上海獨立,唯一出路 :lomore-agree:
許冠傑經典喻世歌及MV
-
開個帖總結下Sam Hui經典喻世歌(以歌詞反映現實社會,影射世態炎涼、人情冷暖)及MV,如有遺漏都請大家補充下
除咗MV同歌詞外,都會簡單講解下時代背景和歌詞寓意;改編歌仲附有原唱
現已收錄以下歌曲:
- 1974年专辑《鬼馬雙星》:https://xsden.info/post/2167
- 1975年專輯《天才與白癡》:https://xsden.info/post/7237 https://xsden.info/post/13816
- 1976年專輯《半斤八兩》:https://xsden.info/post/2171https://xsden.info/post/2358 https://xsden.info/post/13817 https://xsden.info/post/2184 https://xsden.info/post/2205
- 1978年專輯《財神到》:https://xsden.info/post/2227 https://xsden.info/post/2348 https://xsden.info/post/2349 https://xsden.info/post/2351
- 1978年專輯《賣身契》:https://xsden.info/post/2437 https://xsden.info/post/2441
- 1979年專輯《79夏日之歌集》:https://xsden.info/post/2444 https://xsden.info/post/13827
- 1980年專輯《念奴嬌》:https://xsden.info/post/2450https://xsden.info/post/2451https://xsden.info/post/2453https://xsden.info/post/2559
- 1981年專輯《摩登保鏢》:https://xsden.info/post/2562
- 1983年專輯《新的開始》:https://xsden.info/post/2573
- 1985年專輯《最緊要好玩》:https://xsden.info/post/2579
- 1986年專輯《熱力之冠》:https://xsden.info/post/13829
- 1987年專輯《熱力之冠》:https://xsden.info/post/13831https://xsden.info/post/13832https://xsden.info/post/13833
- 1988年專輯《Sam & Friends》:https://xsden.info/post/13834
-
https://www.youtube.com/watch?v=1dfqrS0gaCI
制水歌,來自1974年第一隻粵語专辑《鬼馬雙星》,入邊嘅歌基本上由佢自己作詞(唯一一首例外係許冠文作詞嘅《鐵塔凌雲》)
望真啲,原來有三首都係許冠英作詞作曲,《鐵塔凌雲》由許冠文作詞,其他歌就係許冠傑自己作詞作曲或者改編顧名思義,呢首歌係講六七十年代香港水資源緊缺,所以要限制供水:1963年至1967年,每四天供水一次,每次四小時;1977年6月1日,開始實施一級制水,晚上10時至翌日6時不供水;7月5日,開始實施二級制水,分兩段時間供水,早上6時至10時,下午4時至10時。
作詞:許冠傑 作曲:Paul Simon
又制水真正呀受氣,
又制水的確係無謂,
又制水今晚點沖涼,
成晚要乾煎真撞鬼。Woe Oh! 真苦透啦老友,聽朝早啲起身,
搵定水桶半打,裝多啲水,乜都假,
水緊真真冇修,
快搵多啲水啦老友,
莫水真陰功,請保重。又制水,夜街你都無謂去,
又制水,拍拖都冇嚟味,
又制水,妹佢怕我週身一陣除,
成晚要乾煎真正悲。又制水真正冇樂趣
又制水的確係無謂,
又制水今晚點沖涼,
成晚要乾煎真撞鬼。Woe Oh! 真苦透呀老友,聽朝早的起身,
搵定水桶半打,裝多水,乜都假,
水緊真真冇修,
快搵多的水啦老友,
莫水真陰功,請保重。又制水,夜街你都無謂去,
又制水,拍拖都冇嚟味,
又制水,妹佢怕我週身一陣除,
成晚要乾煎真正悲。又制水真正冇樂趣
又制水的確係無謂,
又制水今晚點沖涼~~~ -
歌曲改編自Paul Simon - Mother and child reunion (1972)
https://www.youtube.com/watch?v=VJmiIekAZXQNo I would not give you false hope
On this strange and mournful day
