全世界同我入嚟!立站之本在於一篇高質文


  • 老老實實而家X登真係冇乜人,離離去去都係得幾個人吹水圍爐,好缺乏高質原創內容,而且靠幾個人去拉新人真係唔係辦法。

    一個論壇想做大,用戶大增,需要有引起廣泛討論嘅高質內容,例如植物論壇嘅中国學生撐港樓。

    既然X登定位係一個粵人論壇,我覺得我哋可以集思廣益寫一篇「告南粵同胞書」/「南粵宣言」之類嘅高質文,大家點睇?

    有興趣參加請留名,同埋講吓想寫咩。


  • 支持,可以先收集下粵人以往嘅本土主張,做一個索引?


  • 諗到個gimmick,廣州撐粵行動十週年。諗下點樣做d片。
    長文唔一定有人睇,引到人關注。片嘅效果可能會好d。

  • @親衛隊

    @親衛隊全世界同我入嚟!立站之本在於一篇高質文 裡說:

    支持,可以先收集下粵人以往嘅本土主張,做一個索引?

    大部分人本土主張唔會支持獨立,所以由易至難。能夠去到第三點就可以同時鼓吹獨立。

    1. 粵語為嶺南地區官方語言,延伸粵語教學,粵語廣播。
    2. 粵人治粵。
    3. 徵稅權在粵,每五年同中央談判上交數目。
    4. 重劃行政區域,統合廣東、廣西、海南。
    5. 向中央提出建立聯邦州要求。

    唔同訴求使用唔同地域名字,達到目的。
    廣東 粵 南粵< 兩廣< 嶺南

  • @惠福路人

    @姬嘉鐸我老婆 但係片嘅製作好複雜,要全原創唔容易,同埋泄露個人信息的可能性比較高,如果引起好大回響,製作者可能會比国安搵上門。

  • @訪客

    @free 在 全世界同我入嚟!立站之本在於一篇高質文 裡說:

    @姬嘉鐸我老婆 但係片嘅製作好複雜,要全原創唔容易,同埋泄露個人信息的可能性比較高,如果引起好大回響,製作者可能會比国安搵上門。

    我諗住剪剪貼貼攞d片混剪嘎咋,再加多條激昂嘅soundtrack,造1分鐘左右,造幾條,分開每個禮拜放1條,睇下搞唔搞到viral campaign。我唔識調音、鬼畜。
    開個匿名gmail好似唔係好難,大不了買張太空卡收條驗證短信啫。

  • @Drdoom

    @Drdoom 我都覺得一開波就洗版講自決、獨立唔係幾好。第一階段可以從保護本土文化開始講,因爲就算係要行民主中國路線都一樣要尊重本土語言。

    除咗以前都有人講嘅嘢,我想更多着重去搵其他地方自決、尋求獨立、建國嘅例子。可以係歷史上嘅越南脫離中國,亦可以好似係西班牙版廣東省嘅加泰,又或者千年復國嘅以色列。呢啲嘢睇得多,自然就會越嚟越傾向本土自決嘅主張。

    政治文宣,想畀人信心,就要搵多啲歷史上嘅先例。


  • 仲有一個,可以試下發起粵文運動。

    https://www.douban.com/people/lauralau/notes

    好似呢個豆瓣用戶,自己翻譯格林童話。
    各位就算自己未必有能力寫小說,都可以翻譯吖嘛。試下譯d童話故事、寓言、笑話etc,發喺呢度再share畀人。

  • @親衛隊

    @親衛隊 同意,所以先做宣傳粵語教學,粵語廣播。


  • @XsDen
    釣人註冊仲可以循網站設計諗一諗。
    右上角個註冊掣可唔可以換隻背景色,同橙色反差大d嘅,註冊兩個字調大D,突出D?


