感覺「黃種人」一詞係基於歐洲中心論對東亞裔嘅歧視，點解好似中國官方同民間都樂於接受？

[親衛隊]

感覺好多大中華主義者將「黃種人」個「黃」當成「炎黃之孫」個「黃」，仲成日講咩「黃皮膚黑眼睛」😂。

下面先係真黃種人

[Rehk]

你曲定直？

[親衛隊]

@Rehk 😂主要係想認真討論下題目，因爲呢個詞真係中文圈先多見人用

[Rehk]

維基：
20世紀以前，科學家普遍認為，人類分為若干個本質主義方式劃分的（即以不可缺的特徵來劃分的）人種，如尼格羅人種（黑種人）、蒙古人種（亞洲人）、高加索人種（白種人）等。但自1940年代起，演化科學家開始淘汰這種理論。

我個人覺得黑人、白人、黃種人（亞裔）仍然係好常用。

[Rehk]

另一方面，「種族」話題上有進一步細分（例如基因測試個成份表）/根據國籍去分嘅趨勢

[Wetdiet]

我肯定我父系對上唔係炎黃子孫而系塔吉克混波斯，你問我係咪黃種人，我會話係，但係我又同時係中亞雅利安人種既后代，所以我認為我係中亞人多過東亞人。

[親衛隊]

其實我比較有興趣嘅係問題嘅後半段。

抄一段維基：

「黃種人」概念的由來和演變

黃種人是西方白人創造的詞彙，中國傳統上並沒有這種概念，雖然黃種人的稱呼出現在西方，在現代因為已經涉及種族歧視，因此歐美多改用亞洲人來稱呼。而事實上大多數東亞人的膚色與南部歐洲人的膚色並無差別（見右圖）。中國人、日本人等所謂「黃種人」傳統上都是以膚白為美，反倒是白人以「小麥色」肌膚為美。

而實際到過東方的早期白人，例如歐洲傳教士，反而將包括中國人在內的東亞人稱作「白人」[14]。直到17世紀，由於歧視、黃禍（包括歷史上匈人、蒙古人對歐洲的威脅）等原因，東亞人的膚色在白人筆下越來越暗。創造了雙名法的瑞典生物學家林奈用「luridus」來指稱東亞人的膚色，該詞除了有「黃色、淺黃色」的含義外，還有「死亡、像幽靈一樣」的意思[15]，是個貶義詞。同時在西方醫學中，黃色皮膚還通常被視為黃疸病的症狀。1795年，德國人類學家布盧門巴赫率先使用「黃種人」名稱，而且專門發明出「蒙古人種」來指稱以中國人、日本人等為主的東亞人。此後，居維葉等人進一步推廣該概念，終於成為舊時學術界普遍看法。[16][17]

目前，仍較多中國人接受「黃種人」的概念。這可能跟歷史上中國以黃色為尊貴色的觀念有關。而日本人則很少自稱黃種人。[18]現時，部分黑人組織，堅持認為華人屬於白人，例如南非普利托利亞高等法院於2008年裁定南非華人屬於有色人種而並非「榮譽白人」，但因南非黑人貿工聯合會等黑人經濟組織拒絕承認華人是有色人種而引發爭議，並要求南非政府就此項裁決向最高法院提出上訴，以便於將華人劃出受益的弱勢群體地位[19]。

我想討論嘅主要唔係「蒙古人種」、「黃種人」、「亞裔」呢啲詞指代嘅概念，而係「黃」一詞嘅負面含義。歷史上歐洲將蒙古人嘅入侵稱爲「黃禍」，可見黃色一開始對於佢哋嚟講就唔係咩好詞。但係好奇怪，中國人對此欣然接受並願意喺自己嘅語言度使用呢種外來嘅歧視概念。😂你話用歐洲語言就尊重歷史傳統啫，況且而家正式場合都唔會用顏色。比如一般都係用「非洲裔（African）」而唔係「黑（black）」。

我都見到中文世界會有華人係「模範少數族裔」、「榮譽白人」之類嘅講法，同樣十分奇怪。感覺隱含嘅意思係「我比唔上白人，但歧視其他非白人種族就有資格」。咁嘅諗法可能同中國專制傳統有關？

[親衛隊]

@Wetdiet 中亞、西亞裔明顯就唔係「黃種人（蒙古人種）」，不過如果混血嘅話就睇自己文化認同啦。

題外話，一直覺得「Asian」好以偏蓋全，實質用起身最多指東亞（東北亞+東南亞）。

[Rehk]

@親衛隊 如果話黃種人係歧視，我會覺得有啲政確左膠，其實問大多數亞裔「你係咪黃種人？」我相信冇人會因為覺得被歧視而否認

[Rehk]

@親衛隊 確實多數係指東亞，因為中亞已經有唔少白人混居？而東亞黃種人就一定佔人口大多數

[Wetdiet]

@親衛隊 我文化認同上仍然保留阿拉伯+波斯，但係由于自身漢化都幾重，所以可以話我係多重文化認同，但唔接受拋棄自身根源文化既行為。

[Wetdiet]

