住房問題我地穆斯林點解決

[setimuni]

我地穆斯林一般係度用教產買左物業跟住改裝，呢個諗法最早係源自巴基斯坦裔既穆扎教長，但係穆扎教長係1950年代時候就係清真寺隔離起多棟野，當臨時居所。即係短住可以，長住過主，主要服務對象係外來弟兄姊妹留宿之用。咁到左1970年代，隨住木屋區徙置區日漸增多，加上越戰好多人走難過黎香港，係調景嶺住既省城阿訇，或者叫伊斯梅爾‧楊教長提出不如起「回廈」即係唔好搞咩一打風落雨山泥傾瀉就會冧既屋，而係合弟兄姊妹之力搞棟大樓大家住，於是係1974年，弟兄姊妹們大家夾左420萬，係當時算係好大筆錢，係而家健明邨嗰頭起左四棟樓，咁可以話係最早既愛心之家，成棟樓都係穆斯林，一齊食飯，一齊唱歌，一齊穿膠花，睇電視。

省城阿訇真係善功滿載既人，係1949年由廣州帶領穆斯林兄弟來港走難，直至1995年歸真，一生貢獻良多，係80年代仲完成左同本地巴基斯坦印尼弟兄姊妹既共融，我好記得我細過時仲見過佢同我阿爺一齊食叻沙。

講完歷史，講下我地係點樣傳薪火到而家。
一開始香港穆斯林既愛心之家限定係「華人穆斯林」（唔理省籍）群體，咁早期由於愚昧，好多時弟兄姊妹之間互相種族歧視，所以要撈埋其他族裔一齊非常困難。去到1982年左右，我地本地穆斯林之間開始共融，咁大家默認四種最常用語言，即係廣東話、英語、旁遮普語同印尼話為溝通語言，仲有為防大家之間族群壁壘分明，我地係「混住」，比例要維持冇任何一方超過50%。即係唔準人多蝦人少。咁香港穆斯林中華人占相對多數，都係我地就其他穆斯林，呢個係一個好大既嘗試，但係係成功既，起碼而家華人穆斯林唔會當街當巷叫巴基斯坦弟兄姊妹「阿叉」、「食泥佬/妹」，叫印尼人做「工人」，「番」
https://xsden.info/post/16769
智德哥之前都講過，而家葵涌愛心之家既管理者mona姊妹係唔識廣東話，但係都冇問題。

咁去到80年代中期，由於香港即將回歸，移民既人多左，樓價平左，我地於是買多左幾棟樓，並且細分為「愛心之家」、「姊妹之家」、「弟兄之家」，即係分別俾家庭、女性、男性入住，目前係全港總共有85棟，而為左管理咁多樓宇，我地有個穆斯林既管理公司，目前總經理係施國綸弟兄

咁由於我唔係女既，入唔到姊妹之家，講下我幫過幾次「弟兄之家」既經驗。
首先，弟兄之家有兩種房， 一種係四人房另一種係八人房，四人係常住，八人係暫住。
長住收月租，一個月500。
暫住收日租，一日50蚊。
有WIFI 有冷熱水，通常有十幾部雪櫃，每間房都有電視
咁好啦，咁平，咁咪好容易湧哂流浪漢入黎？
唔會
1，我地入住先必須肯定入住者係「穆斯林」，即係至少要日日面熟，或者有人介紹既人
2，我地真係有俾流浪漢住既地方，只不過冇床，打地舖，且需要遵守伊斯蘭禮儀
3，我地呢啲「之家」有個最大既唔好處，住得入黎係冇私隱，你需要無時無刻同弟兄姊妹高強度互動，唔係匿藏係某個角落了事。

4，我地仲有讀經時間，仲有偶然要幫手煮飯，仲要義務做家務
你頂到呢啲，就證明已經係穆斯林既德行，咁非常歡迎，成為穆斯林弟兄。

弟兄之家仲有一個作用係整青少年暑期營，當然呢個就好多友仔乘機上網睇咸片。
我地年年睇上網紀錄都見到佢地偷偷或者光明正大睇咸片

我係2016年曾經都入過西貢CAMP帶青少年，當時間房4個床位，我訓4號床，陪佢地一個月。
咁為左平衡種族，都係馬來2個（紅杉同我），華人2個，但係溝通語言都係廣東話。
咁為左融入佢地都要講幾句潮語，得閒一齊打下籃球。

咁暑假後房會清空，通常租出去俾其他單身既弟兄做個訓覺既地方，咁始終西貢路途遙遠唔係住得咁滿。所以係2018年我地改建左做安老院，變成年長弟兄既養老地方，俾單身既弟兄們老有所養。