  • 啱啱諗到幾條片創意。

    第一條
    頭20秒廣東各地政府d宣傳片,風光迤邐歌舞昇平。
    再駁d新聞片,民不聊生示威抗爭嘅片。

    第二條
    將共匪宣傳嘅片,同支持香港嘅廣東人嘅片,穿插剪埋,表達廣東人並非全部好似共匪宣傳咁擁護中國反對香港。

    第三條
    剪輯一啲廣東人講唔好粵語嘅片。

    第3個創意d片最難搵,頭兩條d素材youtube應該都幾多。如果1個人做,應該1日或者大半日可以剪到1條出來。大家一齊做就仲快脆。

  • Admin @惠福路人

    @姬嘉鐸我老婆 😂呢樣嘢唔係唔改得,係覺得改咗theme入面嘅嘢會搞到唔協調啫。一般網站註冊同登入掣都唔會整色整水啦

  • Admin

    😂要改就要改嗮所有skin

  • @惠福路人

    @姬嘉鐸我老婆 第三個試下搵啲新聞採訪小學生嘅片?第一段可以唔使駁,直接split screen,好似之前有個用義勇軍進行曲配香港抗爭畫面噉。

  • Citi

    推出時間唔使太急,當年最大一次集會喺725

    素材方面,應該突出使用粵語嘅人同頻率都越來越少,越後生越少講粵語
    另外重有官方不斷推普,例如廣州臺轉新聞聯播,廣東新聞臺正點報道轉普通話

    配樂可以用《明年今日》,改下《十年》嘅歌詞,睇下我地呢十年失去咗乜嘢


  • 十年前收集嘅一啲pics同videos供大家攞嚟做素材。
    Google drive folders

  • Citi @Drdoom

    @Drdoom 認真全面,勁lomo-agreelomo-support

  • Citi @惠福路人

  • @恆智德

    @恆智德全世界同我入嚟!立站之本在於一篇高質文 裡說:

    推出時間唔使太急,當年最大一次集會喺725

    來緊5月尾6月香港有大規模示威,可以借勢宣傳。等到7月或者有d遲啦。
    我最近幾日台電腦做唔到住,過幾日先。


  • 本來我有d文諗住發去第個論壇嘅。依家噉,不如我過兩日發喺度,跟住你哋幫幫手轉載過去。:golden-369:

  • Citi @惠福路人

    @姬嘉鐸我老婆 5月無乜紀念日,6月就反送中一周年紀念
    不過早整都好,先整個初稿再慢慢執
    6月份可以喺海外傳播,到時慢慢炒熱,借埋7月十周年個東風lomo-ok

  • @恆智德

    @恆智德全世界同我入嚟!立站之本在於一篇高質文 裡說:

    @姬嘉鐸我老婆 5月無乜紀念日,6月就反送中一周年紀念
    不過早整都好,先整個初稿再慢慢執
    6月份可以喺海外傳播,到時慢慢炒熱,借埋7月十周年個東風lomo-ok

    梗係知六月先係正日啦 但抗爭嘅嘢邊話得埋幾時爆發 當年十月佔中變咗928佔鐘都係噉啦

  • Citi @惠福路人

    @姬嘉鐸我老婆 噉又無話限死邊日出,衹係覺得多少少時間可以執正啲


  • 唔好意思將成個貼帶離題。
    呢度都係留返討論寫作文好d。想整片嘅請去第個post傾。

    講返作文呢,如果係定個「粵人自治」嘅綱領,或者整一篇煽動下粵人族群意識嘅文,我覺得好應該做。

  • @惠福路人

    @姬嘉鐸我老婆 寫長文我覺得個定位應該激進/超前啲,目標係身/心已脫支嘅廣東/兩廣人(睇植物論壇就知,其實應該唔少,但好多人仍然以中國人身份自居,我甚至推斷反賊群體50%以上都係粵人)希望係已覺醒者中推廣個身份認同。


  • 我覺得首先要定義咩係「自己人」先:
    1.廣東人(唔一定識講廣東話)
    2.兩廣人(唔一定識講廣東話)
    3.講廣東話嘅人
    4.包括1-3

    另外要定義「領土」:
    1.廣東
    2.兩廣

    大家點睇?

  • @訪客

    啱啱想講,我又係諗到一個我覺得幾現實嘅問題,就係使唔使connect潮州人、客家人?

    講得粵語,唔理邊種口音,就無分廣東/廣西/海南/香港/澳門/海外,個身份認同已經好強。

    但係潮州人同客家人點算呢?

    我唔係要搞大廣東/大粵主義,而係呢個其實幾現實下。如果潮人、客家肯企粵人呢邊,尤其是潮人,全世界力量會大好多。如果佢哋倒向另一方,噉即係對方力量大好多而我哋冇咗。
    但係如果想connect,噉以咩基礎去connect呢?

