點睇地攤經濟？

[恆智德]

最近中共由總理到城管都力推地攤經濟，大家點睇？

講下自己睇法先：

乜係地攤經濟，或者講地攤有乜賣？

地攤主要賣百貨（小商品）服裝同小食，最多加埋其他服務（補鞋車衣飛髮，重有無？算命？），大約對應一般商店同飯店。

有乜影響？

從以上來睇，便利店（包埋一般士多）首當其衝擊，因其經營商品幾乎都可以喺地攤搵到。另外服裝店都會損失唔少生意。飯店會有小小影響，不過出得去食飯點都唔會去地攤啩？最多影響消夜生意？

總之，唔少商鋪會受影響，頂唔住就會執笠，吉鋪增多。食鋪租嘅腦細實損手爛腳，局住要減租。

另外，政府會收少好多：商鋪執笠，增值稅同立立雜雜嘅乜乜費（衛生費、教育費、城市建設費）即刻就無得收，另外重有工人嘅個人所得稅（而家起徵點五千，一綫城市應該好多人都過綫）。

對GDP有乜影響？地攤主要衝擊低端商鋪，鋪租呢塊估計影響有限；財政收入應該影響更大，進而影響財政支出，減少GDP。不過如果地攤經濟做得起，即刻就會有城管話而家要規範經營，借頭借路收管理費，原先收十文稅，而家收五文管理費，重有各種罰款，話唔埋個窿都可以補得七七八八

當然了，地攤經濟最大好處就係保障就業，失業者起碼可以搵兩餐。有專家甚至話可保5000萬人就業

[chiang]

冇乜點睇 基本上經過疫情 產業鏈轉移 失業人口增多 但係冇新投資 就發展擺地攤去呃失業D人

[恆智德]

@chiang 又唔可以話呃，馬死落地行，爲兩餐局住擺地攤
不過抖音上面話擺地攤月入幾萬就真係呃神騙鬼

其實擺地攤本身就係謀生權利，城管要做嘅係因勢利導維持秩序
而唔係爲咗領導覺得好睇就周街趕人搞到雞飛狗走

中共最乞人憎就係成日搬龍門
好景少少就唔畀你擺攤
仆街嗰陣又話要搞地攤經濟

不過係將原有嘅權利還畀人民
人民就要感恩戴德山呼萬嵗

就好似細個父母收埋你啲利是
如果話畀返一半過你你就好開心

[BBQ]

地攤經濟可以幫到最基層嗰一班人。黨國而家係要集中精力收割韮菜，保障基層生活維持社會穩定先可以繼續割。。。

[恆智德]

@BBQ 呢二十年都未聽過高層提倡乜乜地攤經濟，睇來真係好多人失業

[BBQ]

@恆智德 美帝同中國打貿易戰，本來都仲可以經香港混水摸魚。將香港搞成一國一制基本上係火上加油。如果再唔搞地攤保民生，習帝可能好快江山不保。。。。。

[恆智德]

呢頭吹風嗰頭就淋水

頭先上微博搜過，發現 #地攤經濟#已經成爲禁詞，不過類似 #佛山地攤經濟#呢種就無清

[BBQ]

@恆智德 地攤經濟好似係李克強提出唻救基層，但佢嘅權力老早就被邊緣化。權鬥嘅野，最後受害嘅都係普通市民。。。

[Rehk]

@BBQ 唔會又想玩好總理衰主席掛

[恆智德]

@恆智德 同一個大陸朋友探討過，渠話禁#地攤經濟#同時放開#XX地攤經濟#呢種係常規操作，防止刁民妄議朝政

因爲微博係大陸唯一可以用tag來大規模討論嘅平台，衹要將相關tag移除就可以有效減少相關討論

微博重係唔夠智能，如果將含有負面情緒嘅微博權重降低，全部排去搜索結果30頁之後咪重好？咁樣前30頁全部都係歌功頌德，太平盛世

[恆智德]

Interesting

[BBQ]

@恆智德 傳聞習李不和升級。。。

[chiang]

@恆智德 其實基本上就係冇手段之中唯有既手段囉 共匪就真係都有今日啦 地攤經濟其實係最冇效率既經濟

[Drdoom]

好似又唔搞得，好多網站文稿被卸。至於交咗錢果啲就要記住以後唔好跟車咁貼。

[pk鄧]

@Drdoom 聽講係呢個政策得罪咗維尼，維尼搞個脫貧，係咁唱形勢一片大好，點知俾強仔爆咗個6億人月收入唔夠1000蚊，搞咗個地攤經濟出嚟救經濟，落咗維尼個面

[親衛隊]

@pk鄧 😂先留意到數字習語錄app「学习强国」，
有「习」又有「强」。

寫呢隻app個team係唔係反習？

「学」= 小學生
「习」= 維尼
「强」= 強仔
「国」= 國家嘅希望

李上習下

Spoiler

見到五毛講

[恆智德]

