大家一齐搞搞粤文创作。

[YUET]

我觉得粤文创作有搞作。
一来粤语使用者有过亿，有足够市场容量。
其次，网络嘅发达令传播更容易。例如，电子书买卖更方便。
希望大家都来搞搞不只是粤语歌嘅粤语创作。例如，小说，诗歌散文之类。
有一定数量就可以做出电子期刊。于网上发售或募金做纸媒体出版。
加油呀大家！

[恆智德]

可能我孤陋寡聞，不過用粵文寫作嘅人真係屈指可數，莫講話寫小説
我所知嘅就得黃世澤

要擴大粵文影響力，不妨從光復維基開始：維基上面好多條目都非常短，連香港演藝界明星都係咁

其實最熟呢啲明星肯定係香港人，大把八卦嘢有得寫，但香港人都唔熱衷，真係奇哉怪也

[XsDen]

加油啊，我四月初一開站就設「創作台」就係因爲自己鍾意喺討論區追故。
不過如果未來希望盈利嘅話，建議開個專門嘅ac寫文，因爲要喺現實中賺錢就會做唔到匿名性。

不過我個人感覺靠賣書賺唔到太多錢，因爲文字嘅嘢老翻太容易。除咗廣告之外（當然呢度冇），主要都係靠fans向精裝本同改編版權。

[XsDen]

另一種玩法用匿名blockchain收捐助，然後搞一個組織專門管理匿名作者群嘅版權。

[YUET]

@恆智德 維基都可以但係維基只係紀錄唔係創造作。係另一回事。
另外，其實創作唔一定涉及政治吧。所以傳播入國內比較容易。
當然，我都要加強自己功夫先得。因為唯有好嘢先會吸引到人來睇。

[恆智德]

@YUET 關鍵在於先要興起使用粵文嘅風氣

寫維基雖然唔係創作，但可以訓練點樣使用粵文，而且可以帶動粵文書寫同閲讀

衹有使用粵文嘅人越來越多，個市場先會越來越大，而且形成良性循環

[惠福路人]

@恆智德 在 大家一齐搞搞粤文创作。 裡說：

我所知嘅就得黃世澤

世柒就算罷啦。

[恆智德]

@姬嘉鐸我老婆 佢有幾柒就唔太知，不過衆多時評人我所知就得佢一個堅持用粵文寫作

[RAM友]

@恆智德 香港網絡大典先齊 搬去維基都好既，始終唔係個個知有前者。有冇人做緊？

[親衛隊]

@RAM友 粵文維基好似用字要求比較嚴格？之前睇佢哋有個用語參考表。

網絡大典入面有「書面語」搬過去好似唔多啱？

[RAM友]

@親衛隊 乜原來維基有要求架？而家先知

[薯皮]

我都有用粵語寫小說啊
其實喺連登都有好多用粵語寫
不過係甜故比較多

[舊使用者]

粵文創作可以有好多種，翻譯都算
譯維基、譯影視、譯新聞、譯小説，瓣瓣都有得搞

[峨嵋山下]

粵文寫作嘅話，你哋有冇聽過一本叫《迴響》嘅雜誌啊？已經出到第四期定第五期㗎喇，有小說、影評同散文，都幾值得睇下㗎。

[峨嵋山下]

@毒楞 小王子嘅廣東話版好得意 我有啲粵字都係喺嗰度學。話時話，其實粵語同廣東話究竟有咩分別㗎？

[恆智德]

@峨嵋山下 之前介紹過
https://xsden.info/topic/665/
不過後邊好似有傳創辦人同中聯辦曖昧不清，所以無繼續留意
睇定啲先，咪立亂指控

[恆智德]

@峨嵋山下 喺 大家一齐搞搞粤文创作。 入面講：

粵語同廣東話究竟有咩分別

我覺得講緊一樣嘢，不過叫法唔同
「粵」地理上包埋廣西，因爲廣西都有部分地區講廣東話

[恆智德]

@峨嵋山下 喺 大家一齐搞搞粤文创作。 入面講：

小王子嘅廣東話版

推薦下？

[舊使用者]

@恆智德 老友，人哋 @毒楞 啊，你搶答搞邊科

[薯皮]

@峨嵋山下
聖誕前迴響同penana都夾份搞咗個粵文投稿比賽
如果我早少少嚟呢度，應該可以大家一齊參加
唔知佢下一次幾時再搞

[恆智德]

加tag #粵文

[薯皮]

結果到而家都未有人寫文