原來袁弓夷個妹夫係紅二代

[恆智德]

https://www.youtube.com/watch?v=AbMThLWJvxs
「文革死囚-張郎郎」第22集，講述 張郎郎 80年代初同 袁弓夷 細妹袁衛拍拖，頂住袁家壓力結婚，並移民去香港闖蕩，從中央美院教書先生一下變成電子錶sales佬。

據張郎郎講述，袁家40年代向上海做相機器材生意，擁有南京路上最大嘅相機檔。五幾年袁弓夷個老豆帶埋渠同家姐去香港采購，點知無幾耐上海搞公私合營（而家狼振英日日數蘋果廣告，個陣上海市長陳毅日日問有幾個「空降兵」，即係有幾個資本家跳樓），一於留向香港，個老婆同細女就攋低向大陸。

袁弓夷改革開放之後去北京做生意，對葉家有求必應，同葉劍英幾個侄都傾得埋。袁家後來捐咗條生產綫畀廣州電子錶廠；作爲交換，袁家姐妹同老母先可以移民去香港一家團聚。

[恆智德]

順便簡介下張郎郎：標準「紅二代」，43年延安出世，父親張仃係畫家、國徽和政協會議會徽設計者、中央工藝美術學院創辦人、擔綱過開國大典總設計；母親陳布文係著名記者、作家，曾任周恩來嘅機要秘書。

文革時因爲講江青笑話被全國通緝，畀人砌咗三條罪名：「惡毒攻擊中央首長」（講江青笑話、傳播小道消息）、「裏通外國」（和一些法國留學生聊天）、「陰謀叛國投敵」（曾想留學法國學習西方藝術史），兩次被判槍斃，多次被當成死刑犯遊街批鬥，因爲周恩來話要留生口先保住一命。68年10月開始貓監，直到1977年12月31日先獲假釋。