有「泛突厥主義」，有冇人搞過「泛百越主義」？

[親衛隊]

先是但搵中文維基兩個條目嘅內容。

https://zh.wikipedia.org/zh-hk/百越 (Wikiless)
https://zh.wikipedia.org/zh-hk/泛突厥主义 (Wikiless)

之前諗口號講過「自由東亞連線」， 如果搞到泛百越地區聯盟算唔算係基石之一？

[恆智德]

「百越」本身就係泛指，「泛」多此一舉
百越地區即係南方，包括兩廣兩湖兩江？

[親衛隊]

@恆智德 😜構詞法一致，如果加個「泛」，可以拉多啲人。好似「泛突厥」有啲國家都好牽強。

抄下維基：

古代百越部落的分佈區，北至北緯32度，南到北緯16度，西至東經94度，東到東經124度，其北與中原華夏文化相連，西北以巴蜀荊楚為界，西方以印度為鄰，東臨大海，南接中南半島，整個分佈呈半月形。從現代國家的地域觀點看，主要是中國的江蘇、浙江、江西、福建、廣東、廣西、雲南、貴州諸省區和越南、老撾、泰國、緬甸等國；從歷史的地域觀念看，他們卻是連成一片的，具有共同的地域。

[恆智德]

人哋「泛突厥主義」前提都要講突厥語，你個「百越主義」有乜共同基礎？湖南同湖北人都鷄同鴨講

[親衛隊]

@恆智德 突厥語族之間互通程度好高？

[恆智德]

@親衛隊 在 有「泛突厥主義」，有冇人搞過「泛百越主義」？ 中說：

構詞法一致

叫「泛越」就一致
「泛百越」有啲騎呢

[恆智德]

@親衛隊 在 有「泛突厥主義」，有冇人搞過「泛百越主義」？ 中說：

突厥語族之間互通程度

唔清楚，問語言專家 @Wetdiet

[恆智德]

@親衛隊 不過人哋咁寫，應該比較相通

泛突厥主義是用來抵抗泛斯拉夫主義，主張通過教育和文化自治，團結使用突厥語的民族。

[親衛隊]

@恆智德 咁講泛百越主義都可以攞嚟抵抗大中華主義，海洋民族vs農耕民族

[恆智德]

@恆智德 其實呢句説話都知「泛突厥主義」基於語言同文化認同，
而「百越」點睇都似種族認同

問題在於越人同漢人你睇樣分得出？更莫講漢越混雜已經過千年

[親衛隊]

@恆智德 😂如果攞百越故地同中原核心區比較，真係睇得出， 混血都有一半血

[恆智德]

@親衛隊 在 有「泛突厥主義」，有冇人搞過「泛百越主義」？ 中說：

海洋民族vs農耕民族

請問兩湖地區屬於海洋文明定農耕文明？雲貴呢？
中國歷史上似乎都無 海洋文明 一說，因爲皇權一路以來都打壓貿易

[親衛隊]

@恆智德 沿海係一直有走私傳統

[恆智德]

@親衛隊 真係唔明顯
恐怕都要測基因先知

[親衛隊]

😂講返個topic，有冇學者搞過類似嘅論述？

[親衛隊]

@恆智德 最直觀嘅，就係見到越南人會覺得睇樣似過北方人

[恆智德]

@親衛隊 在 有「泛突厥主義」，有冇人搞過「泛百越主義」？ 中說：

走私傳統 /= 文明，甚至難以成爲論述

如果你係要搵論述，中共幫你整定：海上絲綢之路

[親衛隊]

@恆智德 關事咩？

[恆智德]

@親衛隊 大佬，問題在於你而家針對中國南方人搞「百越主義」

[親衛隊]

@恆智德 百越 同 南方 唔完全對等？

巴蜀好似就唔係百越

[親衛隊]

@恆智德 應該係從長江口到泰國成條海岸線

[恆智德]

@親衛隊 關事呀，唐朝以來廣州同泉州都係所謂海上絲綢之路重要港口，17年中國仲將泉州申請世界文化遺產
https://zh.wikipedia.org/zh-hk/海上丝绸之路 (Wikiless)

[親衛隊]

@恆智德 「徹底征服」百越係漢武帝時嘅事，過咗好多年先唐朝....

海上絲綢之路有聯繫係想講人都喺嗰陣做生意先過去？

😂其實如果整「百越史觀」會唔會就同越南嗰套差唔多？

[恆智德]

@親衛隊 清兵入關時據説鏟平巴蜀，後來有湖廣填四川
兩湖地區屬於荊楚，唔算百越
所以巴蜀有百越成分，不過唔算百越地區

雲貴歷史上係夜郎國，百越部族中最大一支

福佬可能最少百越成分，保留最多中原血脈
比如07年有學者認爲，https://wenku.baidu.com/view/086e6d15f18583d049645958.html (Archive)
對潮汕人作基因分析都有相似結論，

父系中代表早期中原汉人的单倍群O3>85%
母系中，mtDNA调查显示分频与南方少数民族差异较大，与苗族分频较为接近，而与北方河南太行山汉族高度重合

[恆智德]

@親衛隊 海洋文明個講法係你提出先
我個人就覺得無乜説服力

[恆智德]

@親衛隊 在 有「泛突厥主義」，有冇人搞過「泛百越主義」？ 中說：

從長江口到泰國成條海岸線

wiki原文：從地域上睇，主要是中國的江蘇、浙江、江西、福建、廣東、廣西、雲南、貴州諸省區

其實都已經包含七八成個南方

[恆智德]

