香港抗疫亂象一覽

[setimuni]

捱到6點，總算收工，第五波大爆至今兩個禮拜左右，對我地呢啲前線人員黎講簡直係度日如年。有幾點要揭露一下。

1 醫院病床唔夠，呢個問題最早係源於佢一開始係咪都拉人入院，搞到病床唔夠用，之後又唔分流長期病患同新冠病患，搞到交叉感染。

2 老人院政策問題，政府一開始叫老人家有事入廠，根據1佢又唔夠病床，白車送到入院就係院門口吹西北風。而家又話要留在院內隔離，又搞到交叉感染。

3 根據1同2，政府應該安排其他場地收治病患，但除左個竹篙灣有啲規模，根本係冇任何地方可以收治病患，我地最早提出租學校禮堂，係我地社福界「擅自」進行左一個禮拜後，林鄭先公佈全港學校提早放暑假，空個禮堂出黎抗疫，嗰陣時已經太遲。

4 講下3提到既竹篙灣，竹篙灣根本冇足夠人手管理咁多人，佢只有用whatapps羅物資，但問題係只有五個人有個Account權限可以查驗。大佬，咪玩啦，竹篙灣塞左幾多人呀？仲有簽紙走只有五個醫生，簽到手斷都未得啦，後來改善左搵人幫手測到陰性就走得，但係個管理同物資調度極度混亂，呢個問題至今未見到任何解決跡象，真係唔怪得啲竹篙灣病友發癲。

5 1234都有既問題，政府濫用外判，好似4既竹篙灣，聲稱有1000人手，但通常只見4,5個人行行企企。有時判到我地`都唔知邊個係負責，打去政府坐底要打近百次先通，一打通佢又話係第的部門/第啲公司負責，好似我地想幫一啲街坊安排隔離，我地係由隔離熱線打到防疫專線又打到家居檢測，最尾索性打999，嚇佢地再敢踢波落去遲早出人命，先有人接手。我係後來先知原來佢地判上判，原本應該Follow既AO反而在家工作，呢個真係最大既諷刺……