But the mother and child reunion
Is only a motion away, oh, little darling of mineI can't for the life of me
Remember a sadder day
I know they say let it be
But it just don't work out that way
And the course of a lifetime runs
Over and over againNo I would not give you false hope
On this strange and mournful day
But the mother and child reunion
Is only a motion away, oh, little darling of mineI just can't believe it's so
Though it seems strange to say
I never been laid so low
In such a mysterious way
And the course of a lifetime runs
Over and over againBut I would not give you false hope
On this strange and mournful day
When the mother and child reunion
Is only a motion awayOh the mother and child reunion
Is only a motion away
Oh the mother and child reunion
Is only a moment awayOh the mother and child reunion
Is only a motion away
Oh the mother and child reunion
Is only a moment awayOh the mother and child reunion
Is only a motion away
Oh the mother and child reunion
Is only a moment away -
下面呢首《天才與白癡》,來自1975年同名專輯,也是同名電影插曲(據説曾遭禁播)
唔知係咪第一首粵語RAP?三段歌詞歷數「仔」「鬼」「嘢」,可謂粵語俗語之集大成。聽完首歌,有無世事繁雜,手足無措嘅feel
https://www.youtube.com/watch?v=u6jsgv0UFBQ曲︰許冠傑
詞︰許冠傑/薛志雄呢個世界上 有精仔 有懵仔 有叻仔 散仔 賭仔 重有戇居仔 有衰仔 有好仔 反骨仔 癲仔 蠢仔 重弊過敗家仔 細蚊仔 臭飛仔 招積仔 靚仔 打仔 亂咁出刀仔 問你點敢亂生仔 邊個係天才 〔天才〕 邊個係白痴 〔白痴〕 扮懵定蠢才 冇咁易會知 〔阿茂至知〕 天才與白痴 你痴定我痴 天才與白痴 冇咁易會知 天才與白痴 呢個世界上 有冤鬼 有嘩鬼 有奸鬼 賭鬼 盞鬼 重有咸濕鬼 有衰鬼 有煙鬼 攝青鬼 生鬼 撞鬼 撞著個冒失鬼 醉酒鬼 吊靴鬼 醜死鬼 假鬼 真鬼 亂咁鬼打鬼 問你究竟攪乜鬼 乜鬼係天才 〔天才〕 乜鬼係白痴 〔白痴〕 扮懵定蠢才 冇咁易會知 〔阿茂至知〕 天才與白痴 你痴定我痴 天才與白痴 冇咁易會知 天才與白痴 呢個世界上 有堅野 有流野 有精野 喎野 喳野 重有大鑊野 有衰野 有好野 有筍野 貴野 賤野 最驟忌就賴野 醒胃野 林嬸野 正斗野 靚野 杰野 最爽就撈粗野 確係認真唔少野 乜野係天才 〔天才〕 乜野係白痴 〔白痴〕 扮懵定蠢才 冇咁易會知 〔阿茂至知〕 天才與白痴 你痴定我痴 天才與白痴 冇咁易會知 天才與白痴 (x3)
-
-
《半斤八兩》,來自1976年同名專輯及同名電影。歌詞寫出勞苦打工仔心聲,日忙夜忙但卻得唔到公平報酬,無可奈何,真係吹脹。
值得留意嘅係,主打歌由許冠傑作詞作曲,而其他歌曲均與黎彼得合作填詞(有人話一般係許冠傑畀idea,黎彼得操刀)
https://www.youtube.com/watch?v=uzk7QJtHxec詞曲:許冠傑
我哋呢班打工仔
通街走糴直頭係壞腸胃
搵嗰些少到月底點夠使(奀過鬼)
確係認真濕滯最弊Boss㤢啲發威(癲過雞)
一味喺處係唔係亂嚟吠
㗒親加薪塊面拿起惡睇(扭下計)
你就認真開胃(半斤八兩) 做到隻積咁嘅樣
(半斤八兩) 濕水炮仗點會響
(半斤八兩) 夠薑呀揸槍走去搶* 出咗半斤力 想話攞返足八兩
家陣惡搵食 邊有半斤八兩咁理想
