有咩建議比20,30,40歲嘅人？

[Rehk]

最近連登見到相關討論，覺得幾有意思，大家又點睇？

[Rehk]

比20歲嘅人嘅建議：

感覺香港好多呢個年紀嘅人仲好唔成熟，仲停留係「少年」階段，對「成年人」身份認同唔高，對自己嘅人生冇咩目標，唔清楚自己想做乜，只係比環境同身邊嘅人推住去行，冇所謂「獨立自主嘅人格」，冇真正自己做過決定。

結果去到廿幾歲出嚟社會做嘢就突然如夢初醒，發覺自己要對自己嘅人生負責，又驚又悲，無所適從，對人生嘅方向好迷惘。

所以建議20歲嘅人應該要久唔久停一停諗一諗，自己已經係一個成年人，自己而家做緊乜，自己想做乜，構想一下自己嘅未來。

20歲係人生中最美好嘅時光，有咩想做就去做，唔好怕呢樣怕個樣，大多數人未來只係會後悔自己冇做而唔係後悔自己做咗。

唔好比人主宰你嘅人生，你認為啱嘅事/應該做嘅事就去做，因為只有你最清楚自己。