@恆智德 從最新發佈中國人基因測序來睇，福建人果然獨樹一格
中原同華北地區連成一大片，而南方有五個亞群，包括
東部沿海（兩江+安徽），湖北，福建，兩廣，其餘南方地區

汉族人群可显著分成七个亚群：北方汉族（北京、天津、河南、河北、山东、辽宁、吉林、黑龙江、山西），西北汉族（甘肃、陕西），东部汉族（江苏、浙江、上海、安徽），中部汉族（湖北），南方汉族（贵州、四川、重庆、湖南、云南、江西），东南汉族（福建）和岭南汉族（广东、广西）

[恆智德]

老老實實，咪話「百越」，就算「泛粵」「大粵」都難
廣府人同客家人、潮汕人語言唔通，文化唔同，
除咗一齊生活向廣東，其他真係唔知有乜共同點

應該有唔少潮汕同客家人至少識聽粵語，不過主要都係受TVB影響
而潮汕同客家人對廣府人影響又有幾大？

如果從經濟來睇，潮汕同客家地區一直都落後，得惠州好小小

總之從我個人所見所聞，真係睇唔出三個族群點樣可以撈埋

[恆智德]

@恆智德 原來大灣區就係廣東人均GDP前九名（都係所謂珠三角九市）+港澳

核心圈其實就係虎門出海口周圍，惠州江門肇慶向外圍，
七八九守門口

[恆智德]

原來廣府就係珠三角一帶（圖爲清朝時轄區）

[Drdoom]

泛**主義思想陳舊，應該多考慮現代國家型態。多啲講生意，經濟合作。

[Rehk]

@恆智德 我都覺得明顯喎，粵人多數雙眼皮眼大、鼻大而扁、嘴唇厚，同傳統中原人樣完全唔同

[Rehk]

@恆智德 海洋文明我就覺得一半半，即係海洋農耕文明各半，例如客家人農耕，水上人海洋。但中原就應該係九成九農耕文明。

[恆智德]

@Rehk 在 有「泛突厥主義」，有冇人搞過「泛百越主義」？ 中說：

海洋文明我就覺得一半半

中國有海洋文明，咪講笑
既然係文明，請問中國古代有無乜著名航海典籍？政府有無政策鼓勵？

有無聽過明清海禁 (Wikiless)？

明朝海禁時期規定人民不但「片板不許入海」，甚至民船造得稍大一些就是違法。《大明律》規定：「若奸豪勢要及軍民人等，擅造三桅以上違式大船，將帶違禁貨物下海，前往番國買賣，潛通海賊，同謀結聚，及為嚮導劫掠良民者，正犯比照已行律處斬，仍梟首示眾，全家發邊衛充軍。其打造前項海船，賣與夷人圖利者，比照將應禁軍器下海者，因而走泄軍情律，為首者處斬，為從者發邊充軍。」

順治十八年（1661年），清廷採納了黃梧的「遷界令」，將東南沿海居民內遷三十至五十里，村社田宅悉皆焚棄。康熙年間早期也曾多次重申海禁政策。

[恆智德]

@Rehk

1. 明顯與否有主觀判斷

2. 如果有中原人已經向廣東生活三四代，通曉本地文化，但仍保持中原人樣貌，你當佢邊度人？

3. 21世紀仲用種族概念來支持民族概念？Are you not kidding?

[親衛隊]

@恆智德

如果有中原人已經向廣東生活三四代，通曉本地文化

生活兩三代會唔會同本地人通婚？通婚就有混血。如果仲係純血係唔係玩種族隔離自封「天龍人」？

點解我要提「百越」對「華夏」，係因爲兩種血統其實同時存在，但因爲大中華政權嘅存在，就算世居嘅本地人都只會追溯自己嘅華夏來源而忽略百越來源。比如話改族譜攀附中原世家等所謂「漢化」行爲。諗下點解有人講「漢化」冇人講「越化」。

仲用種族概念來支持民族概念

唔單止係種族，仲有喺文化層面解構「華夏」，好似端午節就有講法係源自百越。如果建立返百越認同，咁「反北方殖民」就可以追溯到兩千幾年之前。

唔完全等同，但確立新嘅民族認同，血統上搵來源係其中重要嘅一部分。就好似台灣整國族認同都會特別強調原住民。喺如果成個族群層面，如果要強調同中原嘅唔同，百越血統嘅存在就好緊要。

[親衛隊]

@恆智德 在 有「泛突厥主義」，有冇人搞過「泛百越主義」？ 中說：

有無聽過明清海禁？

官方行爲=民間？如果英國人殖民河南100年，係唔係代表中原人屬海洋文明？

將東南沿海居民內遷三十至五十里

要內遷咪講明原先住喺度嘅人都有海上貿易傳統（如果冇使乜遷）。如果用百越中心史觀，明清都係殖民者，冇人會用殖民者嘅觀念去代表自己嘅文明。就好似漢人唔會因爲元朝覺得自己係遊牧傳統。

[恆智德]

@親衛隊 要達到文明程度，肯定係社會共識，既有民間自發，也有政府支持

就一句説話：你話係文明，有無航海典籍？
唔係一兩本，而係一系列，證明一路有呢個傳統

如果有人出海打魚通商就叫文明，衹要靠海就得啦，使鬼其他論證

[恆智德]

@親衛隊 在 有「泛突厥主義」，有冇人搞過「泛百越主義」？ 中說：

生活兩三代會唔會同本地人通婚

有機會，但都可能無通婚
我特登講咁短就係考慮呢個可能性

而且你睇下上邊福建閔語人口嘅基因測序，發現閩越族群基本上已經消失
07年有學者認爲，https://wenku.baidu.com/view/086e6d15f18583d049645958.html (Archive)

[FreedomHash]

無聽講過