點解穆斯林生育率可以好高

[latifahsat]

http://christianityinview.com/religion-statistics.html
得閒午餐時同姊妹們討論到，點解穆斯林比較生得，
甚至係反穆謠言中出現左「子宮武器」占領法國德國成為「法蘭西斯坦」、「德意志斯坦」。
當然，呢啲謠言不足採信，而且穆斯林係2025年預計係世界將近80億人口中只占大約五分一，大約19億7千2百萬。
香港生育率奇低大家都知，反而穆斯林生育率因為少數族裔弟兄姊妹既帶動生育率都高
https://www.censtatd.gov.hk/tc/EIndexbySubject.html?pcode=B1120100&scode=459

目前我已知生育最多既姊妹係一個巴基斯坦姊妹，生左8男6女，如果只計華人，目前係一個國內黎既姊妹，生左6男4女，相比香港平均生育率係好驚人。
舊底家計會都教落，生得多會斷擔挑，兩個夠哂數
https://youtu.be/f-X0HUt9hmE (Invidious)

咁點解可以生咁多？係咪個個好有錢？
其實唔係，以我經驗穆斯林阿媽其實好多都冇咁多錢。
所以整理左以下幾點，係穆斯林生育率高既原因

1 唔避孕，除左可能生仔會有先天缺陷外，生仔係完全唔避孕。因為教義問題，性行為=生仔=真主既賜福，雖然而家唔少教長都主張應該解禁避孕，避免出現無法養育仔女既家庭危機。但只要生活許可既情況下，完全唔應該避孕。

2 人有我都有，我直到27都係因為工作關係係唔想要仔女住，但係有時候會有好大班細路，會因為生理因素導致好想生仔女，而且最重要既係生左出黎會有人共同照顧。加上好多穆斯林爸爸都會一齊湊仔，所以問題唔大

3唔駛坐月，雖然唔係個個穆斯林媽媽都唔坐月，但普遍都唔坐月，生左冇幾耐就四圍行下。或者係搵姊妹幫手帶B，安心恢復一兩日，慳番坐月時間。

4 共同哺乳，新生B要唔少奶水，有時新手媽媽乳頭會由性器過度到哺乳器，有時奶水唔夠，有時多左個B唔飲要雪落雪櫃。所以我地既解決方式係共同哺乳，就係互相乳喂其他姊妹既B，增長彼此之間感情，同埋互相照顧對方既B，所以理論上各位姊妹都係新生兒們共同既乳母。我地會有專門既姊妹幫我地分配，我地都會成日定時擠奶，避免乳房因為奶量過多塞奶，跟住分享出黎俾其他姊妹，所以我地亦都唔駛買奶粉，又慳左筆。

5有免費既育兒場所，完全可以安心放底仔女，跟住去做自己事。

6 文化上適合集住，上面提到既哺乳房，我地係個個坦胸露乳一齊吹水，唔會覺得係咩問題。但係如果出到去係女廁換杉，就算大家都係女既，戴住個bra，都係有人叫你入廁格換杉。而穆斯林媽媽之間冇呢個問題，所以一旦大左肚唔會覺得有咩不便。嗰嗰知你有左，都會好祝福你，有孕吐同大象脾大家都會好體諒。仲有萬一穿左羊水，都會有學過醫護同接生既姊妹係度，完全唔驚生命有危險。

生育門檻低，養育成本低，情感需求得到滿足，有完善既社群配套，近乎零既托兒成本，唔駛奶粉，尿片可用可不用，造就左穆斯林姊妹們既生育率。唯一既限制就只有女性生育既時長，我係打算隔年生多個。