短篇小說《紅日》by香港獨立學社資訊頻道

  • Citi

    🔥香港獨立學社資訊頻道🔥
    獨立學社TG Channel將會不定期更新
    發佈有關獨立、本土或反送中革命的資訊和文宣
    https://t.me/Hk_independence_institute

    《紅日》

    從某一日開始我唔記得咗啲野。
    好似......係一啲曾經好重要、好重要、好重要嘅嘢
    但我就係諗極都諗唔起。
    .
    你轉身落床,行到去廁所,屙尿,震一震,著返好條褲。枝黑人牙膏都仲係嗰枝黑人牙膏,枝Oral-B牙刷都仲係開嗮叉,牙膏唧出嚟放入口都仲係薄荷味。

    其實根本無野唔同到。

    啷口,擺返低個杯同牙刷。望下出面,今日天氣麻麻。屌,再唔出門口就遲到。
    .
    请不要靠近车门
    Please stand back from the train doors
    .
    你瞓下醒下瞓下醒下咁就入咗地鐵。返工真係辛苦,最上粒鈕仲要扣錯位,但你已經無力再重新再扣過一次。屌,做人真係好撚攰。轉個頭突然有個阿叔逼埋嚟點一點你膊頭。
    「诶小兄弟,这儿到益田怎么走啊?」
    你望住個路線圖沿住條藍色線指上去
    「看见这儿了吗?蓝色这条线。对了,待会儿转车转去这条线就直奔罗湖」
    「到了罗湖还得再转吗」
    「不用了,口岸那边一早就接通了,哪还用再过关的,都是大湾区列车」
    「那可真方便啊」
    「是啊,真方便」
    你睄一睄啲廣告,個大陸小鮮肉揸住枝康師傅,都笑得幾陽光下。窗外面乜都無。你已經分唔清,究竟係架列車郁緊,定其實係條隧道郁緊。
    .
    太子站開門,啲紫色磚一格疊住一格疊住一格,好似滲緊血咁。啲血好重、好腥,慢慢咁滲落磚同磚之間嘅罅隙到,好慢咁滲,好慢咁滲,一絲一縷咁侵蝕嗮緊成個站,由啲柱延伸上去,一滴一滴咁喺天花板跌翻落嚟,滲落地板。你好似諗返起啲野。

    無野,你完全唔記得。

    啲人鳩衝哂去轉車,佢地身上面全部都係血,你望唔到佢地咩樣。你突然醒返起自己好似好耐無發夢,抑或係...發完但唔記得哂啲內容。然後—
    .
    请不要靠近车门
    Please stand back from the train doors
    .
    你要轉車,你等緊車,你就嚟遲到。周街人都用緊最新型號嗰隻華為,十個鏡頭,上年屌打咗蘋果搞到佢執笠。中關村發展越嚟越發達,矽谷出現歷史大危機,美國應該都就嚟收皮。中國已經成為世界第一大強國,你仲用緊Apple機。其實唔夠in。手機彈咗條message出嚟,淘寶確認支付訊息,好彩今日訂完部華為新機聽日就送到屋企,國家已經知道曬我地每個人住邊。你㩒確認。寄送至—
    .
    往罗湖的列车现在到站
    The train for Lo Wu is approaching
    .
    你望向車廂外面,個天暗暗地,講唔上係藍,但又唔係黑,反而有小小紅。你影低,Caption寫咩好呢...
    「喜茶真有你的
    芋泥波波鲜奶里没有波波
    我不配拥有波波吗......」 講起朋友,好似都曾經有過,但已經全部唔見哂啦。有日打打下機佢哋突然無咗聲。嗰日啲雨落得好大,係一個無城市論壇嘅星期日。你唔記得係邊個講,佢講咗乜。你只係知所有野都唔關你事。
    諗諗下你都係delete咗個post,繼續碌人民日報。出面開始落雨,啲雨打落窗到。噠,一聲,噠噠,兩聲。
    幾似血。
    噠噠噠噠噠噠噠噠噠噠噠噠噠噠噠噠噠噠-
    .
    命運就算顛沛流離
    命運就算曲折離奇
    命運就算恐嚇著你做人沒趣味
    九十度鞠躬。
    「允行,这次第几次迟到了?」
    「对不起领导」
    「对不起?你对得住这次企划吗?」
    「对不起领导,我对不住这次企划」
    「你记得吗?大湾区国家战略的发展范畴」
    「是的。公司负责的是建设国际科技创新中心」
    「那你也该知道上面给我的压力吧」
    「对不起领导」
    「你知道现在一张香港大学的毕业证书值多少钱吗?。切,还是个读哲学的,你的证书算是负资产了吧。要不是见你后来再去复旦读了个博士学位……你知道外头有多少北大清华的在等吗?」
    「给我滚出去干活」
    老細個落地玻璃窗可以望到好遠,好遠有條青青地嘅線,嗰條線就係香港。你企返直個人,呆一呆,又諗返起嗰日打機啲野。
    個頭好痛
    你轉身行返去自己位做野。
    .
    你打字。噠。噠噠。
    「中路啊落返中路啊」
    「呢邊就嚟爆到座塔喇屌」
    「仆街搞唔掂啊」
    噠噠噠。
    「邊個啊咁撚吵嘅」
    「……」
    「允行......」
    「喂你lag機啊唔郁嘅」
    「佢地嚟喇……」
    有啲野壓咗落個keyboard到
    「喂」
    噠噠噠噠噠噠噠噠噠噠噠噠噠噠噠噠噠噠
    你好似好耐都無發過夢。你乜都醒唔起。

