睇圖估字

[Rehk]

@恆智德 @Xenlo 第三個應該係賊（發現好多小篆體同而家嘅字型都好似），第一個真係唔明

[恆智德]

@Rekh 小篆當時秦國通用，後來秦始皇統一文字就係基於呢個版本
其他國家用大篆

小篆有規範化同簡化，好多表意部件都捨去變形聲字
所以而家叫繁體字做正體我都有所保留
因爲今日通行嘅繁體不過係秦朝產物，同中共一擔擔

[恆智德]

@Rekh @Xenlo
尋日三個字分別係永、暈、賊

永：甲骨文（1）有三個部件：人，水，彳，表示人在水中向前游。金文同小篆變水形爲實綫。隸書同楷書失去原型。
永又引申爲水流長、時間久遠。

暈：甲骨文似雲氣環日，小篆加軍字提示讀音。暈指模糊，引申爲頭暈、暈車等。

賊：揸戈揸刀去搶錢（貝），本義係破壞。楷書訛刀爲十。古時賊指劫匪，如寇賊。

[恆智德]

2020年6月9日
一：同錢有關，個方格似乜？

二：象形+會意+形聲，季節來

三：象形+會意，有無見到個日頭？一圈圈似唔似絲？右邊乜鬼來？

[恆智德]

@恆智德 上面三字分別係貯、春、顯
一、 貯：甲骨文同金文（1，2）都係匣入邊裝住錢（貝），表示貯藏

二、 春：甲骨文1有三部分——日，草（屮），屯（聲符，十字木架上纏了一圈綫，是純字初文），左邊同朝字左邊一樣；金文同小篆（2，3）將呢啲部件移位，而楷書變到面目全非

三、 顯：會意字，包括三部分——日、絲、頁，表示人在日頭下視絲，解作顯露、明顯，引申爲顯揚。