唔信你未寫過甜故
:lm2lny-nosee:
[選項故]七級遊戲直播
-
大家好，歡迎收睇七級遊戲直播！
呢個係專門搵啲法律制裁唔到嘅罪犯參加私了遊戲，畀罪犯自己自相殘殺，諗起都興奮啊！
七級遊戲係要玩家由B7開始順利通過七層上到G樓並且順利離開為止勝利。每一層都有唔同嘅罪犯做層主，殺人犯、強姦犯、欺詐犯......無論係人類定妖魔鬼怪都有。佢哋嘅任務都只有一個，就係殺咗玩家。
當然，玩家都可以反殺層主取代佢嘅位置。一但成為咗新嘅層主就唔可以再離開呢度，都唔可以隨便去其他樓層同攻擊其他層主。
罪犯冇權利反抗，反抗嘅都要死
！長氣說話唔多講喇，大家睇落去就明，我哋即刻開始遊戲喇！
-
啪！
突如其來嘅強光照住我塊面，令我一時間擘唔大對眼。
「知唔知點解你會喺度啊？」對面嘅男人用強硬嘅語氣問我。因為背光，令我睇唔清佢嘅樣。
「我都話唔知！」我其實係知道原因，但唔可以講出嚟。心情好複雜，有唔甘心、有失望、有無奈......
「唔認罪唔緊要，我有方法令你呢啲渣滓受到應有嘅制裁。」男人嘅面瞬間伸到我面前，令我睇清佢嘴角勾起惡劣嘅笑容。
「吓！」
我被惡夢嚇醒，雖然知道只係一個夢，但係心跳依然好急速。
「呢度係邊度？」啱啱瞓醒嘅我好迷惘，我喺一個全黑嘅環境，睇唔到任何嘢，好恐怖。
「媽咪！爸爸！」
冇人答我，四圍只係得我嘅回音喺度回響。
手無意中掂到一舊硬嘅嘢，嚇咗我一跳，我即刻將佢用力掃開。
叮！
被我掃到角落頭嘅電話收到一條msg，螢幕透住微弱嘅光線。
我決定：
- 發夢啫，嚇我唔到嘅！一於繼續瞓，瞓醒就冇事。
- 行過去拎起電話報警。
- 檢查吓周圍地方先。
-
繼續訓 -
- 發夢啫，嚇我唔到嘅！一於繼續瞓，瞓醒就冇事。
。。。。。。
發夢啫，嚇我唔到嘅！
雖然已經唔覺眼瞓，但我都堅持繼續瞓。
當我再一次擘大雙眼，我依然喺呢個黑蚊蚊嘅地方。
我決定：
- 發夢啫，嚇我唔到嘅！一於繼續瞓，瞓醒就冇事。
- 搵電話報警。
- 檢查吓周圍地方先。
-
2 報狗
-
@薯皮 喺 [選項故]七級遊戲直播 入面講：
- 發夢啫，嚇我唔到嘅！一於繼續瞓，瞓醒就冇事。
。。。。。。
發夢啫，嚇我唔到嘅！
雖然已經唔覺眼瞓，但我都堅持繼續瞓。
當我再一次擘大雙眼，我依然喺呢個黑蚊蚊嘅地方。
我決定：
- 發夢啫，嚇我唔到嘅！一於繼續瞓，瞓醒就冇事。
- 搵電話報警。
- 檢查吓周圍地方先。
3
-
我想三級劇情多啲
-
- 搵電話報警。
。。。。。。
我小心噉行近電話，想將佢拎起報警。
“請輸入玩家姓名：”
電話螢幕除咗出現咗一行字之外，撳其他地方完全冇反應。
玩家？係咩意思啊？
我又係邊個？
我個腦一片空白，唔記得自己係邊個，唔記得自己嘅家人，都唔記得自己係點樣嚟到呢度......
透過電話光線勉強睇到自己嘅左手戴住一條手工唔太靚嘅彩色手繩，上面繡咗一個字。
「遙......」
我啱啱講完，喺我前面嘅燈就一個個順序噉著。喺橙光之下，我終於可以睇清周圍。前面只有一條長直嘅走廊可以行，而走廊嘅盡頭係一部殘舊嘅貨𨋢。
走廊牆上面掛曬唔同人嘅大頭相，唔知係咪我嘅錯覺，總覺得佢哋對眼全部都好似望住我。天花每隔幾米都吊住一個CCTV，鏡頭對準我，被監視住嘅感覺令人好唔舒服。
“姓名已確定，請問玩家 遙 是否要進入遊戲？”
我決定：
- 是
- 否
- 無視佢嘅問題，仔細檢查啲大頭相。
-
@攬鈔鈀會變自炒疤 我嘅故都係兒童台
-
@薯皮 喺 [選項故]七級遊戲直播 入面講：
- 搵電話報警。
。。。。。。
我小心噉行近電話，想將佢拎起報警。
“請輸入玩家姓名：”
電話螢幕除咗出現咗一行字之外，撳其他地方完全冇反應。
玩家？係咩意思啊？
我又係邊個？
我個腦一片空白，唔記得自己係邊個，唔記得自己嘅家人，都唔記得自己係點樣嚟到呢度......