(吹脹~~)我哋呢班打工仔
一生一世為錢幣做奴隸
嗰種辛苦折墮講出嚇鬼 (死畀你睇)
咪話冇乜所謂 *(半斤八兩) 就算有福都冇你享
(半斤八兩) 重慘過滾水淥豬腸
(半斤八兩) 雞碎咁多都要啄REPEAT **
-
其實呢首歌非常貼地同應景,完全唱出勞苦大衆心聲
73年香港股災:3月9日高見1774.96,於三個月內再上升1.1倍,政府為冷卻股市,曾出動到消防員以消防條例禁止股民進入華人行買賣股票,即所謂的「消防員到交易所救火」。7月,恆指趺穿500,4個月間共跌去超過70%。其後受加息影響,至1973年底,恆指更跌至433.7,較高位跌去75%。 (《大時代》有影射,例如救火隊入股市,世界天綫變垃圾股,街邊小販聽收音機關注股市,魚翅撈飯)
同年發生第一次石油危機:73年10月第四次中東戰爭爆發,石油輸出國組織(OPEC)為了打擊對手以色列及支持以色列的國家,宣佈石油禁運,暫停出口,造成油價上漲。
香港開始實施燈火管制:港府於十一月十日宣布,設立石油政策委員會及石油供應處,並委任工商署副署長潘達為供應處處長,兼石油分發事務委員會主席。之後,中國更增加燃油輸入香港。不過,由於石油短缺問題非常嚴重,當局呼籲市民節省電力及各種燃料。
十二月十一日,石油供應處長潘達頒令,廣告用霓虹燈及電燈,只准在晚上六時至十時三十分之間開亮。八日後,為了節省能源,港府宣布十二月三十一日恢復夏令時間(或稱日光節約時間),把時鐘撥快一小時,配合夏天時太陽提早東升的自然現象,以達到節省能源的目的。
七四年二月,港府放寬燈火管制,延長開亮一小時。同月,蜆殼石油公司宣布,石油產品再度加價,升幅由百分之十八至百分之八十八不等。本港經濟因而出現大衰退,本港金市猛漲,每両金衝破一千元大關,同年十一月九九金創出一千一百零二元二角的歷史新高;而本港股市則於同年十二月跌至一百五十點的歷史新低。
恆指在1974年1月起至12月初持續下跌,至1974年12月10日恆生指數下跌至150.11,年內累積跌65%,高位計跌幅更達91.54%,只及1969年時的水平。
1975年上半年,香港失業情況最為嚴重,估計全失業20萬人(工業佔12萬人,商業8萬人),半失業也有此數。香港經濟增長率由1973年的12.5%,大幅下挫到1975年的2.8%。
-
睇返《半斤八兩》部電影,都唔少趣聞軼事:
首輪公映取得港幣800萬成績而打破票房開埠紀錄,亦是整個1970年代香港最賣座及最高入場人次電影。
1979年嘉禾公司在日本推廣李小龍的功夫電影時,同場加映《半斤八兩》,嘉禾公司的宣傳部改用Mr Boo! 作為號召,結果大受歡迎,在日本創下10億日元票房奇跡。
在香港上映時曾經牽起風波,片尾段的戲院打劫,被當時保守派認為是影響社會安寧,差點遭到禁播。而台灣方面就因此段而不允許在戲院放映,需要重新剪輯。
許家四兄弟文武英傑都有參演,其中許冠武飾演芝苑別墅接待員。
-
76年《半斤八兩》入邊重有一首歌《鬼馬大家樂》,也是針砭時弊:四節歌詞分別寫交通塞、睇病貴、結婚難、治安差(拍拖要小心搶劫)
https://www.youtube.com/watch?v=n8gPEXJUnUY作詞:黎彼得 許冠傑
作曲:溫拿樂隊 黃霑(1)香港交通歌:
今朝塞到依家 把幾火想爆炸
踩油抽筋掃波牙 瞌眼訓就梗聽瓜
香港交通最丟架 一講起都怕怕
今朝搵到伊家 通街蜎窿窿罅罅
終於睺倒個METER 一試又係橫㗎啦
香港車位夠羞家 想搵位一早要霸
無謂chok住晒鬼氣 交通差多多說話
有理 冇理抄咗先啦 發告票 理得佢 最多公價(2)醫生頌:
世界上有幾百樣人 祗發醫生一個
無論我點肚餓 無論我點折墮 終歸要醫好痛楚
世界上有幾百樣人 祗信醫生一個
成日替我檢驗 成日替我搞扂 一朝到晚維護我
你對佢多多講嘢 根本當唱歌 佢照顧你今生今世 你見佢多 收錢更多
世界上有幾百樣人 祗有醫生一個
能為我出力 能令我瓜直 始終永遠陪伴我(3)點解要擺酒:
點解要擺酒 亂咁嘥錢冇理由 人人為飲一杯酒 累到夫妻一世憂⠀
點解要擺酒 恨我整濕咗個頭 求人度水搵幫手 月尾薪金起勢扣
揸杯酒共渡患難 通檯走做阿茂 實係日後我與妳做到獅子咁嘅口
點解要擺酒 望見張單報嗮仇 難為自己一雙手 預算開支點會夠(4)拍拖安全歌:
天黑出街有排慌 拖友專興四圍蕩
一味疏肝 見賊佬梗生劏 Darling記住兩頭望
雖則公園有人看 看得幾看佢又暈浪
血影刀光 冇命仔真冤枉 拖友切勿四圍蕩
咪魯莽學人亂撞 遇著爛鬼盞剝清光
摑兩摑跟手綁幾綁 兇夾狼 隨時條命喪
乖女喜歡曬月光 家長擔心到傻戇
劫匪兇悍 嘆治安真不當 警方掃蕩靠謀望 -
呢首歌其實改編咗前一年青春勵志音樂劇《大家樂》入邊四首插曲(所以叫《鬼馬大家樂》
)
玩吓啦!
