優酷騰訊等主流平台跟影視公司簽買賣版權合約時新增條款，指明港台藝人須保證10年內不會因政治取向遭大陸封殺如有違約平台有權追討，變相封殺港台藝人

[惠福路人]

https://hk.appledaily.com/entertainment/20200429/LFC4MEAOZNUE3ULQB3DZ4H7RYY/

【十年愛國保證】電影工作者總會會長田啟文︰對影業生態好大危險
1小時前

大陸官方對香港思想操控日漸嚴重，對涉及意識形態的娛樂事業更非常重視，早前已口頭通知各大影片平台及影視公司，只要不是無可取替的香港、台灣幕前幕後人員，若沒有表態是愛國者，盡量不要採用。近日優酷、騰訊及愛奇藝等幾個主流平台，跟影視公司簽買賣版權合約時，新增了一項條款，指明參加演出的香港或台灣藝人，必須保證10年內不會因政治取向遭大陸封殺，如有違約，影片平台有權追討賠償，變相封殺港台藝人。

電影工作者總會總會會長田啟文今日接受《蘋果》訪問時表示要先去引證消息，他說︰「10年梗係好大件事，嚟緊邊個會知發生乜嘢事，你話兩三年仲容易。而家啲合約已經寫明部戲上畫前後兩年藝人都咪出事，都叫有個譜。」田啟文認為若是屬實會令部份港台藝人失去工作，他相信類似的條款未必是官方授意，只是有人揣摸上意︰「對我哋成個生態好大危險，因為製作公司或者投資公司，為免麻煩佢哋咪唔用香港藝人囉。」他透露現時開戲前都會為劇中演員向有關當局報備，看是否可聘用︰「會話呢個冇問題又或者呢個唔用得，但就唔好問點解嘞。」

[舊使用者]

這等行爲原則上我是反對的

但是放在現實上我是支持的

少的吃兩碗飯走中間綫既仆街未必唔係好事

越封殺，咪越多人加入主動或者被動的加入民主自由的陣營咯

[赏花杏仁露]

啱啦，逼住分兩邊企，唔柒使D仆街食兩家茶禮食得咁過癮，
香港咁大件事唔幫拖，偷偷賺人仔咁疏肝吖拿！

[恆智德]

好事來，反正港台以前就經常往來，兩邊藝人都經常有交流

由台灣過來香港發展嘅，有林青霞、王祖賢、葉倩文、甄妮等
由香港去台灣搵食嘅，有王傑、邰正宵等

林憶蓮、鄧麗君更加係兩地通殺

而家重拾傳統，分分鐘逼返港台同盟出來

再者，無得去大陸搵快錢，都會逼住班人落力打磨，爭取返本地觀衆

[pk鄧]

騎牆嘅空間越來越少，逼住藝人歸邊，一係做何韻詩、杜汶澤呢類，一係做譚詠麟、成龍呢類，以後仲可能會得寸進尺，來大陸發展就要愛黨愛習大大。

但係都未必完全係壞事來嘅，佢地咁樣做，對於我地來講，可以徹底分清邊d藝人係奶共cap水，以後來大陸發展嘅藝人，都可以被認為係奶共藝人，可以杯葛。對於藝人同埋娛樂公司來講，有d藝人或者娛樂公司選擇歸邊港台，唔使再迎合大陸同埋中共口味，整埋曬d唔鬼唔怪嘅合拍片之類嘅嘢，反而可能催生出本土創作，有翻港台味，質量都會翻上去，咁樣都唔錯啊

[OnO]

共產黨撑唔撑到10年都係一個問题

[chiang]

10年? 共匪仲有冇10年命都係問題.