原曲：Hark! The Herald Angels Sing 詞：林夕
（好心喇，福心喇）
逢聖誕咯就要講恭喜 燈飾鋪滿殖民地
逢聖誕就凍得飛起 今年張被跌落嚟
坦克嘉年華冇埞避 港九新聞拍特技
諮委草委唱大戲 啲諧劇最啱聖誕報喜
皆因一經過六四 成日送機 冇嗮鄉里
逢聖誕咯就要飲新地 井水溝至係和味
逢聖誕咯就串燒雞髀 今年一燒燒到眼眉
中英周時鬥大鼻 街坊睇嚟都要預備
中央抽獎送大禮 成十億 要你照起
皆因一經過六四 橫掂慶祝 㷫到喘氣
逢聖誕望救主爭氣 祖宗打救呢個殖民地
逢聖誕護照爭餐死 飛得起都咪靠米字旗
開希家其有埞避 花都巴黎佢哋有陣地
恭祝新禧唱萬里 人大照開 佢台詞流利
皆因一經過咗六四 橫扂冇死 我會等你
（哈！多謝啊大姑）