透過電話光線勉強睇到自己嘅左手戴住一條手工唔太靚嘅彩色手繩，上面繡咗一個字。
「遙......」
我啱啱講完，喺我前面嘅燈就一個個順序噉著。喺橙光之下，我終於可以睇清周圍。前面只有一條長直嘅走廊可以行，而走廊嘅盡頭係一部殘舊嘅貨𨋢。
走廊牆上面掛曬唔同人嘅大頭相，唔知係咪我嘅錯覺，總覺得佢哋對眼全部都好似望住我。天花每隔幾米都吊住一個CCTV，鏡頭對準我，被監視住嘅感覺令人好唔舒服。
“姓名已確定，請問玩家 遙 是否要進入遊戲？”
我決定：
- 是
- 否
- 無視佢嘅問題，仔細檢查啲大頭相。
3
-
@薯皮
2 否 -
-
@薯皮 喺 [選項故]七級遊戲直播 入面講：
- 搵電話報警。
。。。。。。
我小心噉行近電話，想將佢拎起報警。
“請輸入玩家姓名：”
電話螢幕除咗出現咗一行字之外，撳其他地方完全冇反應。
玩家？係咩意思啊？
我又係邊個？
我個腦一片空白，唔記得自己係邊個，唔記得自己嘅家人，都唔記得自己係點樣嚟到呢度......
透過電話光線勉強睇到自己嘅左手戴住一條手工唔太靚嘅彩色手繩，上面繡咗一個字。
「遙......」
我啱啱講完，喺我前面嘅燈就一個個順序噉著。喺橙光之下，我終於可以睇清周圍。前面只有一條長直嘅走廊可以行，而走廊嘅盡頭係一部殘舊嘅貨𨋢。
走廊牆上面掛曬唔同人嘅大頭相，唔知係咪我嘅錯覺，總覺得佢哋對眼全部都好似望住我。天花每隔幾米都吊住一個CCTV，鏡頭對準我，被監視住嘅感覺令人好唔舒服。
“姓名已確定，請問玩家 遙 是否要進入遊戲？”
我決定：
- 是
- 否
- 無視佢嘅問題，仔細檢查啲大頭相。
- 是
-
@親衞隊 我真係冇寫過
，就算寫都係玩玩吓 -
- 無視佢嘅問題，仔細檢查啲大頭相。
。。。。。。
我無視佢嘅問題，仔細檢查牆上面嘅大頭相。大頭相男女老少都有，我行到邊，佢哋黑色嘅眼珠都會跟住我嘅方向轉。
每張相嘅下面都有啲唔知係血定紅油嘅嘢，好似為咗遮住某啲字。我喺衫袋拎手巾仔嚟擦吓佢，睇清楚啲字。
「你好似對啲相好有興趣喎。」電話畫面突然出現一個戴住恐怖面具嘅男人打斷咗我嘅動作，佢
「嗯！」我認真噉點頭。
男人都係第一次見噉淡定嘅玩家，一時間都有啲嚇窒咗。
「嗯......啲車頭相真係好核突，而且好恐怖。」我皺一皺眉，講出自己心底話。
「哈哈......佢哋都係一啲通關失敗玩家，你個樣生得噉得意，張相放埋上去一定好靚。」男人一邊講，一邊發出令人唔舒服嘅笑聲。
我決定：
- 作為一個有禮貌嘅小朋友，講咗多謝先。
- 「好啊，勾手指約定好喇」
- 問佢「通關成功嘅相放喺邊？」
-
- 遙遙好有禮貌㗎
- 遙遙好有禮貌㗎
-
-
@親衞隊 呢個係假嘅
-
- 作為一個有禮貌嘅小朋友，講咗多謝先。
。。。。。。
「唔洗喇，多謝你......你係邊個？」我冇興趣掛呢啲車頭相，但作為一個有禮貌嘅小朋友，多謝咗先實冇死。
「初次見面，我係呢個遊戲直播嘅主持，而你就係遊戲玩家。」主持見終於返到重點，語氣有啲興奮。
「你好......咩遊戲？我唔明......」我問。
「 噉我就破例重複多次喇，順便畀新嚟嘅觀眾聽吓遊戲規則。」主持嘅語氣令四圍恐怖氣氛減弱唔少。
「觀眾？」
「係！各位觀眾同玩家 say 聲 hi 先啊！」佢撳一撳枱面一個掣，畫面嘅右邊就出現咗無數嘅留言，每秒鐘不停增加同更新。
“醉愛夢魔姐姐：小妹妹hi ！今次呢個玩家噉細個都有嘅，夠十歲未啊？
真一女朋友：唉，好似得十一咋，真係慘......
