反共圈之不同派系

[Rehk]

@恆智德 其實我覺得阿姨受歡迎嘅原因同侵侵有啲似，主要係「大家其實一直都有同感，政治不正確但好到肉，令人情緒上好認同」😂

[Rehk]

@恆智德 其實支持，不反對，不支持，反對係四樣嘢

[恆智德]

@Rehk 講實話都要批評人？？即係我唔可以從個人角度去評判？

[恆智德]

@Rehk 你睇下秦暉作品再作評價都未遲
阿姨似政治sales多過似學人

[恆智德]

@Rehk 哦，咁你又分享下你嘅數據？

[Rehk]

@恆智德 獨立其實除咗「時勢」外，一定要有另一個「獨立因素」先會可行，而家獨派嘅問題係講唔出呢個「獨立因素」。

咁咩係「獨立因素」？以下有一啲例子

1.種族

例如膚色、面貌特徵差異

2.語言文字

例如日文vs韓文

3.宗教

例如印度教vs伊斯蘭教

4.地理阻隔

例如台灣

5.歷史因素

例如歷史上曾獨立

[親衛隊]

@Rehk 😂感覺係先有雞定先有蛋嘅問題，畀你獨立到，「獨立因素」就肯定有。

好似「語言文字」，大一統就屈嗮全部做所謂「方言」，獨立咗隔籬村都可以話係基於漢字嘅唔同語言（歐洲咁）

地理其實都係任人講，長江係界，深圳河都係界

如果講宗教，其實意識形態係唔係現代版嘅宗教？南北韓同一民族都係完全兩種人😂

[Rehk]

@親衛隊 南北韓應該係屬於「背靠另一大國」

[Rehk]

@親衛隊 「方言」當然算係，所以我覺得廣東獨立可行過香港獨立好多，當然如果香港獨派而家發明「香港話」長遠講可能都可行

深圳河就算啦，人唔笑狗都吠

[Rehk]

@Rehk 南北韓嘅例子其實好有意思😂兩個國家背後有同樣巨大嘅其他勢力支援，維持一個好微妙嘅關係

[Rehk]

@親衛隊 雖然似係「有雞先定有蛋先」問題，但二十世紀大多數嘅「獨立」都有呢啲因素，我唔覺得推行「獨立」係可以忽視因素

[恆智德]

@Rehk 簡單來講就係差異性，如果差異性唔夠強，獨立本錢就唔夠，即使獨立之後都有可能再統一

[BBQ]

此回覆已被刪除！

[Rehk]

@恆智德 正解，台灣而家仲係尾大不掉

[Rehk]

@BBQ ......我哋講緊姨學個阿姨

[Rehk]

@恆智德 我個人覺得要獨立簡單講係需要兩個必然條件，一係「時勢」例如十九世紀嘅大規模「停止亞洲殖民」，二係「差異性」/「獨立因素」例如「印度」因為宗教等因素一分為三

[恆智德]

@Rehk 用辯證法語言，就係外因同内因
外因在於宗主國控制減弱，内因在於特異性

[BBQ]

@Rehk

[恆智德]

@BBQ 爛gag

[Rehk]

@恆智德 又唔一定係「外」因嘅，可能話係「時代趨勢」「政治潮流」會貼切啲

[恆智德]

@Rehk 呢個唔係外係乜？

[Drdoom]

最近睇到反共圈唔同派系互相攻伐、抓鬼，讓我諗起多年前有部大陸戲叫“走向共和”。裡面一樣描述啲人互相抹黑、排斥，點知唉呀武昌呢啲人上咗檯面頓時國政大亂，最後仲係軍閥時代個個去做國師。睇怕共匪就係噉睇而家嘅反共團體。

[Rehk]

@Drdoom 其實應該叫鄙視鏈😂

[Rehk]

@恆智德 例如話「時代趨勢」係帝制走向共和，「外因」係外國勢力援助？

[恆智德]