    .
    Lunch break你行出公司。太陽未出返嚟。一路忘記,一路乞討生活嘅權利。今日天氣真係麻麻,成個天都係紅色。
    .
    你不斷發同一個夢。你跑緊。無開首,無結尾。同今日一樣,個天都係紅色。你不斷咁跑,然後你停低。仲有好多人都跑緊,你企喺路中間就好似障礙物咁。你見到一枝紅色嘅旗,旗上面有五粒星。你撻著火機,燒咗枝旗。火嘅紅、旗嘅紅同天空嘅紅慢慢融為一體。然後你拎住枝旗桿行去太古廣場上面,舉高佢。

    你嗌「香港獨立」。 無人應你。連喘氣聲都無。

    街道已經開始染成紅色。紅色嘅公路。紅色嘅人。紅色嘅國旗。全部都係血。

    有人話,人係會死三次。直到被全世界忘記,先係真正嘅死亡。我諗......革命都係一樣。又或者,你已經無得再選擇記起。
    .
    你只係記得紅色。你只係唔記得紅色。

    #唔知呢啲轉載嘅非學術文章擺喺邊區呢
    #我唔想香港變成咁:(

  • Admin

    小說應該算「創作台」?

  • Citi @XsDen

    @XsDen Mod可唔可以轉台或者加tag?

  • Admin @恆智德

    @恆智德 你有冇主題工具箱可以移動主題?

  • Citi @XsDen

    @XsDen 睇唔到 主題工具箱衹能夠喺自己發表的主題度揾到

  • Citi @XsDen

    @XsDen 見到啦,原來係底底

  • @ashes

    @ashes短篇小說《紅日》by香港獨立學社資訊頻道 入面講:

    周街人都用緊最新型號嗰隻華為,十個鏡頭,上年屌打咗蘋果搞到佢執笠。中關村發展越嚟越發達,矽谷出現歷史大危機,美國應該都就嚟收皮。中國已經成為世界第一大強國,你仲用緊Apple機。其實唔夠in。手機彈咗條message出嚟,淘寶確認支付訊息,好彩今日訂完部華為新機聽日就送到屋企,國家已經知道曬我地每個人住邊。你㩒確認。寄送至—
    .
    往罗湖的列车现在到站
    The train for Lo Wu is approaching
    .
    你望向車廂外面,個天暗暗地,講唔上係藍,但又唔係黑,反而有小小紅。你影低,Caption寫咩好呢...
    「喜茶真有你的
    芋泥波波鲜奶里没有波波
    我不配拥有波波吗......」

    呢段描寫真係犀利 :golden-adore: :golden-adore:

    The train for Lo Wu 可以改下:The train for Luo Hu

  • @ashes

    @ashes短篇小說《紅日》by香港獨立學社資訊頻道 入面講:

    你不斷發同一個夢。你跑緊。無開首,無結尾。同今日一樣,個天都係紅色。你不斷咁跑,然後你停低。仲有好多人都跑緊,你企喺路中間就好似障礙物咁。你見到一枝紅色嘅旗,旗上面有五粒星。你撻著火機,燒咗枝旗。火嘅紅、旗嘅紅同天空嘅紅慢慢融為一體。然後你拎住枝旗桿行去太古廣場上面,舉高佢。
    你嗌「香港獨立」。 無人應你。連喘氣聲都無。
    街道已經開始染成紅色。紅色嘅公路。紅色嘅人。紅色嘅國旗。全部都係血。
    有人話,人係會死三次。直到被全世界忘記,先係真正嘅死亡。我諗......革命都係一樣。又或者,你已經無得再選擇記起。
    .
    你只係記得紅色。你只係唔記得紅色。

    睇多幾次仲係好震撼 :hkgxm-shocking_r: :hkgxm-shocking_r:

  • @訪客

    @毒楞 喺 短篇小說《紅日》by香港獨立學社資訊頻道 入面講:

    仲有好多人都跑緊,你企喺路中間就好似障礙物咁

    仲有好多人都跑緊,不過你就成碌杉噉戙響路中間

  • @ashes

    @ashes短篇小說《紅日》by香港獨立學社資訊頻道 入面講:

    然後你拎住枝旗桿行去太古廣場上面

    然後你揸實枝旗桿行去太古廣場上面

    「拎住」有啲求其,「揸實」就畀多兩錢肉緊