黃藍絲其實係歷史遺留問題

[舊使用者]

主流論調認為黃藍絲陣營係雨傘運動之後出現嘅產物，但其實我覺得係英殖時代左右派陣營嘅歷史遺留問題，大家同唔同意？

香港有三種阿叔同報紙，有啲阿叔睇咗幾廿年蘋果係天然黃，有啲阿叔睇咗幾廿年東方係天然藍，又有啲阿叔睇咗幾廿年明報，佢哋有啲變咗藍有啲變咗黃。

當然另一方面，雨傘運動令到好多後生仔同細路由政治冷感中覺醒，佢哋先係黃絲陣營嘅主力。

[pk鄧]

我認為最早嘅藍絲係共產黨統治中國後已經出現，好明顯嘅例子就係60、70年代時期，中國係本土發動文化大革命，同時向外國輸出革命同埋意識形態，好多東南亞國家都受到共產主義嘅侵蝕，包括英治時期嘅香港，葡治時期嘅澳門，當時香港政府貪污橫行，底層民眾生活困難；加上全球政治環境的影響（去殖民化），以及港英高層和香港基層華人市民缺乏溝通，導致市民對政府的怨氣加深，係中共嘅滲透煽動下，一班親共左派人士及其支持者發動咗67暴動，其中受到中共控制嘅工聯會就有參與在其中，而呢d左派親共人士及其支持者，就係我認為最早嘅藍絲

[惠福路人]

睇工商日報嘅算點
兄台，蘋果90年代先有嘎咋。
親共與反共嘅界線，六七暴動之後就劃清啦。