@Rehk 對於一個想獨立嘅民族，外因就係宗主國，衹有宗主國控制減弱，獨立先會成功
無論時代潮流係乜，外援有幾多，如果呢啲因素無法減弱宗主國嘅控制，獨立就得個講

當然，宗主國減弱控制有好多原因：有可能係統治階層決定順應潮流，采用新嘅管治方法；也有可能統治階層四分五裂；也有可能係頂唔順巨大嘅國際壓力。但所有呢啲可能必須要作用向宗主國身上——而家民主係時代趨勢，中共就係逆潮流而行，你吹得渠脹？

[RAM友]

@BBQ 好多黃絲反對港獨係因為覺得不切實際。其實喺香港內部，獨派同中統派之間有好大空間，有歸英派、美屬派同聯合國託管派，識個大中華主義fd就係主張歸英。隨住中共越嚟越強硬，中統派支持者只會不斷流向其他派別。唔一定係獨派得益，但我諗黃絲入面中統派應該係最少人既選擇。
利申：一年之間光譜慢慢由大中華主義滑向獨立。

[Rehk]

@RAM友 點解大中華派會支持歸英？我唔太明個邏輯😂

[RAM友]

@Rehk 點解大中華就要支持統一先？上世紀世界各地既華人都係大中華主義者，但人地唔會要求政治領土上結合囉。大中華主義其實係一種同胞情，但俾統一黨政治勢力騎劫左。港台星馬全部都可以各自為政和平共處，曾幾何時聽過要統一做同一個國家制度既主張？

[恆智德]

@RAM友 在 反共圈之不同派系 中說：

點解大中華就要支持統一先？上世紀世界各地既華人都係大中華主義者

你個定義似乎同一般定義唔同
大中華通常認爲係 大陸+港澳台
雖然上文都提及你所講嘅大中華，但準確來講應該係 大中華文化圈

[唐人街波波]

@RAM友 我同意你睇法啊。

[RAM友]

@恆智德 所以咪話騎劫左囉，根本人地本身係一種情懷，啲政權就格硬攞嚟統戰擴張領土，然後就一堆人跟機。好多大中華膠就係咁俾佢氹左入去，但都有人唔跟。

[Rehk]

@RAM友 有個朋友發明咗小中華膠，或者可以用作區分大中華膠😂可能前者係支持大中華文化但對統獨立場中立，後者係大中華主義統派？

[RAM友]

@Rehk 未聽過呢個term。個人意見：大中華主義者唔一定係膠，但強硬統一派絕對係膠化呢個名既元兇！

[恆智德]

@RAM友 你咁講又真係唔知邊個先邊個後
不過以前好多華僑確實出錢出力支援中國革命
唔知當年孫文點樣鼓動班華僑，班華僑又點解會被打動

[RAM友]

@恆智德 咁要摷返佢地啲書信回憶錄先知，都值得研究既，點說服華商出錢。我諗至少有故鄉情懷先會咁支持，以前既普通人唔會諗應該邊個做皇帝、需唔需要體制改革、需唔需要獨立，總之幫到鄉下親里就得，結果最重要。

[唐人街波波]

@RAM友 代入海外港人咪明囉，雖然自己離開咗，都會幫香港，都想香港好架

[RAM友]

@唐人街波波 海外港人會唔會咁出錢出力搞中國民主先？鄉土情懷VS大中國，冇衝突嗰陣咪唔出聲冇所謂囉，有事嗰陣？你問下福建佬肯唔肯為左全中國自己出戰台灣？

[唐人街波波]

@RAM友 我咪福建人囉，點解要打台灣啊？打台灣係為咗中國定係中共啊？

[唐人街波波]

@RAM友 香港人紀念六四都咁多年啦，中共收皮，大陸民主對全世界都係好事。

[RAM友]

@唐人街波波 失敬失敬 其實對統一膠既質問就係當兩全不能其美嗰陣會點揀。睇返以前品蔥真係有班人自稱民主中國派但唔排除武統，所以呢度答案係中國，而唔係中共。