https://www.youtube.com/watch?v=cGQT2T1O3p4
只有知心一個
https://www.youtube.com/watch?v=N8te7Wuf1Pk
點解手牽手
https://www.youtube.com/watch?v=MReTPlAB-Z0
L-O-V-E Love
https://www.youtube.com/watch?v=j5uvlmrZ150上面第三第四段都被許冠傑同黎彼得改到好抵死:
第三段原本講情侶携手共度患難,改完之後變成憂愁結婚擺酒使費甚多
第四段睇名都知講sweet love,改完之後聽到夜晚都唔敢出街拍拖,驚住畀人打劫其實第三段改完之後順好多,押韻過原著
-
@恆智德 在 許冠傑經典喻世歌及MV 裡說:
點解要擺酒 亂咁嘥錢冇理由 人人為飲一杯酒 累到夫妻一世憂⠀
點解要擺酒 恨我整濕咗個頭 求人度水搵幫手 月尾薪金起勢扣⠀
揸杯酒共渡患難 通檯走做阿茂 實係日後我與妳做到獅子咁嘅口⠀
點解要擺酒 望見張單報晒仇 難為自己一雙手 預算開支點會夠⠀好好笑,好現實,依家都係噉。
-
@姬嘉鐸我老婆 無事,聽完Sam Hui版再聽原版就GOOD FIT啦
-
《追求三部曲》,同樣來自76年專輯《半斤八兩》,講述一對男女由相識到相愛,但談婚論嫁時卻要面對高昂彩禮
https://www.youtube.com/watch?v=xw_Lk5FMFto作詞:黎彼得 許冠傑
作曲:許冠傑面撞面個妹釘確係人省鏡
望落順眼風姿綽約夠標青
冒昧問句小姐妳系叫乜名
Hello一聲All Right搞掂實靈擎密密預約海邊搏命齊撐艇
漫步綠柳花間結伴行山頂
會麵食嘢三更半夜去餐廳
西裝筆挺衫領乾淨執到正*佢尊翁綽號包頂頸(三寸釘)
屋企住喺茶果嶺(瓦封嶺)
見我口輕輕 當我花靚倞
實在阿拉面幪兼心精但願做對鴛鴦結合查篤撐
二萬賀禮鮑參翅席嫌錢腥
另外又要親戚派十擔西餅
一聽驚驚今次整定煲要掟
一聽驚驚今次整定煲要掟*REPEAT **
PS: MV女主係余安安,曾出演多部武俠片(《書劍恩仇錄》香香公主 、《天龍訣》傅香君),也係發哥前妻(婚姻僅維持九個月
)
-
《財神到》,來自1978年同名專輯,相信係過年時節粵語地區聽得最多嘅一首歌。專輯揀正春節發行都夠晒應景,自然賺到豬籠入水
https://www.youtube.com/watch?v=c_J-UBpVM2Y作詞:黎彼得 許冠傑
作曲:許冠傑財神到 財神到 好心得好報
財神話 財神話 搵錢依正路
財神到 財神到 好走快兩步
得到佢睇起你 你有前途闔府慶新歲 喜氣盈盈
齊賀你多福蔭 壯健強勁
又祝你今年 慶獲榮陞
朝晚多多歡笑 錦繡前程願夫婦恩愛 體貼入微
成日有吉星照 百事無忌
共親友相見 說話投機
充滿新春喜氣 歡暢揚眉*財神到 財神到 好心得好報
財神話 財神話 搵錢依正路
財神到 財神到 好走快兩步
得到佢睇起你 你有前途
啦啦啦 啦啦啦 啦啦啦啦啦
啦啦啦 啦啦啦 啦啦啦啦啦
財神到 財神到 好走快兩步
得到佢睇起你 你有前途*賀所有鴛侶 花結並頭 (結並頭)
還望各位工友 百業成就 (有成就)
大家冇爭鬥 快樂無憂 (樂無憂)
聽隻歌輕鬆下 拋卻恨愁REPEAT **
大眾慶新春 望財神到 -
頭先睇夕陽之歌見到江欣燕,一路無意中聽返日本娃娃隻歌,Google搵到個人寫緊許冠傑系列。
https://medium.com/@michaelchu_73917 -
@恆智德 點解有聲嘅
-
@沙嶺公墓 ??
