國佬玩下，到時係要同台灣一起收納嘅囊中之物。粵人獨立建國，阻擊中華春夢，可告韓戰亡靈，彌補朝鮮人南北分裂之痛。

2. 引發新疆政策嘅7.5事件，粵人同為受害者。如果粵地係正常國家，我哋若需要勞工，大可以輸入東南亞人，無需山長水遠搵東突厥人填補。若果發生勞資糾紛又或文化衝突，大可法庭解決，社會賢達調停。但帝國殖民政府長期嘅歧視東突厥人政策，故意屈粵人吃死貓，造成騷亂，以此藉口，搞到而家集中營再現。粵人立國後必然公告中國人嘅罪行，將中國餘孽遣送東突厥接受制裁。

[Wetdiet]

其實穆斯林都唔一定搞民族主義，應該講維人反漢係中共迫出來，我們回族最近也差不多

[Rehk]

首先發展海外嘅方向好正確，建議用Cantonia做中心，發展一套論述去令海外粵人認知到自己唔係Chinese。

[chiang]

Emphasize yourself as a Cantonese wherever you go, whoever you meet.

[海印市民]

@chiang 在 建立粵人民族，脫離支那，迫在眉睫！點解噉講？ 裡說：

Emphasize yourself as a Cantonese wherever you go, whoever you meet.

Exactly. I've always introduced myself this way for a few years now--I come from Canton. I am Cantonese. If anyone wonders, I explain I am a Cantonese nationalist, aka a separatist against China.

[Rehk]

@海印市民 用Cantonia取代Canton有冇得諗？

[海印市民]

[親衛隊]

Cantonia我個人ok啦，坎通尼亞 mandarin嚟㗎

[Wetdiet]

@親衛隊 你哋想獨立最好學越南同朝鮮癈漢字，否則會變到台灣噉獨又獨唔成，文化上被綑綁。

[親衛隊]

@Wetdiet 我嘅意思唔係中文嘅問題，係呢個中文翻譯用mandarin，用港式翻譯就冇問題。南韓要中國將「漢城」變成「首爾」係因爲佢哋識睇中文字。

[親衛隊]

@Wetdiet 日文咪一樣有漢字，講真我用多啲粵語專屬表達其他中文使用者未學過一樣睇唔明。

[親衛隊]

好似中共噉搞激進嘅文字變革，短時間內只會削弱粵語嘅文化影響力。Cantonese復興成功之後本身係有機會超越Mandarin嘅影響力，自己搞一輪就會文化斷層，乜都要重新開始。

如果漢字得佢哋用到，噉拉丁字母係唔係淨係畀梵蒂岡用先
。

[海印市民]

@親衛隊 在 建立粵人民族，脫離支那，迫在眉睫！點解噉講？ 裡說：

@Wetdiet 日文咪一樣有漢字，講真我用多啲粵語專屬表達其他中文使用者未學過一樣睇唔明。

騎馬過海
生滋貓入眼
叻操是叻唇
蚊帳裡頭吊支筆
……

[Wetdiet]

@親衛隊 我認為最好都係先混合其他文字或字母，而家同官話分別唔大，或者拓展你講嘅粵語專屬表達啦。

[Wetdiet]

@海印市民 呢啲就唔明啦，要百度下先知，噉先係獨有嘅文化

[親衛隊]

@Wetdiet 其實我算係實用派，用得就懶得改。邊個似邊個睇立場啫。反過嚟好似我先識Cantonese嘅，夠可以話點解Mandarin咁似我哋嘅語言。😂😂爲咗所謂同殖民者切割就自斷文脈氣勢上就輸。只要有真正嘅官方語言地位，有真正自己嘅政府， 話唔埋到時係中共想改文字同我哋切割

[親衛隊]

做咗真正嘅官方語言，同其他用中文嘅語言嘅分野會越嚟越大。可能你哋五十年後想學就會難好多。

[海印市民]

@親衛隊 在 建立粵人民族，脫離支那，迫在眉睫！點解噉講？ 裡說：

文脈

支那概念
自斷文脈
放棄自己文化/放棄傳統文化 咪得咯

[親衛隊]

@海印市民 四個字講得明就唔使用六個字，你係原教旨派就另一種講法

[海印市民]

@親衛隊 在 建立粵人民族，脫離支那，迫在眉睫！點解噉講？ 裡說：

@海印市民 四個字講得明就唔使用六個字，你係原教旨派就另一種講法

define文脈

[親衛隊]

@海印市民 脈咪係水流，文脈文化傳承咯。以前嘅作品新嘅人唔識睇就斷咗

[海印市民]

@親衛隊 在 建立粵人民族，脫離支那，迫在眉睫！點解噉講？ 裡說：

@海印市民 脈咪係水流，文脈文化傳承咯。以前嘅作品新嘅人唔識睇就斷咗

所以點解我討厭呢d支那概念呢，同埋請你define呢，
因為你呢個解釋，詞典係冇。
詞典入邊呢個詞嘅解釋（既然收得入詞典，應該係廣泛認可嘅解釋），同「文化傳承」風馬牛不相及。

我就梗係知你講乜啦，而我正正係知，所以先表達厭惡
因為呢d概念(1)由支那人發明(2)定義唔清唔楚(3)得支那人先會用。

而據我所知嘅隻鱗片甲呢，多數人會用呢個詞，應該係直接或間接受余秋雨呢個仆街一本書影響。

[親衛隊]

@海印市民 支那字典 以後都會同粵文字典分開。

兩個字就算一樣唔同語言入面都會唔同。好似有啲日文漢字詞，佢哋會因爲中文解釋喺中國人角度幾搞笑下就改自己咩