• 前言:

    唔好以為反共就一定係朋友,有啲時候反共者同反共者之間嘅矛盾比對共党仲大。


  • 「法輪功」

    最大嘅反共勢力之一。

    核心成員係法輪功弟子,堅定信仰「真善忍」「三退」「天滅中共」等論述。

    非核心成員係同法輪功集團有利益關係嘅人同團體,例如其僱員、有合作關係嘅自媒體。


  • 「姨派」

    非主流、主張極端、觀點新穎、聲勢不容小覷嘅反共派系。

    「姨學」中嘅部分論述:

    「諸夏論」,即中國應解體為多個獨立政權。

    「大洪水論」,即中國人會面臨大洪水式災難。

    「費拉論」,即中國人劣根性。

    「東亞窪地論」,即中國因地理及歷史因素影響而腐敗不堪。


  • 姨學同法輪功我覺得係幾值得討論嘅兩個派系,我之後會再寫兩篇比較詳細嘅分析佢哋嘅對反共嘅貢獻同影響。(不過我拖延症好嚴重,有興趣嘅朋友可以催我,如果唔係我就冇乜動力寫)


  • 呢個po我應該會用好多時間同好認真寫,因為好有討論價值同冇人寫過,希望可以成為呢個論壇最有價值嘅po之一

  • @Rehk

    @Rehk :lomore-hoho: 講「最有價值嘅po之一」即刻食負皮。

    你對「姨學派」嘅起源點睇?

    「六四民運」同「法輪功」當年都係因爲中共迫害先去海外。而開真名嘅姨學家感覺都冇類似嘅經歷(未聽過佢哋仲喺中國嘅時候有搞獨立運動嘅實績)。

    😂我對「諸夏國父們」嘅感覺係海外華人社群嘅底層人,呃錢味重:lomore-wfc:

  • @親衛隊

    @親衛隊 😡 咁我唔寫啦

    阿姨感覺屬於係學院派,要我講起源就無謂講啲「過分解讀乜乜時代背景」,事實上就係有個「奇人」提出一套「新奇理論」,又有唔少人認同,就係咁簡單。

    好似香港個國師咁,阿姨套理論有唔少位奇奇怪怪,但有一部分又好有價值。

    其實我懷疑係大中華政治圈通病,啲出到名嘅理論硬係有啲標奇立異,啲主張又偏極端嘅。

  • @Rehk

    @Rehk 而同國師相比,好明顯阿姨嘅理論有價值嘅部分更加多,阿姨歷史方面嘅「國共同為俄孝子」睇法都好有價值,顛覆咗主流史觀

  • @Rehk

    @Rehk :lomore-wfc: 感覺大家好少畀like

    我最後嗰句係指嗰啲「姨教徒」。佢嗰套話語體系我覺得係專登寫畀淨係睇牆內簡中圈嘅人睇,宣傳效果好勁。因爲用「另一種歧視」去說服一班喺充滿歧視嘅環境成長嘅人比玩民主啓蒙更有效。

    我對「諸夏國父們」嘅感覺係海外華人社群嘅底層人,呃錢味重

    我講呢句係因爲覺得某些「國父」騎劫咗反中獨立運動

    你對「姨學派」嘅起源點睇?

    講起源係因爲我自己評價一個人物之前習慣先睇佢嘅履歷,正因爲咁我對郭文貴從來就無好感。仲有其他唔反共連生存都成問題嘅人😂

  • @親衛隊

    @親衛隊 老老77就算我唔係姨教徒,個人情感上都鐘意姨學,因為「費拉抵死論」真係夠解氣,反共嘅多多少少都對班「費拉」哀其不幸怒其不爭😂

  • @親衛隊

    @親衛隊 佢套話語體系「黑話」好多,所以其實唔算傳播性好強,引起到咁大迴響,其實真係因為觀點好獨到

  • @親衛隊

    @親衛隊 其實我好懷疑到底係「另一種歧視」定真係事實如此,唔再粉飾

  • @Rehk

    @Rehk 如果喺中文圈嘅話佢哋傳播已經好勁。

    點解我會用「另一種歧視」呢?

