廣東人出聲！

[海印市民]

廣東發展長期領先中國。廣東經濟總量自1989年起一直係全國第一。2019年廣東經濟同全世界國家比，可以排到第13名，高過澳洲、瑞士。廣東人口超過一億。廣東每年交稅全國最多。廣東社會發展最開放，最能夠接納新鮮嘢。呢啲事實，有邊個夠膽否認？
之但係，咁發達、開明嘅廣東，點解喺政治上，冇自己一把聲？莫講中國政府，就連廣東政府，都冇廣東人話事！廣東各市政府，都大把外省人！
廣東係廣東人嘅廣東！廣東政治，由廣東人話事，理所當然！

廣東人，出聲！

歷史上，廣東先賢輩出，由鄭觀應到康有為梁啟超，由同盟會到國民黨，幾多先人為咗自由而奮戰一生。點解今日嘅中國政治，廣東人反而消聲匿跡？歷代廣東人追求嘅自由平等公義嘅社會，今日去咗邊？

廣東人，出聲！

廣東人，出聲！

廣東人，發表你嘅政見！

廣東人，唔好做鵪鶉，俾人代表你！

[海印市民]

呢篇投畀X登嘅徵文活動，恭請各位斧正。

[海印市民]

數據來源 https://finance.sina.com.cn/china/2020-01-15/doc-iihnzhha2551937.shtml

[Drdoom]

唔好意思，我嘅人文歷史觀同你相對。但你寫嘅嘢可能啱粵人口味。

康梁同國民黨先賢都係粵人嘅叛徒，佢哋逐鹿中原犧牲粵人利益，得到嘅係喺國共歷史書上一個符號。而佢哋阻礙粵人應有嘅民族認同，使其成為中華嘅次等族群，畀撈頭合法殖民粵地提供合法條件，為粵人之恥。
切記粵地係中國嘅殖民地，只有撈頭總督黨委，從無粵人民選省長。我粵從唐開始就係經濟發達，民眾富庶，不因某個皇帝或那個政黨出臺聖諭或政策。反而中原屢屢頒佈海禁，閉關鎖國，打壓經濟，逼遣粵人於祖地，流亡海外唔講，苛捐雜稅，種族歧視之餘仲有系統噉消滅粵人文化。它日撈共滅亡若能一夜回到解放前，廣州就係東亞同南亞嘅一大城市，經濟多樣性同GDP遠超香港幾個馬鼻。
我阿爺係我阿爺，撈共逼死我太公，搶走隻燒豬，割一細塊燒豬皮畀返我，就想扮係我阿爺！吃屎啦。

[海印市民]

@Drdoom 在 廣東人出聲！ 裡說：

唔好意思，我嘅人文歷史觀同你相對。但你寫嘅嘢可能啱粵人口味。

康梁同國民黨先賢都係粵人嘅叛徒，佢哋逐鹿中原犧牲粵人利益，得到嘅係喺國共歷史書上一個符號。而佢哋阻礙粵人應有嘅民族認同，使其成為中華嘅次等族群，畀撈頭合法殖民粵地提供合法條件，為粵人之恥。
切記粵地係中國嘅殖民地，只有撈頭總督黨委，從無粵人民選省長。我粵從唐開始就係經濟發達，民眾富庶，不因某個皇帝或那個政黨出臺聖諭或政策。反而中原屢屢頒佈海禁，閉關鎖國，打壓經濟，逼遣粵人於祖地，流亡海外唔講，苛捐雜稅，種族歧視之餘仲有系統噉消滅粵人文化。它日撈共滅亡若能一夜回到解放前，廣州就係東亞同南亞嘅一大城市，經濟多樣性同GDP遠超香港幾個馬鼻。
我阿爺係我阿爺，撈共逼死我太公，搶走隻燒豬，割一細塊燒豬皮畀返我，就想扮係我阿爺！吃屎啦。

所以我咪冇寫孫中山咯
梁啟超我覺得都ok嘅，佢政治生涯得嗰三十年都冇，多數時間都唔關廣東事，而佢本人嘅政治立場似乎傾向於自由主義多d。康有為就真係

我數d人名，實在係冇其他人好數，我都唔想數國民黨，之但係中共國之前嘅風雲人物個個都係國民黨呢。

我只係想表達一樣嘢。廣東人由晚清開始，排滿、共和、抗日，打生打死幾十年，唔係要依家呢個噉嘅社會、政治制度。我感覺呢樣嘢稍為可以求到少少共鳴，從呢個角度出發啫。

如果係問我本人立場，我都唔想講歷史。歷史同未來嘅願景可以完全唔laa1 gaang1。粵人治粵就係粵人治粵，粵獨就係粵獨，往日係點根本唔緊要。

[海印市民]

@Drdoom 中國人（包括廣東人）個文化呢，講理論、思辨嘅能力好鬼差，所以要同佢哋講道理呢，包括佢哋自己講嘢都係嘎，成日要講「歷史」，攞歷史來撻人。

噉所以我諗住寫d易入口易消化嘅文呢，就循呢個角度，講歷史，廣東先人追求嘅同而家南轅北轍。奢望噉樣可以扑醒一班人，「你阿爺打生打死，今日你俾人搵笨，都仲要認賊作父？」

[RAM友]

@海印市民 諗起汪精衛。細個聽長輩講佢隻身刺殺慈禧既故事，話佢好醒，大個先知俾後人評為漢奸。佢大中華主義得嚟Buy埋大亞洲主義，呢段錄音屌鳩共產黨賣中國俾蘇聯
https://youtu.be/erc6PeLpyA0

[Rehk]

@RAM友 我好欣賞汪精衛，佢評價咁差絕對係因為國民黨同共产党都好憎佢

[RAM友]

@Rehk 所以我以前最憎讀近代中史，因為啲版本仲亂過明星八卦，教科書同口述史可以完全相反

[Wetdiet]

@RAM友 近代中史好多野俾中共隱去左，灌輸中共意識形態主導既史觀，英雄史觀根本一啲都唔唯物史觀，但又成日灌輸烈士意識，例如雷鋒、董存瑞等。個人祟拜就更唔駛講，簡直已經唔唯物到極。仲有名左實右，左派應該係追求民主同自由既，而中國自稱既左派係支專制同個人祟拜，打壓異見份子。

[RAM友]

@Wetdiet 我個年代仲係讀緊國民黨史觀（暴露年齡 ）不過除左國共之爭以外，佢地係share同一套史觀，所以嚟嚟去去都係嗰幾味。

[Rehk]

@Wetdiet 其實我香港讀嘅國民黨史觀都係好有問題

[Rehk]

我認為近代史中袁世凱同汪精衛二人嘅評價都幾失實，可以話係被抹黑