-
@沙嶺公墓 年,又過年,共慶歡樂年年
-
專輯《財神到》入邊有一首《錢會繼續嚟》,勸人唔好掛住慳錢,要學識使錢先會長賺長有
首歌改編自貓王嘅I need your love tonight,當年Sam重要扮到貓王咁唱呢隻歌
https://www.bilibili.com/video/av90717006
( @Admin 有無得嵌入bilibili?)作曲: Wayne-Reichner
填詞: 許冠傑、黎彼得米貴 冇乜問題 諗計 咪懵懵閉
度掂 就要發威 啲錢就會繼續嚟
冇米 隻雞就啼 撞鬼 咪巴巴閉
焗住 就殺隻雞 啲錢係會繼續嚟過節送禮立定例 水鬼陞隍靠老細
你咪猛呻命運滯 要打基礎"MUN"紅毛坭
冇計 咪鬼食泥 使錢 當交水費
在下 奉勸各位
啲錢係會繼續嚟
啲錢系會繼續嚟
啲錢系會繼續嚟米貴 冇乜問題 諗計 咪懵懵閉
度掂 就要發威 啲錢就會繼續嚟
冇米 隻雞就啼 撞鬼 咪巴巴閉
焗住 就殺隻雞 啲錢係會繼續嚟老友咪個論地位 使乜孤寒詐詐諦
使得開心應該駛 死慳死抵 想人提攜呀
咪制 你想入圍 冤鬼 咪懶經濟
萬事 係放遠睇
啲錢係會繼續嚟
啲錢係會繼續嚟 (錢錢錢錢)
啲錢係會繼續嚟 (錢錢錢錢)
啲錢係會繼續嚟 (錢錢錢錢) -
《財神到》入邊重有兩隻歌同賭有關,一隻講打牌(麻雀),一隻講打pair(話事pair,show hand)。兩隻歌都以第一人稱寫賭仔入局廝殺,一隻砌出食糊牌(我唔識打麻雀,不過應該係?
),一隻砌出蛇,可見黎彼得對粵文化了解透徹,填詞功力深厚
麻雀耍樂,改編自1961年嘅A little bit of soap
https://www.youtube.com/watch?v=VJaGb9Hp4OI麻雀耍樂
詞:黎彼得 許冠傑
曲:Bert Russell*留二索扣六索,一摸三七索,再卒一九五八認真泡
求六索上二索,認真化鬼學,諗起卡窿啱啱一講就嚟
轉下手摸一索,等黐三索,甩啱七索又叫六九索
求六索有六索,敲崩檯角,呢鋪真係代表作*最鬼憎喺屋企咁寂寞,去搵腳兩頭騰,成日頻撲
砌幾圈我身心最快樂,無本我照落埸,打親梗係主角
甩到手軟起哂泡,兼側側膊,將啲骰仔猛咁卜
頭又重氣又Chok,口乾頸渴,幾大死做死搏叫碗粥,打通宵再直落,喫啲嘢定定神,疲倦唔覺
咬口煙,攞鋪牌猛咁度,個袋帶定藥油,一於搵命仔搏甩到手軟起哂泡,兼側側膊,整包花生猛咁剝
人人食到滿地殼,好似七國,打得真係爽咯REPAET **
《咪當我老襯》,又係一首改編歌,原唱係貓王1957年嘅(You're So Square) Baby I Don't Care
阿Sam又扮貓王出場
https://www.bilibili.com/video/av90718598/https://www.youtube.com/watch?v=5G6tng_6gjM
作詞:黎彼得 許冠傑
作曲:M. Stoller, J. Leiber過下SHOW HAND pair癮 我博殺認真KUNK
你dum雞咩 冇要緊
最怕你出老千 想搵我笨
咪當我老襯佢有舖偷雞癮 嚇到我週身震
博我冚 我最忟
索性SHOW晒冷 底牌要問
咪當我老襯我自信最有賭品 夠晒斯文
撞正鬥氣冤家 一於忍忍忍忍忍忍四五揸起手震 博有pair好MUN
點知跌隻三 又派隻二
送尾起隻煙添 認真夠運
咪當我老襯
咪當我老襯
咪當我老襯
咪當我老襯四五揸起手震 博有pair好MUN
點知跌隻三 又派隻二
送尾起隻煙添 認真夠運
咪當我老襯十個八個SHOW HAND 要靠手神
撞正有對手牌 幾大跟跟跟跟跟跟擸晒身心興奮 笑到屋都震
佢發晒忟 面似灶君
我殺到佢清晒倉 七瘟八燉
咪當我老襯
咪當我老襯
咪當我老襯
咪當我老襯 -
@恆智德 在 許冠傑經典喻世歌及MV 裡說:
留二索扣六索,一摸三七索,再卒一九五八認真泡
求六索上二索,認真化鬼學,諗起卡窿啱啱一講就嚟
轉下手摸一索,等黐三索,甩啱七索又叫六九索
求六索有六索,敲崩檯角,呢鋪真係代表作@Voters 有無人解釋下呢副牌?