    呢個問題,事關呢篇假想針對「南粵」嘅文點寫。

    如果淨係寫畀粵語人,噉就易好多啦。

  • @訪客

    @free 其實叫我哋講緊嘅語言做「廣東話」,我諗同清朝至民國時期廣東省嘅區別有關,其實而家廣西講白話嘅地方好多以前都係廣東省嘅。

    用文化去標識就得,因爲感覺呢個壇既然係匿名壇,就唔會查家宅問你係邊度嚟。我覺得應該寫畀粵語人,或者更加廣泛啲,畀「泛粵語人」,包括埋母語非粵語,但願意積極去融入嘅「新本土」人。要抗爭嘅時候,佢哋出於皈依者情結會落力過好多嚴格意義上嘅本地人。

    領土主張我覺得應該淡化處理,因爲呢樣嘢係冇軍事力量嘅時候講出嚟盞四面樹敵,而且團結海外族群嘅時候冇咩用。我個人就主張可以接受五嶺以南加入聯邦但唔強求👻 。

    最後,可以將粵人嘅本土主義包裝成「中國本部/傳統漢地」民族解放運動嘅先行者(即係同時呼籲其他非mandarin人出嚟抗爭),唔單止局限於本土,重可以目光放喺重構東亞秩序上面。


  • 有一點係20世紀嗰套民族主義論述唔係唔得,但如果淨係得民族主義喺2020年講出嚟感覺有少少老土,我覺得用可以以共同的語言爲基石,建立一套反「大一統、大中華」主義,追求「自由東亞秩序」嘅國族意識。就我個人而言,如果有印度人、中東人、黑人識講native speaker level嘅粵語,積極融入我的嘅文化,想做粵人我都會好開心(可能係因爲我朋友入面有各種族裔嘅人,好難會有啲睇樣就歧視嘅思想)。

  • @親衛隊

    @親衛隊全世界同我入嚟!立站之本在於一篇高質文 裡說:

    @free 其實叫我哋講緊嘅語言做「廣東話」,我諗同清朝至民國時期廣東省嘅區別有關,其實而家廣西講白話嘅地方好多以前都係廣東省嘅。

    梧州、南寧就從來都唔係廣東省嘅。
    自己講就話自己講「白話」,邊有人話廣東話,係香港先嗌錯。
    叫粵語咪幾好咯。粵又冇分廣東廣西海南,舊時全部都係粵。

  • @惠福路人

    @姬嘉鐸我老婆 :lomore-haha: 好柒

  • @親衛隊

    @親衛隊全世界同我入嚟!立站之本在於一篇高質文 裡說:

    有一點係20世紀嗰套民族主義論述唔係唔得,但如果淨係得民族主義喺2020年講出嚟感覺有少少老土,我覺得用可以以共同的語言爲基石,建立一套反「大一統、大中華」主義,追求「自由東亞秩序」嘅國族意識。就我個人而言,如果有印度人、中東人、黑人識講native speaker level嘅粵語,積極融入我的嘅文化,想做粵人我都會好開心(可能係因爲我朋友入面有各種族裔嘅人,好難會有啲睇樣就歧視嘅思想)。

    梗係ok啦,即係好似河國榮話自己係香港人,都冇人會拒絕啦。:lomore-agree:
    https://youtu.be/rDL7qWaFETA

    睇下呢個大馬印度佬:lomore-sosad:
    https://youtu.be/alpSmDuJs7g

  • Citi

    關於粵獨嘅論述,其實有無基礎可言?假使有,又夠唔夠硬淨?

    竊以爲,一個地區要提出獨立嘅主張,起碼要滿足下面至少一個特異性,越多越好:

    1. 地理隔離,即係領土有無同宗主國有明顯分界

    2. 民族差異:分兩部分,包括文化同種族

    3. 經濟差異:越有錢就越唔想同窮鬼玩,又或者大家經濟制度唔同,分家重好

    用呢幾個條件睇港獨、台獨、疆獨、藏獨,乃至愛獨(Ireland)美獨(US),點都滿足起碼一個條件,所以人哋提出主張有人buy,甚至一呼百應、雲集影從。

    試問南粵地區達到咗邊個條件?有無邊一忽咁突出,就好似漆黑中螢火蟲一樣出衆?

