順便講下個人對xsden嘅睇法+建議

[FreedomHash]

既然重新嚟xsden開咗幾個po，順便講下我對xsden有咩睇法+點解唔成日上水。

xsden吸引我嘅地方，一開始係唔使留資料註冊並以此爲賣點（見到過嚟睇下），定位做粵語人討論區比較特別，其它討論區唔係面向香港就係面向廣東。

最近一次上水，見到admin新整咗「粵語」作爲語言選項，呢度應該係我除咗粵文維基之外見到嘅第一個喺界面同提示用粵語嘅網站。香港嘅網站界面基本都係用返「書面語」。

講下我點解唔成日上水，喺另一個po @恆智德 講過係認爲每次上首頁內容都冇咩大變動，冇咩留言嘅慾望。詳細啲講，我覺得係xsden嘅時事台冇咩新嘢睇。玩得匿名網，就係貪可以講啲politically incorrect嘅嘢而唔使擔心現實中要負責任，比如話討論時「煽動顛覆國家政權」、發起「有機會犯法」嘅線上、線下行動。

有幾次留意到有熱點新聞，xsden係一個po都冇，比如96遊行我之前一個po都冇。我考古xsden嗰陣留意到品蔥（xsden一啲匿名相關嘅理念應該係參考佢哋？），一個粵語討論區講香港新聞仲少過佢哋 。

新規則Citi可以覆所有po，但係正式會員唔出多啲都係引唔到人過嚟。

希望以後xsden uid三位數citizen ac可以賣到三位數

@Admin 賣完之後pm你，即ban撚狗，收益捐基金

[恆智德]

新人早就開放權限可以可以覆所有po，不過衹能向新手區開po

其實主要都係人少，跟唔到太多時事
我個人來講又傾向瞭解前文後理再出po，所以顧唔到太多

[FreedomHash]

@恆智德 頭條之類見到冇可以轉住先，新聞一般唔會怪做影印機 。

新人唔可以開其它佢我個人理解係保證首頁內容質素，咁見到新人出高質po， @GMod 可唔可以幫手轉區？

[恆智德]

@FreedomHash 絕對無問題，早就講過可以轉區

[XDen]

此回覆已被刪除！

[恆智德]

其實就係大家少留言
按發帖數計，前二十有兩個admin，兩個唔來玩，兩個被ban，
仲有好多成日失蹤

而家仲活躍嘅唔使兩隻手就數完

[BBQ]

我自己本身喺其他forum都係cd-rom多，係哩到就係見到post有意思就回下，如果望唔到有乜特別就閃。
發帖對我唻講，一係用唻問問題搵答案，一係就用唻開心share。因為哩到人太少嘅關係，我個人覺得serve唔到哩兩個function，所以好少開袩。
回袩嘅話如果咁岩見到都會回下。。。。但又返去少人開袩少嘅問題。。。

[XDen]

@恆智德 喺 順便講下個人對xsden嘅睇法+建議 入面講：

絕對無問題，早就講過可以轉區

咁見到新人出高質po， @GMod 可唔可以幫手轉區

之前舊制就話轉咗區新人覆唔到，依家所有人都可以覆，可以主動轉下「新手區」入面啲新topic？

相當於GMod爲新人內容背書

[jama2020]

我諗主要喺宣傳不足
希望多啲人流啦

[親衛隊]

振興時事台 ？

[Rehk]

@親衛隊 咁要勤力搬運新聞😂