當時大概可以分三班人：蔣介石派、反蔣派（以汪精衛為首）、共產黨。孫中山提出聯俄容共，共產黨員集體加入國民黨，但係北伐期間就開始唔妥。你睇張發奎嘅回憶都有講，一路北伐，共產黨一路發動工農搞事，沿路好血腥。
1927年當時國民黨巨頭大概可以噉分：蔣介石（浙江人，反共，軍事領袖）、汪精衛（廣州人，初時對共產黨冇惡意）、胡漢民（廣州人，超級反共，但冇兵）、西山會議派（元老，反共，冇兵）、桂系（廣西人，兩頭蛇，兵強）。
張發奎作為一個廣東將領，係企廣東人呢邊，一路都支持汪精衛嘅。所以你話佢唔反共，佢睇汪精衛頭吖嘛。
蔣介石喺上海412清黨，造成寧漢分裂。胡漢民同蔣介石合作。而共產黨d撚屌咪好多都依附喺武漢國民政府（汪精衛）。係到7月，共產黨越來越多搞事，並且好似係搞事計劃俾武漢國民政府查到，所以汪精衛決定「和平分共」，要共產黨人退出、離開，卒之朱德葉挺賀龍搞八一南昌暴動。
張發奎成班人點解唔落力剿佢哋，而係帶兵返廣州呢？因為粵軍來嘎嘛，本身去到湖北、河南，已經補給差咗，唔係當地人。國民黨內部分裂，自己d兵梗係守住自己地頭。唔通同共產黨打，打鳩晒之後將廣東拱手讓畀蔣介石/桂系咩？
另外一個，共產黨係隱藏身份，冇人知嘅。而且當時跳來跳去好平常，思想會變嘎嘛。張發奎回憶入邊提到嘅陳公博（時任廣東省政府主席），仲係共產黨一大其中一個代表添，共產黨創黨元老，但係到27年嗰陣已經唔再支持。所以葉劍英呢d撚屌咪潛伏到。共產黨唔自爆，鬼分得到手下邊d係共產黨咩。