[舊使用者]

3，我地呢啲「之家」有個最大既唔好處，住得入黎係冇私隱，你需要無時無刻同弟兄姊妹高強度互動，唔係匿藏係某個角落了事。

小時候生活在老街坊，都係46年中日戰爭結束後搬進的，所以好多鄰居關係都非常親切，20年前搬進新屋，鄰居老死不相往來，不知對方名字，甚至不知對方長相。不過這是這個年代大家共有的問題。

另外，如果一個人呆著，就比較容易用手機或者電腦看些亂七八糟的東西，多同他人溝通也有助於減輕自閉自卑嘅行為。這個時代被現代文明衝擊過度，好多地方都沒了以前鄰居和家人一樣親的關係。

[setimuni]

@阿離 可能因為工作需要，我需要認人呢種技能，我叫得出我屋企附近幾層樓人名。全港弟兄姊妹由於總數超過二十萬，冇可能識哂，不過日常接觸的幾乎都可以叫出名。穆斯林社群注重互信，而建立互信既方法就係不停碰撞，產生火花。現代社會一般人絕對信任既人可能得一個兩個，但係如果今日 @馬智德 @夕雨時揚 @latifahsat 以及其他我信得過既弟兄姊妹突然問我借十萬，我唔會質疑佢地直接借，並且可以期望佢地還到錢。呢個就係我地將信任建立起黎既報酬。而其他人人情薄過紙既情形下，每一次同人交往都係一種博弈，人際交往成本會變得十分之高。

[latifahsat]

@setimuni 嚟啦嚟啦，我好似冇咩事需要問你借錢，不過你需要十萬可以隨時問我同Bayan借，免息兼無還款期

[setimuni]

@latifahsat 咁係借定係送ORZ，不過真係好有摸着，而家經濟咁困難，啲街舖執成咁，我地生活都係豐滿同充足既。

[latifahsat]

其實作為女仔，覺得男仔睇鹹片係正常生理需要，冇咩大問題，我知有唔少姊妹私下都鐘意睇BL。
不過作為穆斯林，最好都係唔沉迷肉欲，搵其他野發洩下過剩的精力最好

[setimuni]

@latifahsat 我本來都覺得姊妹們應該係性方面比較保守，但係自從H版開左後我改觀左
咸片呢家野，大左就唔睇架啦，有時候都係平常相處最好。

[latifahsat]

@setimuni 主要係女仔係青春期開始都有唔少情欲，控制到其實就冇太大問題，H版三個管理都係痴女，咁總係有啲守身如玉女仔既，好似我就冇婚前性行為，完全符合沙基勒。

[latifahsat]

@setimuni 我好似中學時已經知道咩係咸片，仲問過老公鐘意睇咩咸片。。。等等，成個討論向左奇怪既方向，都係講番居住問題啦

[setimuni]

@latifahsat 姊妹你有冇入過姐妹之家活動過？可唔可以分享下？

[latifahsat]

@setimuni 冇，因為屋企已經好大，所以冇住姊妹之家既需要。咁我同楊梓雅同sofie入過camp，但係搭帳篷露營睇星星，所以應該係零經驗

[陽防]

哈哈，周嘉銘同楊振喬當初同你住埋同一間房，笑左，當時我都入左CAMP，不過係香港仔，唔係西貢

[陽防]

此回覆已被刪除！

[setimuni]

@陽防 純粹提點下，唔好成日開人名，無謂節外生枝

[馬智德]

楊阿訇係主內見到而家我地做成咁，應該都會好安慰，自哈桑‧謝教長歸真之後，當年大遷移既阿訇已經全數歸真，但佢地的確為我地打下堅實既基礎。

[馬智德]

我睇番國綸弟兄既舊相，再睇下佢而家嗰樣，短短八年頭髮就禿左好多，佢今年先得42歲。
睇黎管成萬個弟兄姊妹住宿真係辛苦，但佢既才能確實無可替代，管咁多人起生活起居屬實係稀有才能。
同哈薩克既買合素甫弟兄一樣，七河墾殖區成幾萬人都管得好好，感謝真主賜福，令弟兄們可以盡展才能。
為眾弟兄姊妹抱薪者，我地都唔可以俾佢地過度勞累，必須要盡力協調佢地日常生活所需。

[setimuni]

@馬智德 我比較傾向發掘其他有相同長處既弟兄姊妹幫佢分擔下工作。
畢竟最好既方法都係多幾個人做，更進一步改善組織架構，呢個問題就唔存在。