[支爆之後]如果你主張大粵民國版圖，未來點應對香港對區內輸出獨立運動？

[親衞隊]

是但搵幅圖先

支持大粵民國嘅人，主張嘅版圖大致上係跟返清朝行政區嘅兩廣，再減返有殖民地傳統嘅香港、澳門（ 有啲大粵膠會計埋 ）

我見人討論粵獨、港獨關係，一係就劃分邊界各自爬山，一係就大粵膠上腦，唔知有冇人諗過香港對兩廣玩離岸平衡？

一個簡單例子，以中國戰敗爲背景，海南島好大機會係國際共管嘅軍事基地，如果香港支持海南獨立並結盟，粵國出海就需要睇兩國聯盟嘅面色

仲有就係，兩廣嘅經濟核心喺大灣區，香港可以推動大灣區城市直接獨立建國。對於香港國，同東莞國、廣州國、珠海國談判點都有着數過同人口佔絕對優勢嘅大粵國談判。對於冇咩居民嘅戰略重地（ 比如萬山群島 ），甚至可以用公民權吸引當地居民通過公投自決併入香港

利申：唔睇好大機率仲會用官話嘅三族共和版Cantonia

[舊使用者]

@親衞隊
九龍、新界表示歷史上從不屬於香港並宣佈獨立，無政府主義者集會城寨舊址，亦宣佈獨立。

[親衞隊]

@lousong 香港光復係否定中國政權非法佔領，即係返到97前狀態

再講宣佈獨立要睇公投民意

[舊使用者]

@親衞隊 廣州、珠海咁多外來人口，要公投建國仲難過粵國整體獨立。幻想佢哋獨立建國唔係同「台灣四塊論」一樣不切實際咩？呢種行爲呢叫做「分裂膠」唔係「民族自決」。

[親衞隊]

@lousong

[親衞隊]

@lousong 外來人口同殖民者點界定？

[舊使用者]

@親衞隊 香港原住民同49年後逃港嘅支那難民點介定，滬裔同埋閩裔包唔包括呢？

[親衞隊]

@lousong 我會以「中國佔領」爲分界線，好似香港以英治結束爲界線，台灣以日治結束爲界線。冇殖民地傳統嘅地方，以大清統治結束分界，因爲之前係冇「中國」作爲國家嘅概念

要光復，就係光復到中國非法佔領之前嘅狀態。之前就定居嘅族群及其後裔以血統繼承，其它人就參考一般國家入籍標準。如果佢住夠一定時間，交足稅，通過入籍考試就可以入籍。 如果一個移民有真心融入，滿足條件應該唔難啩

[FreedomHash]

@親衞隊 喺 [支爆之後]如果你主張大粵民國版圖，未來點應對香港對區內輸出獨立運動？ 入面講：

東莞國、廣州國、珠海國

廣獨對粵獨？

[FreedomHash]

有千萬級數人口，應該就有實力獨立。成個西藏人口都未夠一千萬

[FreedomHash]

@lousong 喺 [支爆之後]如果你主張大粵民國版圖，未來點應對香港對區內輸出獨立運動？ 入面講：

從不屬於香港

九龍從不屬於香港？漏咗個島字？

[親衞隊]

@freedomhash

明明係準備討論後中國時代戰略，大中華派冇嘢搵嘢講

[舊使用者]

@lousong 一個地區是否需要獨立，需要當地公民集體公投看最終結果，而不是看所謂的【歷史】屬於不屬於。

[舊使用者]

此回覆已被刪除！

[親衞隊]

@阿離 (你覆緊上面)？

咁講係一派嘅觀點，但係如果無視極權政府對一個地區嘅文化清洗同人口置換，直接以當下嘅全體居民公投決定未來，難聽啲，就係食緊中共暴政受害者嘅人血饅頭

[親衞隊]

@阿離 外國人發起獨立運動冇問題喎，關鍵睇有冇人響應啫

[舊使用者]

@親衞隊 這個問題會更複雜，現在上海就是被大量人口換血和文化清洗，已經無法自救，所以我未考慮滬獨而選擇未來移民。

[舊使用者]

@親衞隊 我會簡單咁以中共開始文化清洗前嘅當地母語為準，唔識嘅外地人就永居，識嘅就公民藉。

至於廣東同香港嘅關係，做盟國就好。

[親衞隊]

@薯肉 凈係用語言分好求其啫，今時今日識多國語言嘅人大把

至於廣東同香港嘅關係，做盟國就好

我呢度講嘅其中一點係好多人對後中共時期嘅未來發展缺乏想象力，明明「廣東脫離中國」呢件事自身就有大量可能性。比如話「東莞獨立」，當地人未必反對，係佢哋從未諗過呢個解決方案。就好似一百年前好多人都自動覺得自己係「華人」、「漢人」，冇質疑過民族建構嘅合理性

中共開始文化清洗前

「文化清洗」具體喺邊一年開始？咁嘅提法相當於將定義權交俾中共。

我提一個通用嘅標準，首先以中共開始管治嘅時間爲分界綫，中共管治之前就喺當地合法定居嘅人就係新獨立國家嘅公民，而呢一批人嘅後裔透過血統天然繼承公民權。剩低嘅人參照一般外國人入籍標準。

入籍條件一般都係嗰幾個：

1. 宣誓效忠
2. 公民常識考試
3. 語言能力
4. 連續合法居留超過一定時間
5. 無犯罪記錄

真心有融入意願嘅人，通過審查完全冇問題

[親衞隊]

@親衞隊 條綫畫到去邊，就睇你主張光復到邊一年

[舊使用者]

@親衞隊 香港嚟講我會話係開始普教中果一年。

[親衞隊]

@薯肉

如果係希望否定中共管治，條綫最遲都係劃到97，劃到後面會俾人笑「光復特區政府」

某民族黨就係原則問題唔清唔楚

https://xsden.info/topic/2020/公廁民族-點睇上海民族黨七一設立嘅-楊佳獎

香港嚟講我會話係開始普教中果一年。

如果你想將條綫「實質」推後，可以上面講嘅喺第三點「語言能力」，用計分制，普教中嘅冇分計

劃線之前有樣嘢要諗清楚，以血統繼承嘅公民權正常都唔可以因爲政見剝奪，而歸化入籍嘅「宣誓」就係審查價值觀

[舊使用者]

@親衞隊 我個人覺得可以仿傚立陶宛做法，血統(香港永久居民及其後代)同價值觀都得，但語言唔得可以拎永居，三樣都得可以入藉。

歸化請宣誓。

[親衞隊]

@薯肉

血統(香港永久居民及其後代)同價值觀都得

感覺你係將血統同價值觀擺喺同等地位，我覺得只要係97前香港永久居民及其後裔都應該天然取得公民權，黑警都係（應該建國之後起訴叛國罪，而唔係否認公民權）

如果否定透過血緣天然繼承嘅公民權，咁細路大個咗想投票係咪要先通過公民考試 ？

[舊使用者]

@親衞隊 咦係喎

[親衞隊]

@薯肉

唔承認一部分人公民權嘅前提係中國（或者某個繼承中國正統嘅政權）仲喺度，如果世上冇一個國家繼承中國，唔被承認嘅人會變無國籍難民，出於人道主義唯有硬食

所以我應該支持建設一個民主「中國」？咁就有國家可以遣返

[舊使用者]

@親衞隊 也不失為一個好選擇

[親衞隊]

@薯肉 不過呢個中國可能唔係大中華派、皇漢期待嗰個民主化之後強大嘅中國

中國戰敗之後，所有流亡政府返嗮去接管領土正式建國，冇人要嘅地方焗住要整個新政府簽條約