    因爲我觀察有啲「姨教徒」(僅指一部分,因爲唔少人係有獨到嘅建國理念)係出於掩飾自己自卑嘅心態而唔係真係對「中國概念」嘅反感。

    我見到內心第一反應:「扮乜嘢啫,講嘢成個五毛咁,咪又係支那人😂」。


  • 華人反共圈派系我噉分。

    假民主真獨裁派:建立民主同社會主義國家,強制公平分配資源,由於民智未開和防範帝國主義侵略,所以暫時訓政。64後流亡者多為此派,佢哋須然飽讀萬國學問,但個心都係想做皇帝。更有萬貫家財者,借西洋普世價值嘅外殼,妄想登基於太和殿。

    軍政獨裁派:煽動軍頭搞政變,搞假議會,實行民族主義同資本主義。同樣使用民智未開和防範帝國主義侵略藉口,要求暫時獨裁。64政治落敗嘅中共官員同有哋自稱右派嘅學人皆為此派。技術官僚學懂華爾街,搞唔掂民主政制,喜歡依附強人。

    法輪功:宗教團體,好有錢,好有影響力。只要有權力真空,佢就可以補上。

    民國派:老不死,但有合法性。如果由它國武力推翻中共或佔領中國部份領土,優先會搵佢哋建立政權。可惜時間係佢嘅敵人。

    台獨派:民國派的撅墓人,反中優先,不一定反共。美日靠山,國際認可。

    獨立派:圖博人,東突厥人,香港人。有錢,有國際支持,有行動機構。

    次級獨立派:滿洲人,雲貴人,吳越人,閩越人,嶺南人。遊走於其它派別,又跟獨立派尾,吹噓中原動蕩,搞割據政權。有時又會變成中華聯邦派。

    以上能夠成派,係因為佢哋有實質團體或會所,甚至國家支持。冇就係吹水或抽水派,美其名學術派。劉阿姨係學人,佢啲信徒不可能統為一派,邊界問題就可以引發內鬥。有能力嘅獨立派系唔需要搵劉做國師,次一級嘅獨立派會借用劉嘅學說壯大自己,但亦會排斥異己,包括劉。冇能力獨立嘅地方,再多劉嘅信徒一樣冇能力獨立。

  • Citi @Drdoom

    @Drdoom 唔太肯定香港係咪算『獨立派』。我認識大多數黃絲其實都反感/反對港獨。

  • @BBQ

    @BBQ 唔該唔好亂代表黃絲☺

  • @Drdoom

    @Drdoom 你呢個分類幾好,不過我唔太同意你淨係計「實質團體」,貶低理論派嘅價值。因為老老實實現階段大家都係口誅筆伐,唔係真槍實彈反共。

  • Citi @Rehk

    @Rehk 黃絲定義唔包括港獨立場麻。五大訴求,再加埋第六大訴求『解散警隊』,無一條同港獨有關喎。。。

    之但係阿爺就會跟黃絲扣上港獨帽子。你唔會係阿爺派嘅臥底啊麻。。。

  • @BBQ

    @BBQ 2020年啦,訓醒未?話獨立係鬼,仲停留廿幾三十年前?你就大中華老鬼

  • Citi @Rehk

    @Rehk 先生,係你話唔支持獨立就唔係黃絲。。。。
    大個仔喇。。。唔好成日亂咁屈人改定義啦。

  • @BBQ

    @BBQ 我反對你話「好多黃絲反對獨立」,我唔支持唔代表我反對,多數人唔支持係覺得可行性低,但一定唔會話反對

  • Citi @Rehk

    @Rehk 我話我識大多數黃絲都反對獨立。。。《--我自己喺我嘅samples入面做調查得出哩個結論,又唔岩聽啊?
    難度你又可以代表黃絲?個表寫明獨立派:香港人?請問哩個表可以代表香港人嗎?

  • @BBQ

    @BBQ 「你識嘅大多數黃絲」咁ok,但個口吻唔好講到好似「大多數黃絲」咁誤導人☺


  • 唔好意思,我寫嘢求其,冇咩邏輯,使大家睇唔明。查實可以問下黃絲,有日五大訴求達成,你哋想要如何嘅香港?你認為可行度有幾高?黃藍嘅分別只係喺帝國之下順民同有訴求嘅順民之分。喺大陸一樣有黃絲,佢哋叫上訪維權人士,只係佢哋住喺窮山惡水之間,肚裡面少啲洋墨水,唔識洋大人而已,但追求想象中嘅平等自由無異於世人。我無意貶低黃絲,我認為香港黃絲為現代自由派 neoliberal,可惜喺帝國之下佢哋沒有土壤生存,降級成為街頭鬥。希望遠去,最後就會淪為假民主真獨裁派,軍政獨裁派,次級獨立派。

    既然 @BBQ@Rehk 討論倒黃絲與獨立,不如到https://www.xsden.info/topic/726/不同派系論述香港與嶺南前途。呢度就繼續講反共圈。