-
《財神到》入邊有首《佛跳墻》都值得一提,講親朋好友共聚一堂,飲酒食肉,大快朵頤,完全配合晒過年喜慶氣氛
https://www.youtube.com/watch?v=Z7Q02pVyge0提多句,又係改編貓王作品,原唱係1956年Don't Be Cruel
https://www.youtube.com/watch?v=ViMF510wqWA -
呢張碟過年時候推出,就一曲《財神到》都已經賺到盆滿缽滿,何況重有貼地應景嘅《佛跳墻》《麻雀耍樂》《咪當我老襯》講吃喝賭(加埋其他幾首情歌可以話吃喝嫖賭有晒
),《錢會繼續嚟》勸人開心使錢當投資,點會唔發到豬籠入水
1987演唱會上許冠傑串燒咗上面幾隻歌
https://www.youtube.com/watch?v=K1nnq8pn0uE -
@恆智德
第一句手牌有一二三五六七八九索
第二句用一三索上二索,另外手牌有二五六七八九索
第三句摸到一七索,所以手牌有一二五六七七八九索
第四句摸到六索,所以手牌係一二五六六七七八九索 -
@free 我get錯咗,更正:
第一句手牌有一二三五六七八九索
第二句用一三索上二索,另外手牌有二五六七八九索
第三句摸到一三七索,所以手牌有一二三五六七七八九索
第四句摸到六索,所以手牌係一二三五六六七七八九索,叫糊六九索 -
@free 點解開始就有手牌一二三五六七八九索?
-
居然遺漏咗呢首經典中嘅經典《打雀英雄傳》
來自76年專輯《半斤八兩》打麻雀都可以打到豪情萬丈,氣吞萬里,點到你唔服
https://www.youtube.com/watch?v=j1A71zms1CA
作詞:黎彼得 許冠傑
作曲:劉杰(黃霑)六嬸三太公 大眾開檯啦面似蓮蓉
又放工打餐懵 圍埋砌幾圈論呀論英雄
誰是大英雄 大英雄落手三隻東 度到啱都三叫二五六筒
截正糊真陰功 騰騰震嬲到面呀面都紅上下家搏哂懵 依牙鬆䚗眨眉眨眼打籠通
係咁鬆正衰公 難為窞仔會浸啊浸蛟龍亂咁質真勢凶 學到足關帝坐鎮華容
恨滿胸裹蒸粽 UP UP貢好似大呀大燈籠大相公小相公 遇老千的章法亂哂大籠
食詐糊包出銃 TUM TUM轉好似大呀大灰熊執咗位起過風 移燈換凳洗手食烟摥柜筒
轉下運確唔同 連隨喫幾舖我露呀露歡容混一色碰七筒 一簡白板發財做眼杠紅中
六八筒叫卡窿 原來咁巧佢係呀係七筒倔尾籠起勢攻 大四喜揸嗮南北西東 做牌講天聰
頻頻滿糊我做呀做英雄 時勢造英雄 大英雄 -
@恆智德 見到作曲劉杰,就知道有可能係改編;果然,劉杰係霑叔其中一個筆名,而呢首《打雀英雄傳》其實就改編自當年佳藝電視劇集《射雕英雄傳》(米雪和白彪主演)的主題曲《誰是大英雄》,由霑叔作詞作曲,林穆演唱
https://www.youtube.com/watch?v=2FbA0xI20Pg同年佳視劇集《神雕俠侶》同名主題曲都係霑叔改詞,一雞兩味
https://www.youtube.com/watch?v=YkxF4vmlWE0 -
-
-
@恆智德 在 許冠傑經典喻世歌及MV 裡說:
林穆
知唔知點解個歌手嘅粵語有口音?
因爲佢係新加坡人維基詳細講述咗首歌當年嘅創作背景:
黃霑受佳視邀請,接下此劇的配樂工作,由於香港當時沒有職業的國樂團,他唯有找舊識,即時任新加坡人民協會華樂團指揮吳大江合作。配樂製作時間緊迫,黃霑趕赴新加坡,須在飛機上寫好包括主題曲在內的幾首歌的基本旋律和歌詞。抵埗後,黃霑修飾詞曲,吳大江和人民協會華樂團員則分別負責編曲及抄譜,定稿後眾人再往百代公司的錄音室錄音,前後共花了兩天製作。
歌手是跟吳大江合作過交響詩《新加坡啦》的男高音兼電台主播林興導,因為他是不能兼職受薪的新加坡公務員,故用了化名「林穆」;而香港電視台之間競爭激烈的緣故亦使黃霑用了化名「劉杰」。
-
@恆智德 有兩部同名電影,一部1981年由王晶編劇,另一部2006年由陳小春主演
唔知下面呢條片又係幾時拍嘅呢?Sam、光頭佬、肥肥、小鳳姐四個歡聚一檯
https://z-m-www.facebook.com/146533479393352/videos/602378110249686/@Admin 可唔可以嵌入FB video?