@Rehk 中亞人唔少膚色深過東亞人，北邊哈薩克較白，但土庫曼同塔吉克深膚色人不少。純觀察所得，冇深入研究。不過中國回族有金髮藍眼的，主要係白俄韃靼人後代

[Wetdiet]

@親衛隊 膚色我認為唔代表乜嘢，主要係文化認同，如果唔係漢人都有好多膚色深既，同印度北部人差唔多。我認為黃唔黃都係其次，主要係亞裔本身就好多元化，黃種人根本無法概括性描述

[Rehk]

@Wetdiet 咁會唔會係因為中亞被歸類做「伊斯蘭文明」而亞裔狹義上指其他東亞文明？因為歐洲又有人提出歐美、伊斯蘭、亞洲三元論？

[BBQ]

其實除咗"yellow fever"，好少聽到歐洲人講『黃種人』。大家多數都係講white, black, asian

[Wetdiet]

@Rehk 我認為伊斯蘭文明都好多元化，而且中亞遊牧風比較重，阿拉伯伊斯蘭文化係好避忌搶婚，中亞係成日搶婚，仲有阿拉伯伊斯蘭女人唔可以拋頭露面，留係屋企受父親或夫君照顧，中亞女人騎住匹馬四圍行都得，而且對家中財產有話事權。伊斯蘭整體黎講可以算做文明，但係基本都有各種風俗影響。

[RAM友]

係中国人on9騎劫完華人想騎劫埋亞洲人同人類啫。black white brown yellow係大致既膚色分法，不過西方成日都忽略後兩者。

[恆智德]

「炎黃子孫」唔係康有爲爲了團結中國人抵抗西方而生安白造嘅神話？
不過睇下wiki就發覺呢個概念當時都幾受歡迎 (Wikiless)，士大夫乃至滿清貴族都有人buy

嚴複：滿漢「同是炎黃貴種，當其太始，同出一源」。
滿洲貴族盛昱稱：「起我黃帝胄，驅彼白種賤，大破旗漢界，謀生皆自便。」
激進的革命派認為「炎黃之裔，厥惟漢族」。而溫和的改良派則認為「我國皆黃帝子孫」。

至於黃帝點解係黃，一般認爲代表五行中土行的黃色 (Wikiless)

至於 黃種人，明顯係西方概念，實際上指蒙古人種，居住範圍包括東亞、東南亞、北亞、北極地區、美洲 (Wikiless)

上文提到

到過東方的早期白人，例如歐洲傳教士，反而將包括中國人在內的東亞人稱作「白人」

[RAM友]

@恆智德 唔怪之得喺中国 黃皮膚黑眼睛 = 中国人 啦，原來專登混淆視聽為騎劫黃種人舖路 如果唔係世界及時由極度親中急轉軚去反中，遲多幾年輪到黃種人有口難言

[恆智德]

@恆智德 在 感覺「黃種人」一詞係基於歐洲中心論對東亞裔嘅歧視，點解好似中國官方同民間都樂於接受？ 中說：

例如歐洲傳教士，反而將包括中國人在內的東亞人稱作「白人」

估計班傳教士係用簡單二分法，將人分成黑人同白人
咁東亞人比起黑人又確實好白

[恆智德]

@RAM友 好多南美人，乃至北美印第安人都係黃皮膚黑眼睛
普通人未必係專登，可能係見識少，鄉下佬未見過世面
不過宣傳機器就肯定有心將錯就錯

[RAM友]

@恆智德 講真，牆內已經冇省城鄉下之分，99.99%都係党媒永遠是對的

[Rehk]

@恆智德 咁全世界都有呢種神話嘅，大多數文明嘅早期歷史都係神話化，逢中必反要不得

[Rehk]

@恆智德 所以係二分法同三分法嘅問題，但其實兩者都好片面同不可取

[恆智德]

@Rehk 在 感覺「黃種人」一詞係基於歐洲中心論對東亞裔嘅歧視，點解好似中國官方同民間都樂於接受？ 中說：

兩者都好片面同不可取

取決於你目的係乜，二分或者三分好多情況已經足夠
比如話我想食一個蘋果，我衹要知道呢個蘋果係咪食得就夠
呢種情況下食得/唔食得就係一個二分判斷

但係如果你目的唔係想食，而是要同個蘋果畫畫
咁你就需要考慮蘋果色澤、形狀、擺位等等問題

[Rehk]

@恆智德 但其實要分類「人」，膚色並唔係一個重要嘅指標，用文化區分可能會比較適合

[恆智德]

@Rehk 膚色係第一印象，舊時嘅人無考慮咁多

[恆智德]

蕭生最近都有講呢個題目
https://www.youtube.com/watch?v=CmPF82SOnug (Invidious)

入邊推薦呢本書：Becoming Yellow: A Short History of Racial Thinking
成爲黃種人：一部東亞人由白變黃的歷史

蕭生提及中文提及黃膚色都係負面，比如 面黃肌瘦、黃疸
而中國人接受黃種人呢個稱號可能係因爲古代黃色係皇家專享

[恆智德]

@四邑漁農牧工商總會 呢段想講乜？