日治台灣自由過中治廣東，你同唔同意此說？

[海印市民]

聽youtube，loop到台灣歌。
日治台灣30年代開始流行音樂興起。
睇下廣東，冚家鏟乜柒音樂電視電影都發展唔起，直頭唔畀發展吖。
粵語、潮語、客語，通通趕盡殺絕。
是故有此一問。

https://youtu.be/-x-DYDm7LoU
https://youtu.be/Nx5N4ovggvA

[Drdoom]

當年電影界有風骨

三十年代的粵語片救亡運動

[海印市民]

@Drdoom 在 日治台灣自由過中治廣東，你同唔同意此說？ 裡說：

當年電影界有風骨

三十年代的粵語片救亡運動

我有聽講過呢段歷史
之前想寫幾句講點解唔愛民主中國而一定要獨立
依家講開寫下
就係面對現實嗰陣
我哋想要嘅自治政府，假如處於一個民主中國底下，可以有幾大權力？
乜嘢歸自治政府，乜嘢歸中央/聯邦/國家政府？
唔使問，撈頭一定會諸多事幹走來干預
隨口都噏得出一d實唔啱key嘅

1. 教育政策，譬如粵語教學得唔得先
   國民黨搞過推廣國語，共產黨搞過，第日民主中國都一定會，因為唔關咩黨派事，而係中國人本性係噉，加上新文化運動造成嘅思想係噉，一定要全國採取統一標準，而唔係各個人我手寫我口如實表達自我。
2. 外交政策，廣東中意外貿，實想同日韓台、東南亞關係融洽。北佬呢？
3. 國家經費、軍費攤分
4. 貨物入口關稅。廣東人想食澳洲紐西蘭農產品，飲牛奶食水果，想畀人零關稅，撈佬制唔制先。廣東人搞工業、交通，要入口外國重型機械、汽車、火車，零關稅，撈佬制唔制先。廣東嘅軍備，想買外國嘅，唔買北方工業d次貨，零關稅，撈佬制唔制先……
5. 有d罪行，或者政治問題，俾人借法律手段搞，譬如可能有記者爆大鑊，或者報紙專欄作家言辭犀利，廣東人覺得ok，屬於言論自由，但係聯邦政府藉故起訴，聯邦檢察長要廣東政府交人，廣東唔肯交，又點先。

……
想像下一個國家會有咩事發生，發生之後d撈佬會點處理，撈佬輿論會點煲大。啫其實同過去呢廿年香港同中國嘅衝突一樣，第日就算民主中國，廣東/香港唔獨立，呢d事都一定會繼續發生。所以直覺就覺得絕對唔可能同d人共享一個國家，否則實蝕底。國家獨立就乜都可以當佢冇到。涉及廣東、廣東人利益嘅政策，唔使睇人面色，中意點就點。

而且好在廣東d內河航運唔係好緊要。地理上同北方冇乜瓜葛。長江黃河流域上下游梗係要打交道。廣東地理同閩贛湘黔都隔絕。廣西亦唔係靠內河航運行落來珠江口先有得出海，佢哋去防城港仲近。地理上所有嘢都慳返唔使煩。

[Drdoom]

@海印市民 你提及嘅地理係一個敏感問題。首先我哋而家嘅行政區域係帝國故意分劃，殖民者故意割離同族，加入異族，方便統治。大粵必須以族群由下至上自行組織行政區域，取消廣東和廣西。而為咗保護水源，粵獨激進派係會要求奪取部份雲南地區。
建議你睇下粵嚟粵掂嘅文集，我認為粵人嘅奮鬥係與矛盾同行。

[Rehk]

@Drdoom 其實粵獨要講地理依據係好難，中國地理大家知咩事，係都要講地理分分鐘越講越大要食晒成個嶺南，單純以文化為依據會比較合理

[海印市民]

@Drdoom 在 日治台灣自由過中治廣東，你同唔同意此說？ 裡說：

@海印市民 你提及嘅地理係一個敏感問題。首先我哋而家嘅行政區域係帝國故意分劃，殖民者故意割離同族，加入異族，方便統治。大粵必須以族群由下至上自行組織行政區域，取消廣東和廣西。而為咗保護水源，粵獨激進派係會要求奪取部份雲南地區。
建議你睇下粵嚟粵掂嘅文集，我認為粵人嘅奮鬥係與矛盾同行。

現實做法係唔可能要d人重整領土地域。莫講死牛一邊頸嘅中國人，歷史上好多鬼佬地方已經試過因為噉爆發激烈嘅流血衝突，譬如印巴分治、波斯尼亞戰爭（波族塞族克族分唔勻。對比斯洛文尼亞就冇呢個煩惱，paang1走晒d塞族就冇事）、格魯吉亞嘅奧塞梯同Abkhazia、亞美尼亞同阿塞拜疆……唔流血嘅重劃國界我淨係諗到velvet divorce、薩爾區公投加入德國、德國二戰輸咗俾人遷界喪失Oder河以東。
最現成嘅方法就係按當前嘅劃界來切。頂櫳省外嘅市成個市加入另一個省。嘗試打散重來，基本上肯定會爆發血腥衝突。而且廣東嘅一旦想劏開廣西/雲南，自己東邊就分分鐘一樣俾人劏，一刀劏到東莞、增城。
為咗水源安全去擴張領土，無稽之談，禍根早種。

廣西嘅問題，基本上就呢幾種可能：

1. 自己獨立
2. 同廣東組成某種統一國家/聯邦
3. 部分地區加入廣東形成嘅國家
   呢種情況底下，冇加入廣東淨低嗰d地方會點？淨低嗰part廣西自己獨立？以佢哋嘅文化（西南官話），更加可能係桂柳倒向湖南、西部倒向雲南。廣西不復存在。
   噉就屎忽痕啦，廣東變咗北邊有個人口又係1億嘅湖南。而湖南本身同湖北都幾可能連埋一齊。

所以我嘅考慮，我寧願扶植一個親廣東嘅獨立嘅廣西（唔想佢哋加入來）。欽廉、梧州，由得佢啦。都好過拆散廣西，或者硬食桂柳、河池、百色etc。

有任何獨立嘅契機，首先應該係諗快快脆脆獨立咗佢，米已成炊木已成舟，就吹我唔脹。hau1人哋嘅地方，到時搞出諸多事端，盞搵來搞。獨立咗、穩定咗，保證以後都唔會同人統一之後，再吸引人哋加入來，另一回事。

[海印市民]

斯洛文尼亞十日戰
https://en.wikipedia.org/wiki/Ten-Day_War

[海印市民]

散佈喺粵閩贛嘅客家佬會唔會變庫爾德
呢班大帝呵佢唔掂就屎忽痕啦