@Drdoom 不出所料，收唔到稅就巧立明目收費
衹不過諗唔到先畀後食，雞都未養大就要劏

[恆智德]

@pk鄧
https://www.youtube.com/watch?v=hrMKr_z-rxc
光頭強呢頭話6億人月收入唔夠1000，維尼即刻反擊話不過係短板來

[恆智德]

@chiang 點樣衡量一種經濟模式有無效率？地攤經濟係人都可以玩，接近完全競爭市場；如果話地攤經濟無效率，唔通寡頭經濟乃至壟斷經濟有效率？

[pk鄧]

@親衛隊 暗示維尼係小學生，強仔係國家嘅希望，起名條友如此大逆不道，拉去打靶[ ]

[恆智德]

@BBQ 有關習李鬥嘅評論

資深時事評論員劉銳紹接受《蘋果》訪問時指出，這次中央突然要「地攤經濟」急降溫，背後涉及「習李鬥」。特別是武漢肺炎疫情相對穩定後，兩人對如何恢復經濟有些分歧，習期望盡快恢復經濟生產活動，而李則認為要保民生保就業，雖然兩人的施政重點有少許不同，但致力令社會穩定的目標其實是一致。不過，習近平對李克強一向有所忌憚，長期刻意將對方的權力架空，不讓他有任何爭取民意或人心的機會，或借推動相關政策戴上政治光環。而李克強也不是吃素的，過去亦一直「負隅頑抗」，這次先披露全國6億人月收入僅一千元人民幣，接着大力推動「地攤經濟」，期望爭取民意來自保。

劉銳紹表示，所謂地攤經濟根本在內地一直存在，這是民間的活動，中央也管不了，予以打壓只會引發民憤，甚至變成動亂之源。事件的關鍵其實是習近平的心魔，現時根本沒有人能夠挑戰他的地位，但他仍不放心，要將李克強視為想像中的「政敵」，把他的個人影響力完全排除，預計2022年下半年召開的中共二十大，習近平出任第三屆國家主席，李克強絕對沒可能跟他再「冧莊」，必定被踢出局。

「這實際上是中央對加強經濟控制，還是要放鬆經濟、給予人們經濟自由這個問題，在瘟疫之後的大爆發」。內地獨立政治學者吳強接受《蘋果》電話專訪時指出，李克強上任至今一直推動經濟自由，減少許可證審批、鬆綁市場等，但中央、習近平對經濟的控制一直在插手加強，「這兩者一直相互矛盾，在過去8年嚴重、對立、激烈，在地攤上最終爆發出來」。

吳強指，李在全國兩會閉幕的總理記者會上指，揭露中國6億人月收入僅一千元人民幣，「實際上也在解構習過去八年的扶貧政策的失敗」，透過表明城市中低收入者的存在、瘟疫造成潛在嚴重的大規模失業，然後以鼓勵地攤經濟、鼓勵經濟民粹主義的發展，來對抗習近平的政治上的民粹主義，「背後也暴露了國務院處於孤立的狀態」。吳強又稱，地攤經濟、6億人月均收入低，近日都引發內地大眾的同情與共鳴。而官方在一夜之間降溫地攤經濟，改稱「夜經濟」，實際上是在淡化。「尤其是北京方面更不提，只是以加強市容為出發點，把夜經濟作為補充性的東西」。

[BBQ]

@恆智德 中共從來都係一黨專政，但黨內有各方權力同利益互相制衡。而家美國步步迫近，會加速黨嘅內鬥。唻緊應該有好多類似『地攤經濟』嘅戲碼出現。。。。（花生價急升！）

[恆智德]

@BBQ 用派系之爭睇中共未必準，用路綫之爭更合適
大致兩條路綫：一條極左，一條無咁左，務實少少

鄧就係一個例子
如果無六四呢鑊，渠點睇都係黨内開明派
不過一到六四就左到無得再左，真槍實彈再出埋坦克鎮壓

[恆智德]

@BBQ 央視出面批鬥地攤經濟

在我國的一線城市，不宜推行「地攤經濟」！

中國的一線城市，都是全球意義上的特大型城市。一線城市聚集著經濟發展最優質的資源和要素，是中國經濟對標全球發達經濟體、實現經濟社會發展戰略目標的主要抓手。在以高質量發展為目標，轉變經濟發展方式、優化經濟結構、轉換增長動力、強化特大城市對中國經濟發展帶動力的關鍵階段，簡單化一哄而起地讓「地攤經濟」在一線城市野蠻生長，看似能解一時之急，但如果此風猛吹，後患無窮。

署名央視財經評論員，連個筆名都無，莫講真名

[對手好乾]

經濟衰到貼地，
先會要D人民做小販。