• Citi

    最近中共由總理到城管都力推地攤經濟,大家點睇?

    講下自己睇法先:

    乜係地攤經濟,或者講地攤有乜賣?

    地攤主要賣百貨(小商品)服裝同小食,最多加埋其他服務(補鞋車衣飛髮,重有無?算命?),大約對應一般商店同飯店。

    有乜影響?

    從以上來睇,便利店(包埋一般士多)首當其衝擊,因其經營商品幾乎都可以喺地攤搵到。另外服裝店都會損失唔少生意。飯店會有小小影響,不過出得去食飯點都唔會去地攤啩?最多影響消夜生意?

    總之,唔少商鋪會受影響,頂唔住就會執笠,吉鋪增多。食鋪租嘅腦細實損手爛腳,局住要減租。

    另外,政府會收少好多:商鋪執笠,增值稅同立立雜雜嘅乜乜費(衛生費、教育費、城市建設費)即刻就無得收,另外重有工人嘅個人所得稅(而家起徵點五千,一綫城市應該好多人都過綫)。

    對GDP有乜影響?地攤主要衝擊低端商鋪,鋪租呢塊估計影響有限;財政收入應該影響更大,進而影響財政支出,減少GDP。不過如果地攤經濟做得起,即刻就會有城管話而家要規範經營,借頭借路收管理費,原先收十文稅,而家收五文管理費,重有各種罰款,話唔埋個窿都可以補得七七八八 lomo-silly

    當然了,地攤經濟最大好處就係保障就業,失業者起碼可以搵兩餐。有專家甚至話可保5000萬人就業 lomo-brain

  • Citi

    冇乜點睇 基本上經過疫情 產業鏈轉移 失業人口增多 但係冇新投資 就發展擺地攤去呃失業D人

  • Citi @chiang

    @chiang 又唔可以話呃,馬死落地行,爲兩餐局住擺地攤
    不過抖音上面話擺地攤月入幾萬就真係呃神騙鬼

    其實擺地攤本身就係謀生權利,城管要做嘅係因勢利導維持秩序
    而唔係爲咗領導覺得好睇就周街趕人搞到雞飛狗走

    中共最乞人憎就係成日搬龍門
    好景少少就唔畀你擺攤
    仆街嗰陣又話要搞地攤經濟

    不過係將原有嘅權利還畀人民
    人民就要感恩戴德山呼萬嵗

    就好似細個父母收埋你啲利是
    如果話畀返一半過你你就好開心 😁

  • Citi

    地攤經濟可以幫到最基層嗰一班人。黨國而家係要集中精力收割韮菜,保障基層生活維持社會穩定先可以繼續割。。。

  • Citi @BBQ

    @BBQ 呢二十年都未聽過高層提倡乜乜地攤經濟,睇來真係好多人失業

  • Citi @恆智德

    @恆智德 美帝同中國打貿易戰,本來都仲可以經香港混水摸魚。將香港搞成一國一制基本上係火上加油。如果再唔搞地攤保民生,習帝可能好快江山不保。。。。。

  • Citi

    呢頭吹風嗰頭就淋水
    alt text

    頭先上微博搜過,發現 #地攤經濟#已經成爲禁詞,不過類似 #佛山地攤經濟#呢種就無清
    alt text

  • Citi @恆智德

    @恆智德 地攤經濟好似係李克強提出唻救基層,但佢嘅權力老早就被邊緣化。權鬥嘅野,最後受害嘅都係普通市民。。。

  • @BBQ

    @BBQ 唔會又想玩好總理衰主席掛😏

  • Citi @恆智德

    @恆智德 同一個大陸朋友探討過,渠話禁#地攤經濟#同時放開#XX地攤經濟#呢種係常規操作,防止刁民妄議朝政

    因爲微博係大陸唯一可以用tag來大規模討論嘅平台,衹要將相關tag移除就可以有效減少相關討論

    微博重係唔夠智能,如果將含有負面情緒嘅微博權重降低,全部排去搜索結果30頁之後咪重好?咁樣前30頁全部都係歌功頌德,太平盛世 lomo-brain

  • Citi

    Interesting lomo-silly
    alt text

  • Citi @恆智德

    @恆智德 傳聞習李不和升級。。。

  • Citi @恆智德

    @恆智德 其實基本上就係冇手段之中唯有既手段囉 共匪就真係都有今日啦 地攤經濟其實係最冇效率既經濟 :lomore-kill: :lomore-kill:

  • @恆智德

    好似又唔搞得,好多網站文稿被卸。至於交咗錢果啲就要記住以後唔好跟車咁貼。

    alt text

  • @Drdoom

    @Drdoom 聽講係呢個政策得罪咗維尼,維尼搞個脫貧,係咁唱形勢一片大好,點知俾強仔爆咗個6億人月收入唔夠1000蚊,搞咗個地攤經濟出嚟救經濟,落咗維尼個面

  • @pk鄧

    @pk鄧 😂先留意到數字習語錄app「学习强国」,
    有「习」又有「强」。

    :lomore-diu: 寫呢隻app個team係唔係反習?