白花油：樓上成班左膠！唔好見佢細路女就同情佢，嚟得呢度玩遊戲嘅都係啲殺過人嘅社會渣滓！
墜天地獄獸：真！就噉放過佢將來一定殺更多人。”
男人再撳一吓掣將顯示嘅留言區熄咗，然後對我講：「呢個係一個網絡直播嘅節目，叫「七級遊戲直播」。專門搵啲法律制裁唔到嘅罪犯參加私了遊戲，所以好受歡迎。」
「我係罪犯？」我用手指指住自己，我依然唔太信佢所講嘅說話。
「係！玩家 遙 ，十一歲。用極殘忍嘅方式殺死自己同學嘅爸爸，因為未夠秤都冇足夠證據，所以冇受任何制裁。真係一個恐怖嘅細路......」主持睇一睇手上嘅資料，講出我嘅「犯罪事蹟」。
腦海一殺那閃過一個血腥嘅畫面，快到自己都捕捉唔到，我頭痛噉拍一拍額頭。
我決定：
- 「我冇做過！」我唔信自己會做呢啲事。
- 「對唔住......」雖然唔知自己有冇做過，但認咗錯先。
- 「我點解要噉做？」我追問落去。
-
- 遙遙乖女嚟㗎 ！
-
-
- 「我冇做過！」我唔信自己會做呢啲事。
。。。。。。
「我冇做過！」我心理上唔敢相信自己會做啲噉嘅事，但腦海一殺那閃過嘅血腥畫面又係咩事呢？
「真係厚面皮......如果你肯認嘅話，我會考慮吓喺之後嘅關卡畀多少少提示你。」主持鄙視嘅語氣令我覺得好唔舒服。
「唔洗！」我信唔過眼前呢個詭異嘅主持同所謂嘅遊戲節目。
「嗯......噉算喇......」主持再一次畀我搞亂咗佢計劃中嘅劇本同對白，聽佢嘅語氣可以聽得出佢有啲失望。
「講返正題先，七級遊戲係要玩家由B7開始順利通過七層上到G樓並且順利離開為止勝利。每一層都有唔同嘅罪犯做層主，殺人犯、強姦犯、欺詐犯......無論係人類定妖魔鬼怪都有。佢哋嘅任務都只有一個，就係殺咗你。」主持喺自己後面打開投影，仔細解釋。
我......會死？
「妺妺你唔洗噉驚喎，都有方法可以唔通曬七層都唔洗死嘅。」主持用溫柔嘅聲線安慰我。
「係咩？」我對佢嘅答案有種不詳嘅預感。
「就係反殺層主，取代佢嘅位置。一但成為咗新嘅層主就唔可以再離開呢度，都唔可以隨便去其他樓層同攻擊其他層主。」果然，佢講出令我心寒嘅方法。
我決定：
- 直接say no，我唔玩喇。
- 我唔可以死，我要反殺層主，盡快完咗個遊戲。
- 我要逃離呢個地方，唯有盡量避開層主。
-
1 我唔玩喇
-
[寫故]兼職講鬼故師
創作台 • 薯皮 • • 薯衛兵 • • 2 7 4031 -
隔咗噉耐，呢度都係得我一個寫故
創作台 • 薯皮 • • 薯衛兵 • • 3 3 1813 -
【講古仔】 樓主講古直播中
創作台 • 薯皮 • • 親衛隊 • • 3 85 13808 -
有冇人鍾意睇膠街架？
創作台 • 薯皮 • • 沙寧 • • 2 2 1757 -
香港言語治療師工會兒童繪本：《羊村十二勇士》
創作台 • 薯皮 • • XD • • 7 9 19988 -
我想將自己以前寫嘅故搬過嚟更新
創作台 • 薯皮 • • 舊使用者 • • 2 12 3090