北京六月落雹

[Rehk]

@Rehk 在 黑兔走入青龍穴 裡說：

其實係咪真係國之將亡必有異象？大家覺得可能會出現咩異象？😂
1.地震
2.水災
3.饑荒
4.六月飛霜

4都有可能的話，1-3應該點都有一個中

[Rehk]

但係我再睇多啲資料，原來六月落雹係幾常見，不過水災應該有可能？最近都見到有泛濫問題

[親衛隊]

有機會中國西南地震聯動三峽泄洪。

饑荒難度高啲，除非北京武肺再爆發嚴重過之前。

[BBQ]

中國作為全球第二大經濟體系，要亡嘅話一定係同時好多單大野一齊發生。

所以可能係1234全中再加其他。

[恆智德]

@BBQ 衹要抓緊統治階層，伊種超大型中央集權整體幾乎無可能死於外患
衹可能死於内部分裂

大飢荒餓死三千萬，連大城市（北上廣）居民都普遍出現浮腫，中共統治仍然屹立不倒就係一個例子

直頭可以講毫髮無損，連一場似樣嘅暴動都無發生

[Rehk]

@恆智德 中國政權更替必須係要靠內部，外界嘅作用只係激起內部反對

[恆智德]

@Rehk 我意思係引起政權内部分裂
自然災害根本無可能達到呢一點，相反衹會使政權内部團結對外

而且衹要抓緊輿論宣傳，再大的災難都可以變成喜事，宣揚集權好處
比如唐山大地震和汶川大地震

[BBQ]

@恆智德 再大嘅災難，白事可以變紅事係基於一個假設，就係黨國可以依靠防火牆去控制言論同人心。所以我認為要破局嘅其中一個條件，就係推倒防火牆。

美帝已經開始喺哩方面著墨。但防火牆唔容易攻破，估計要花唔少錢同時間先有機會搞得掂。

美帝吹其中一招就係Telsa老細搞嘅SpaceX。可惜SpaceX有一個致命傷，就係佢用嘅唔係一般常用波段（frequency carrier）。用家需要有個特別設計嘅接收器（anthena）先可以收到小衛星發出唻嘅訊號。

我信相要破局首先要破防火牆。。。。。

[恆智德]

@親衛隊 全球化時代，嚴重饑荒得兩個可能：一係閉關鎖國或者被制裁，一係全球饑荒，大家都無得食

[恆智德]

@BBQ 其實就係需要一個信息可以自由流動嘅平臺

[Rehk]

@恆智德 @BBQ 其實我唔太認同，中共嘅公信力比維尼嘅一場又一場鬧劇消耗咗好多，而家中国人已經唔係好信「官方」。信息流通嘅重要性其實唔係好高，中国人其實好清楚自己比中共呃，但一直繼續自欺欺人，直到一日事故太大，謊言已經冇辦法維穩，就自然會爆。

[Rehk]

@Rehk 當「天災人禍」嘅規模已經大到冇辦法掩蓋嘅時候，再宣傳「歌舞昇平」只係徒添笑話。

[恆智德]

@Rehk 信任再點減弱都好，原子化社會根本就無法組織成規模嘅反抗，喺國家機器面前基本上係螳臂擋車
所以中共衹要抓緊統治階層，保證内部唔分裂，對班蟻民根本未驚過

八九之所以對中共來講係重大危機，最關鍵一點就係内部出現分裂，革新派唔單止同情學生，重組織單位幹部上街遊行
趙紫陽其中一個罪名就係分裂黨

[恆智德]

@Rehk 你睇下伊朗同委内瑞拉就知專制政府衹要内部唔分裂，就有排捱

而另一個反例係蘇聯，雖然當時未去到民不聊生嘅地步，但内部一分裂出現政變，一夜之間就土崩瓦解

[Rehk]

@恆智德 中国係一個金字塔，上層最少，下層最多；利益分配就係倒金字塔，上層最多，下層最少；統治亦都係從上而下，從少到多。

革命嘅決定性因素其實係中層，因為上層冇辦法直接控制到下層，當中下層都想反，呢個金字塔就會反。

[恆智德]

@Rehk 當中下層都想反嘅時候就必然係暴力革命，血流成河
借鑒中國歷史，起碼都要百萬級以上死亡先得
而且恐怕唔會太快來臨