    上面三個條件,恐怕衹有第二點,即係所謂粵語文化勉強稱得上一點差異,不過而家都日漸式微。如果唔重振南粵文化,構建粵族認同,咁所謂粵獨豈非空中樓閣、癡人説夢?

  • @恆智德

    @恆智德 呢三點係得第一點冇依據,地理改變唔到(如果係都要有地理依據,可能要食埋成個嶺南地區)其實亦都係中國大一統咁多年嘅原因。但第二三點其實都好有基礎,可行性方面,清末民初兩廣獨立都見到有可行性。

  • @訪客

    @free 我擔心嘅係「大一統情意結」,當真係有能力搞到廣東/兩廣獨立,分分鐘又會想「進圖全國」

  • Citi @訪客

    @free 其實唔使全部滿足,但問題而家無一點滿足得到

    不妨考察一下香港嘅情況:地理上有深圳河做分界;文化上既有粵語做底,又有東西交融,同大陸寧舍唔同,舊年反送中使香港人嘅身份得到前所未有嘅認同;經濟上行資本主義,有完整司法體系,行英美海洋法系而非大陸法系

    但縱使香港同大陸相差咁大,歷次民調中支持港獨嘅人好似從未超過兩成

    當然,我意思唔係話一定要有大多數人支持先提出獨立嘅主張;但如果連南粵文化嘅概念都衹有極少數人認同,提出獨立咪即係趕客?

    打個比喻,你中意某人想屌,會唔會開口第一句就同佢講我想屌你?點都有個相識相知相親相愛嘅過程啩?

    同樣道理,你想提出獨立嘅主張,但兩廣人士連南粵文化都烏雪雪,又點會考慮獨立嘅問題呢?


  • 如果計法理,除咗全世界都用得嘅,喺有現代國家概念之後,粵地其實冇太多特異性。唔似香港、台灣做過殖民地。如果計成個嶺南,主權一直同「中國」綁埋一齊(清朝->民國->中共)。

    不過如果喺有一個有影響力「嶺南臨時政府」嘅前提下,有一樣比較有意思嘅嘢可以做。

    民主訴求->否定中共非法統治,呢一步唔係親共嘅派系都會認同。一旦否定中共49年之後嘅法理,主權就會回退到中華民國。如果呢個時候台灣仍然係綠營執政,「中華民國」嘅法統,其實就喺一班想拆呢塊招牌嘅人手中,而唔係中國人入面嘅「民主統派」、「民國膠」話事。

    下一步要做嘅,就係「臨時政府」去同台灣政府deal,希望對方通過法案,:lomore-ok: 授予嶺南地區「有獨立權利自治領」嘅待遇。呢個方案係雙贏,對粵人自決,無代價多咗一個法理支撐;對台獨派,其實就係做一個順水人情,順便削弱中華民國領土嘅神聖性。因爲開咗先例先例,就可以有第二個、第三個「自治領」。粵獨成功之後佢哋都會多一個核心盟友。:lomore-aura:

    搞掂第二步,否定獨立訴求嘅「大中華統派」,就會好似台灣嘅國民黨以後嘅走勢一樣,想行中間路線,但政見上越嚟越似共匪。佢哋有兩種選擇,😂繼續堅持咩「領土完整」,噉就當係中共派系反埋一份,人哋唔會當佢哋係民主陣營。或者放棄主張,加入本土派。

    如果啲人話,「台灣邊敢噉做得罪中共」,下下睇中共面色乾脆唔好反共加入共產黨啦:lomore-brain:


  • 所以我覺得,唔好一開始就強求全取歷史領土,就算實控地得個珠江口島仔,都要即刻開始外交。最緊要嘅係國際上有獨立國家嘅既成事實。


  • 😆個deal重點唔係叫台灣支持粵獨,而係明確認可嶺南自決嘅權利。好難想象一個支持同姓婚姻嘅國家會唔支持呢啲基本人權。

  • @親衛隊

    @親衛隊全世界同我入嚟!立站之本在於一篇高質文 裡說:

    支持同姓婚姻嘅國家

    可以同性婚姻,😂又打錯字