    「学」= 小學生
    「习」= 維尼
    「强」= 強仔
    「国」= 國家嘅希望

    :lomore-support: 李上習下

    見到五毛講

  • Citi @Drdoom

    @Drdoom 不出所料,收唔到稅就巧立明目收費
    衹不過諗唔到先畀後食,雞都未養大就要劏 :golden-sosad:

  • Citi @pk鄧

    @pk鄧
    https://www.youtube.com/watch?v=hrMKr_z-rxc
    光頭強呢頭話6億人月收入唔夠1000,維尼即刻反擊話不過係短板來 :golden-no:

  • Citi @chiang

    @chiang 點樣衡量一種經濟模式有無效率?地攤經濟係人都可以玩,接近完全競爭市場;如果話地攤經濟無效率,唔通寡頭經濟乃至壟斷經濟有效率?

  • @親衛隊

    @親衛隊 暗示維尼係小學生,強仔係國家嘅希望,起名條友如此大逆不道,拉去打靶[:golden-kill: ]

  • Citi @BBQ

    @BBQ 有關習李鬥嘅評論

    資深時事評論員劉銳紹接受《蘋果》訪問時指出,這次中央突然要「地攤經濟」急降溫,背後涉及「習李鬥」。特別是武漢肺炎疫情相對穩定後,兩人對如何恢復經濟有些分歧,習期望盡快恢復經濟生產活動,而李則認為要保民生保就業,雖然兩人的施政重點有少許不同,但致力令社會穩定的目標其實是一致。不過,習近平對李克強一向有所忌憚,長期刻意將對方的權力架空,不讓他有任何爭取民意或人心的機會,或借推動相關政策戴上政治光環。而李克強也不是吃素的,過去亦一直「負隅頑抗」,這次先披露全國6億人月收入僅一千元人民幣,接着大力推動「地攤經濟」,期望爭取民意來自保。

    劉銳紹表示,所謂地攤經濟根本在內地一直存在,這是民間的活動,中央也管不了,予以打壓只會引發民憤,甚至變成動亂之源。事件的關鍵其實是習近平的心魔,現時根本沒有人能夠挑戰他的地位,但他仍不放心,要將李克強視為想像中的「政敵」,把他的個人影響力完全排除,預計2022年下半年召開的中共二十大,習近平出任第三屆國家主席,李克強絕對沒可能跟他再「冧莊」,必定被踢出局。

    「這實際上是中央對加強經濟控制,還是要放鬆經濟、給予人們經濟自由這個問題,在瘟疫之後的大爆發」。內地獨立政治學者吳強接受《蘋果》電話專訪時指出,李克強上任至今一直推動經濟自由,減少許可證審批、鬆綁市場等,但中央、習近平對經濟的控制一直在插手加強,「這兩者一直相互矛盾,在過去8年嚴重、對立、激烈,在地攤上最終爆發出來」。

    吳強指,李在全國兩會閉幕的總理記者會上指,揭露中國6億人月收入僅一千元人民幣,「實際上也在解構習過去八年的扶貧政策的失敗」,透過表明城市中低收入者的存在、瘟疫造成潛在嚴重的大規模失業,然後以鼓勵地攤經濟、鼓勵經濟民粹主義的發展,來對抗習近平的政治上的民粹主義,「背後也暴露了國務院處於孤立的狀態」。吳強又稱,地攤經濟、6億人月均收入低,近日都引發內地大眾的同情與共鳴。而官方在一夜之間降溫地攤經濟,改稱「夜經濟」,實際上是在淡化。「尤其是北京方面更不提,只是以加強市容為出發點,把夜經濟作為補充性的東西」。

  • Citi @恆智德

    @恆智德 中共從來都係一黨專政,但黨內有各方權力同利益互相制衡。而家美國步步迫近,會加速黨嘅內鬥。唻緊應該有好多類似『地攤經濟』嘅戲碼出現。。。。(花生價急升!)

  • Citi @BBQ

    @BBQ 用派系之爭睇中共未必準,用路綫之爭更合適
    大致兩條路綫:一條極左,一條無咁左,務實少少

    鄧就係一個例子
    如果無六四呢鑊,渠點睇都係黨内開明派
    不過一到六四就左到無得再左,真槍實彈再出埋坦克鎮壓

  • Citi @BBQ

    @BBQ 央視出面批鬥地攤經濟

    在我國的一線城市,不宜推行「地攤經濟」!

    中國的一線城市,都是全球意義上的特大型城市。一線城市聚集著經濟發展最優質的資源和要素,是中國經濟對標全球發達經濟體、實現經濟社會發展戰略目標的主要抓手。在以高質量發展為目標,轉變經濟發展方式、優化經濟結構、轉換增長動力、強化特大城市對中國經濟發展帶動力的關鍵階段,簡單化一哄而起地讓「地攤經濟」在一線城市野蠻生長,看似能解一時之急,但如果此風猛吹,後患無窮。

    署名央視財經評論員,連個筆名都無,莫講真名 :golden-sosad:

  • Citi

    經濟衰到貼地,
    先會要D人民做小販。