  • Citi @Drdoom

    @Drdoom 暫時我未見到有任何組織做過研究/統計睇吓大家五大訴求後嘅終極目標。
    我理解係一般大家嘅共識為中線目標爭取雙普選。
    所謂嘅黃絲其實光譜非常闊,當中的確有港獨派,亦有溫和少少嘅本土(優先)派。傳統嘅泛民派大狀派,基本上係堅持落實一國兩制,港人治港。
    部份港英年代嘅人希望重回英國懷抱。
    大家短期目標一致,都係反對現今政權,但願境係完全不同。

    哩個亦都係占中運動主要失敗嘅原因,占中後進化成『兄弟爬山,各自努力』同『不分割,不篤灰,不譴責』。我自己嘅理解哩個係有啲類似黨國嘅『統一戰線』策略。

    過去幾個月,每日都有新聞新形勢,人心天天都在變。從前嘅藍黃,今日可以互相調位。

    最後就係,好多朋友有好多偉大理想願境,但完全唔考慮execution。簡單如獨立,到時要組織軍隊,人人都要服兵役接受軍訓。香港班少爺公主怪獸家長願意嗎?!


  • 講返反共嘅 topic,到底又幾多派系又同共產無異,又有幾多係想皇權專制。但凡唔尊重私有財產,唔重視民族自決嘅都好危險。

  • @Drdoom

    @Drdoom 唔好睇少啲皇漢毛左馬克思原教旨,加埋分分鐘多過自由派😏


  • @Rehk 皇漢與毛左皆為亂民,並無組織政黨進入議會嘅能力。投票選舉,呢班人大部份會訓懶覺唔出現,自由派一定會利用佢哋去死。

  • @Drdoom

    @Drdoom 但係革命應該就係要靠佢哋,自由派做軍師就叻😂


  • @Rehk 利用亂民唔係一件好事,近期嘅美國亂像令人擔心。

  • @Drdoom

    @Drdoom 革命同示威係兩樣嘢😳

  • Citi @Rehk

    @Rehk 睇阿姨不如睇秦暉,話曬人扎扎實實做學問,唔似阿姨嘩衆取寵,連核平中國都講得出
    渠哋兩個都有對談過,至少有部分理念相通

  • Citi @Rehk

    @Rehk 呢個唔係主流史觀咩?衹不過國民黨宣傳自己唔係罷了

  • Citi @Rehk

    @Rehk 黑話多未必等於傳播性差
    向信息爆炸時代,黑話可以增加辨識度,反而會吸引關注加速傳播
    如果唔係點會咁多人言談越來越出位

    傳播未必要波及所有人;成功搵到受衆就係好嘅傳播

  • Citi @Drdoom

    @Rehk 人哋清清楚楚寫明「我識大多數黃絲」,邊度有誤導?係咪你自己先入爲主?

  • Citi @Rehk

    @Rehk 你睇民調都知港獨唔係主流
    十幾年來支持港獨嘅從未超過20%,至少到舊年十月都係
    國安法之後可能會有增加,但增加去到邊就唔知

  • Citi

    @BBQ 老實講,就我所知所見,如果有民主自決機會揀自治或獨立,恐怕大多數香港人都會揀自治;即使一時間多數支持獨立,恐怕以後民意都會反復(比如大陸實現聯邦制之後,可能就會有人提入返中華聯邦),正好似當年民國初年地方自治風靡一時,但好快又被大一統者撲滅

    理由如下:

    1. 地理、種族同文字乃至語言同氣連枝,香港人本身就同大陸有千絲萬縷的關係
    2. 大陸有資源同市場,講求實際嘅香港人點會唔心㤢

    有人可能會考慮新加坡獨立嘅例子,不過香港同新加坡相去甚遠:同樣以上述兩角度考慮,就知道一來新加坡主要係華人,而大馬係馬拉人,當年大馬將新加坡踢走坡佬先被迫獨立;二來大馬同大陸爭天共地,人口同資源都唔同級數,大馬對新加坡嘅吸引遠遠比唔上大陸對香港

  • @恆智德

    @恆智德 我覺得唔可以咁樣比較,阿姨係學人,套論述比較傾向係「概念」「主義」

  • @恆智德

    @恆智德 主流中國近代史觀其實一係國民黨史觀一係共产党史觀,好明顯兩個都有問題,將來有必要重整😳

  • @恆智德

    @恆智德 咁啲五毛同藍絲講「我識嘅大多數香港人都好支持国安法同共产党」都好合情合理?唔批評得?