-
歌曲同MV講述一個人從出世到結婚再到養兒育女嘅全過程,以種種賣身契(出世紙、婚約、屋契、電費水費單)貫穿其中
正如盧梭話齋,「人生而自由,卻無往不在枷鎖之中」;一張契約,就係一條枷鎖
https://www.youtube.com/watch?v=lMpV8_nTRjk作詞:黎彼得 許冠傑 作曲:許冠傑
臊哈仔未出世,都去搵玉皇大帝,聽佢講番啲世俗條例
搦起張賣身契,起勢咁擰頭擰髻,好坐低聽孤家講出一切喂!我要你架勢,你梗一家富貴
我發起狼戾,會將你墊屍底,認真巴閉
簽番張賣身契(賣身契),攪扂筆入境費(仲要洗禮)
咁臊哈仔至准出世臊哈仔大個咗啦喂,識拍拖學人地曳,一次偷雞喊亦無謂
返香閨論婚禮,俾八姑窒頭窒勢,好女婿呢單認真堪計喂!你咪當免費,走精便咪制(咪制)
我聽錢使,你好挖倉底,仲要三牲酒禮
簽番張賣身契(重要屋契),攪扂筆外母費(竭過西米)
咁臊哈仔至准出世香港地為生計,乜嘢都受人限制,睇報紙多多制度條例
加差餉電費水費 啲餸乜愈來愈貴,恩愛夫妻都頂心頂肺喂!咪太過蔽翳,訓醫院更貴(太貴)
養班馬騮仔,有苦暗啞抵,仲要交足書簿費
一張張賣身契(賣身契),枕住咁累你一世(做到甩肺)
唉!總之一句阿彌吉帝(阿彌阿彌吉帝)一張張賣身契(賣身契),枕住咁累你一世(做到甩肺)
唉!總之一句阿彌吉帝囉,前世 -
@恆智德 試咗下,fb video好似有bug😂,bilibili高風險來源就算喇
-
@恆智德 專輯中重有另外兩首都值得一提
一首係《學生哥》,勸學生要勤力讀書,唔好虛度光陰
https://www.youtube.com/watch?v=yFzTbvRp45U作詞:黎彼得 許冠傑
作曲:Bobb Goldsteinn學生哥,好溫功課,咪淨係掛住踢波
最弊肥佬咗,無陰功咯,同學亦愛莫能助(肥佬咗,無陰功咯,同學亦愛莫能助)
學生哥, 好迷書囉,咪日夜掛住拍拖
顧住十幾科,科科渦,面懵懵一肚火(十幾科,科科渦,面懵懵一肚火)
螞蟻亦要搵嘢食,唔做事確係無益
少壯就要多努力,來日望自食其力學生哥,要思己過,唔係第日悔恨更多
人之初,應知錯,唔自立就會捱餓(人之初,應知錯,唔自立就會捱餓)
學生哥,一個個,我地日日記住隻歌
人多多,RE ME RE DO 齊合力唱伴同和(人多多,RE ME RE DO 齊合力唱伴同和)
另一首係《飲勝》,講嘅係與朋友開懷暢飲,將所有煩憂抛諸腦後
https://www.youtube.com/watch?v=U3K5VMxoyS4作詞:黎彼得 許冠傑 作曲:許冠傑
飲勝,飲勝,大眾飲杯勁,
將所有事當係零,個腦就平靜
飲勝,飲勝,就冇心火盛,
公司既事要暫停,興到就盡情
整多兩 PEG 加塊冰,模杯底論事情,
講女人,傾馬經,開心啲飲杯勝飲勝,飲勝,大嗌急口令,
亂講說話最忘形,有錯亦唔認
飲勝,飲勝,大跳扭扭擰,
七分醉扮有二成,認真高鬼興。飲勝,飲勝,亂咁通街揈 ,
灣仔當係秀茂坪,我腳步唔定
飲勝,飲勝,仲有些少剩,
累垧馬路當露營,車瓜都飲勝
飲勝,飲勝,就冇心火盛,
拋開怨恨唱莫停,世界就和平LA LA LA LA ~~~~
-
@恆智德 《學生歌》原曲來自Village Stompers嘅Washington Square,係純音樂
https://www.youtube.com/watch?v=ihenbyTzQ2A鄭少秋都唱過《飲勝》,煇黃出品,81年電視劇《流氓皇帝》插曲,偏中式音樂,連支酒都係雙蒸
https://www.youtube.com/watch?v=TxxSAPDOYMA -
《加價熱潮》,出自第六張粵語專輯《79夏日之歌集》
https://www.youtube.com/watch?v=PlHhWlmVWOk作詞:黎彼得 許冠傑
作曲:Jimmy De Knight, Max C. Freedman你怕!我怕!個個怕!
