[純技術討論]用粵語拼音輸入嘅效率點？

[親衛隊]

先唔考慮文化，比如話「我手輸我口」之類，同其它中文輸入方式比，使用粵語拼音輸入中文效率高唔高？

有冇人做過類似研究，比如平均每隻字幾下keystroke。

[玭玻邦]

冇做過研究，以下為㞗噏
雙字母「ng」「aa」「oe」「eo」「yu」之類會比較宂長，「ei」「ou」「eoi」明顯要長過普通話嘅「i」「u」「v」。
粵語聲母比較少，有啲鍵用唔上（譬如Q之類），所以簡拼（即係衹打首字母）嘅情況下會有好多同音字。有啲韻母合併都會導致同音字比較多，譬如流樓、脆趨之類。
當然你可以揀某啲方案，佢哋會將雙字母映射到用唔到嘅撳掣上，似Q之類，噉樣唔計聲調嘅話基本上就三個鍵內可以搞扂一個字（三拼）。不過始終要加埋聲調（即帶調三拼，可能要用到非字母鍵，變唨四拼）或者靠詞庫、成個詞打先可以精確到少部分字。
倉頡好多常用字都要四五甚至六粒碼，但打單字唔打詞嘅情況下倉頡揀字嘅需求會少過拼音好多、即使係帶調拼音。
所以我個人係比唔出邊個高，真正比賽嘅話都要兩隊人各自好熟悉各自嘅輸入法先得。

[玭玻邦]

其實我覺得大拇指衹負責空格係比較閒嘅……若果alt可以參與編碼或者shift同alt調轉就好返少少

[親衛隊]

@玭玻邦 我諗要考慮下keyboard layout，憑直覺一般手指尾係冇咁靈活，好似「Q、Z」之類會打得慢少少？

[玭玻邦]

@親衛隊 單獨z仲可以接受啩；反而我係聽過有用家話，個孻尾指撳兩次a係有啲唔順、噉。其實有啲語文個layout係調換y z嘅，噉梗係唔係咁「通用」啦。始終我左手係擺慣喺wasd度嘅（打機太多），所以可能唔多覺有點唔順

[jyutping]

如果假設都係最高熟練度嘅話，噉粵拼打字肯定係唔夠字形輸入法例如倉頡速成快嘅，因爲粵拼係拼音會有同音字，一揀字就會拖慢速度。但係粵拼同倉頡比有個優勢係個腦負擔細，唔使好似倉頡噉仲要諗隻字點寫，所以用粵拼打字係真正嘅「我手寫我口」。粵拼仲有個優勢就係好多「識講唔識寫」嘅字打個拼音就可以睇到個提示應該點寫，唔使驚唔識寫邊隻粵語字。

[玭玻邦]

@jyutping 不過問題係，若果唔識個字點寫，即使粵拼打字嗰陣睇到都未必反應過嚟個音係個字喎。雖然形碼就真正係唔識寫就冇辦法打，冇辦法打就逐漸逐漸噉冇人用嘞，噉樣睇仲係幾牙煙下嘅。

[jyutping]

@玭玻邦 輸入法有提醒𠺢嘛，唔識寫咪直接揀第一個囉

[玭玻邦]

@jyutping 唔係得返個拼音提示啫？除非成個詞打先有上下文提示啩

[恆智德]

@jyutping 你好似衹會覆「粵拼」相關話題，專號專用？