邊啲算係「共產中文」？

[親衛隊]

由保衛蒙語運動諗起，類似「某族」呢種表達應該算係共產中文？因爲中共嘅民族劃分應該係師承自蘇聯。

好似「漢族」一詞，以前應該只會講「漢人」。

仲有「滿族」-- 「滿洲人」，「藏族」-- 「藏人」

[Rehk]

@親衛隊 應該唔算，清末已經有人提出相關概念，例如為推翻滿清而鼓吹漢族主義，立憲派就有多族共和，當然亦有梁啟超發明中華民族

[Rehk]

我對「共產中文」嘅定義比較狹義，認為官方發明又意義不明不知所云或指鹿為馬嘅新詞先算係，例如反動、民族資產階級、人民民主專制，另外當然唔少得各種中国特色XX

[Rehk]

另一方面，我認為數字命名都幾「共產中文」，例如一五計劃、三面紅旗

[恆智德]

http://www.guoxuedashi.com/search/?keyword=漢族&ys=AND&keyword2=&sub=全文检索&ys3=AND&keyword3=&ys4=AND&keyword4=&ys5=AND&keyword5=&sid=0&cid=0&ms=0

清末民初徐珂編撰《清稗類鈔》入邊大把「漢族」
有一篇就叫種族類

不過查二十四史就確實無「漢族」一説

注：第一個「漢族」爲校勘補注，似現代人手筆；其他「漢族」都指漢朝廷對某某滅族

[恆智德]

@Rehk 呢兩個都係簡稱，古往今來都有，唔算共產特色

[恆智德]

@Rehk 喺 邊啲算係「共產中文」？ 入面講：

反動

據説係和制漢語；呢個詞古已有之，指背道而馳，現代意義大概係逆潮流而動

《北齊書·楊愔傳》： 高歸彥 初雖同德，后尋反動，以疏忌之跡盡告兩王。

晚清好多社會科學書籍都係由日本人翻譯，翻譯時日本人將好多古漢語賦予現代意義，比如共和（周召共和）、革命（湯武革命）、社會（拜祭土地神的集會）；同時又用中文創造大量新詞，比如細胞、元素

詳見 https://zh.wikipedia.org/wiki/和製漢語 (Wikiless)

[恆智德]

首先應該定義究竟乜嘢係「共產中文」
我理解係「共產黨治下推行嘅劣質中文」，包括幾方面：

1. 西式中文：將英文逐字翻譯，使中文變得纍贅難明，如「熱烈歡迎」(warm welcome，歡迎)，「正面評價、負面評價」(positive/negative remarks，好評/稱贊、批評 )

2. 農民中文：中共幹部絕大多數係農民出身，自不然將農民話語帶入，如「真抓實幹」 「搞好經濟」；另一方面，農民讀書唔多，來來去去都係得幾句説話，比如「搬起石頭砸自己的脚」（自取其辱、玩火自焚、作繭自縛、自食其果、自作自受大把成語）

PS: 無話歧視農民，實際上粵語都大把市井俗語；不過中共呢班農民既自卑又自大，一味想排斥同改造知識分子，唔似粵語講究「三及第」同雅俗共賞

3. 革命中文：如「批倒批臭階級敵人」「奪取輿論陣地」「奪取脫貧攻堅戰偉大勝利」

[恆智德]

@恆智德 雖然「漢族」一詞要到清朝先出現，「漢人」就好早出現，最早見於《史記》入邊講楚漢相爭時蒯徹勸韓信自立爲王一段

今足下戴震主之威，挾不賞之功，歸楚，楚人不信；歸漢，漢人震恐：足下欲持是安歸乎？

而民族意義上的「漢人」其實來自周邊民族 (Wikiless)

中國上古史學專家許倬雲認為，在魏晉南北朝時「華夏人」開始出現「漢人」自我稱謂，而在此之前，「漢人」、「漢民」多為周邊國家對漢朝國民的稱呼

[Rehk]

@恆智德 中共版反動應該唔同意思

[Rehk]

@恆智德 數字命名好似係最出名嘅共產政權語法之一，師承蘇聯

[Rehk]

@恆智德 我個人唔同意「農民中文」係「共產中文」，粗俗還粗俗，稱唔上「共產」，甚至可以話係有方言性質

[恆智德]

@Rehk 我理解係「共產黨治下推行嘅劣質中文」

[恆智德]

@Rehk 睇點定義潮流
中共秉持馬克思列寧主義，認定共產主義係大勢所趨，所以反對共產黨就係反動派

[恆智德]