煙加!酒加!屋租加!
巴士加!的士加!多士芝士乜都加!
加!加!加!加!加!糖又加!鹽又加!
成日咁加任佢話!其實無他!
你住人屋宇下,佢梗收買路錢拿兩揸,
買佢怕!買佢怕!要加就加!總之慣啦!牛油又加!蠔油又加!
燃油又話每「卡」七個六,其實無他,
佢石油多到極,可惜真金白銀貶嗮值,
冇法啦!冇法啦!佢加就加!都由佢啦!
紅荳沙!茶葉渣!
全部要加慘到極,佗累全家,
靠份糧點夠食,卒之揸到鼓油都冇滴,
夠啦啩!夠啦啩!咪枕住加,喂!好啦啩!時時話加!年年話加!
無盡咁加趕到絕,求助哪吒,
我望能生對翼,即刻飛上月球再搵過食,
就冇有怕!冇有怕!佢加就加!拜拜啦!
(加加加...) (怕怕怕...)人人話加!頻頻話加!
成日咁加任佢話,其實無他,
我做人多說話,係啲加價熱潮風氣下,
八下卦!八下卦!發起爛渣,谷鬼氣嘛! -
@恆智德 呢首歌歌詞有兩版:原詞「其實無他,塊面黃梗冇力,早知當初入埋英國籍,就冇有怕!冇有怕!嫁返外家!拜拜啦!」後改為「求助哪吒我望能生對翼,即刻飛上月球再搵過食,就冇有怕!冇有怕!佢加就加!拜拜啦!」 。
當年《歡樂滿東華》都係唱呢一版
https://www.bilibili.com/video/av83762718/呢首歌係專輯入邊唯一一首改編歌,原創係1952年嘅Rock around the Clock
https://www.youtube.com/watch?v=ZgdufzXvjqw -
@XsDen 風險有幾高?記錄ip?用tor可以避開?
-
《尖沙咀Susie》,出自80年專輯《念奴嬌》,描寫一個不問生計、縱情玩樂嘅港女
https://www.youtube.com/watch?v=UGNlTSamZmI作詞:黎彼得 許冠傑 作曲:許冠傑
有佢咁靚時 冇佢咁夠盞 尖沙咀Susie 點止咁簡單
樣貌與身材 Good Fit夠耀眼 想搵多個 都幾難佢下下要有型 個性最好玩 出名撚車王 垧青山鬥片彎
日日喫幾籠 蝦餃當食晏 思想開放 好識嘆*尖沙咀Susie 使乜憂兩餐 佢老竇勤力慣 垧街市賣鴨蛋
尖沙咀Susie 屋企多靚衫 橙溝綠 米襯藍 套套惹火搶眼佢碰見猛男 對眼會猛咁眨 風騷兼銷魂 乜都笑一餐
密密去Disco 通宵到達旦 攬身攬勢 都好閒有佢咁野蠻 冇佢咁夠膽 尖沙咀Susie死都詏返生
但望阿Susie 光陰咪亂散 青春一去 空悲嘆*REPEAT **
-
上海人高歌 Do You Hear The People Sing
音樂台 • 薯皮 • • 薯衛兵 • • 3 3 3995 -
彩雲國物語 OP - はじまりの風
音樂台 • 舊使用者 • • 舊使用者 • • 2 7 3079 -
【音樂】Alice Game
音樂台 • 莎莉Sally • 1 1 2370 -
【音樂】Yuki Kajiura - Everytime You Kissed Me
音樂台 • 莎莉Sally • 3 1 2562 -
【音樂】有坂美香 - Life Goes On
音樂台 • 莎莉Sally • 1 1 2185 -
【音樂】阮豆 - 愛的魔法
音樂台 • 莎莉Sally • 2 1 2031 -
林夕亂改佚名歌詞,好嬲好嬲!
音樂台 • RAM友 • 1 1 548 -
點睇許冠傑個網上直播演唱會同引發嘅事件?
時事台 • 惠福路人 • • 恆智德 • • 1 2 581