@Rehk 果然我估得無錯，孫文全集出現大量「反動」，下面摘抄幾例：

• 1924/09/24 致國際聯盟主席莫塔告英國首相麥唐納之矛盾行為電（譯文）：英國政府揚言，如我政府採取必要之措施，鎮壓帝國主義者和反動分子煽動的廣州叛亂，英國海軍將採取敵對行動。
  （1924年廣州商團 (Wikiless)係反動派，反對孫文軍政府北伐徵稅）
• 1924/09/10 為實現民治告粵民三事文：原革命之目的，在實現民有、民治、民享之國家，以獨立自由於大地之上。此與帝國主義，如水火之不相容，故帝國主義遂與軍閥互相勾結，以為反動。
  （帝國主義同軍閥係反動派，反對三民主義）
• 1924/04/20 三民主義：民權主義　第五講：因為他們要排除歐美的勢力，所以和八國聯軍打仗，當時所用的武器，便是大刀。要用大刀去抵抗聯軍的機關鎗和大礮，那種舉動，就是當時中國人對於歐美的新文化之反動，對於他們的物質進步之抵抗。
  （義和團係反動派，反對歐美先進文化）

[恆智德]

@Rehk 呢個談唔上語法，不過係政策簡稱
可以話體現共產黨計劃經濟思想，乜都要定目標

[恆智德]

@恆智德 以上係廣義「共產中文」
如果計狹義，即「共產主義」（馬列主義）+ 劣質中文，暫時恁到幾個：
走資派：走資本主義道路的當權派
貧下中農：貧農 + 中下農 (Wikiless)
人民民主專政 (Wikiless)：「對佔全國人口絕大多數的人民實行民主，對極少數敵對分子實施專政」；毛澤東認為，「人民民主專政」即「人民民主獨裁」，並將其解釋為「剝奪反動派的發言權，只讓人民有發言權」。

[恆智德]

@Rehk 無睇到我PS呢段？

無話歧視農民，實際上粵語都大把市井俗語；不過中共呢班農民既自卑又自大，一味想排斥同改造知識分子

[舊使用者]

其實分辨共產中文和正常中文非常簡單的。

1984有個概念叫做新話，共黨很喜歡發明一些新詞語，然後自己賦予它含義，這是語言污染的一種。

例如黨八股，新常態，側結構改革等等，一系列共產語法和詞彙，還有它的文風，其實都和正常中文有很大分別，大家多看看就懂了的

[恆智德]

@愛吃牛的小蚊子 黨八股幾形象，特指中共官樣文章
新常態來自New normal (Wikiless)？10年之前都有人講
「供給側結構性改革」係新詞，不過大家都明講緊乜，大概就係理順生產結構，提高生產效率

題外話，生產古時應該指生細路？和製漢語？

[舊使用者]

@恆智德 我覺得你不必要找古漢語拿來玩，這些詞語早已有之沒錯，但是匪幫很喜歡自己給它賦予一個意思（曲解它），這就出來一個新詞，雖然字面寫的一樣，但你國人對他的解讀卻很有共匪國特色，你看看黨八股，慢慢就懂了。

[恆智德]

@愛吃牛的小蚊子 講明和製，都係日本人帶頭先

[舊使用者]

@恆智德 共慘黨這個詞，就是從日語翻譯過來的啦~

（匪幫外國勢力實錘了）

[恆智德]

@愛吃牛的小蚊子 成個黨都全靠蘇聯扶植先捱到落去，人稱 盧布黨
不過清末民初無論邊一派（保皇、改革、革命），無外國勢力撐都玩唔落去

[舊使用者]

@恆智德 其實匪安法勾結外國這個罪名真的很可笑，以共匪的後清的天朝思維，當然是“普天之下莫非王土？”

哪裡有“外國”的概念呢？

自欺欺人真是可笑。

[親衛隊]

詞義唔應該祇睇佢嘅來源，「支那」就係典型例子

[Rehk]

@愛吃牛的小蚊子 很同意你的看法

[親衛隊]

😂吹水po最多人覆

[Rehk]

@親衛隊 有時見到好高深嘅語言學討論真係好難參與討論😂

[Wetdiet]

肅反，鎮反，人民民主專政，右傾翻案風，走資派，中必嬴，下大棋，我兔腹黑等，共產中國先有

[Rehk]

@Wetdiet 咁精神勝利法係自古以來，唔可以入共產中文數😂

[親衛隊]

「某某分子」嘅講法算唔算係共產中文？

知識分子、恐怖分子、港獨分子

中共好似好鍾意將一啲佢哋要貶低嘅人用「某某分子」嚟指代。

如果將「intellectual」譯作「知識分子」係文革呢個反智時代嘅產物，有貶義就一啲都唔出奇。

[親衛隊]

仲有「一次性交一年」